အရှင်ယေရှုဘုရား၏ လူ့ဇာတိခံတော်မူခြင်းနမူနာ

အရှင်ယေရှုဘုရား၏ ဘုရားလူသားဇာတိတော်သည် အဘယ်ကြောင့် အရေးကြီးသနည်း

အပြစ်ကင်းသော ယေရှုခရစ်သည် အပြစ်ရှိသောသူတို့ကို ကယ်တင်ခြင်းငှာ၊ ဤလောကသို့ ကြွလာတော်မူသည်။

ဘုရားသခင်သည် အနန္တတန်ခိုးရှင်ဖြစ်လျှင်၊ လူ့ဇာတိခံယူခြင်းကို မပြုဘဲလျက် လောကီသားကို မကယ်မတင်နိုင်ပါသလား။ လောကဓံဒုက္ခကင်းသော နည်းလမ်းဖြင့် မကယ်နိုင်ပါသလား။ အရှင်ယေရှုဘုရား၏ လူ့ဇာတိခံယူခြင်းသည် တကယ်လိုအပ်ပါသလား။ အရှင်ယေရှုဘုရားသည် ကောင်းကင်ဘုံမှ ကြွလာ၍ အားနည်းလှသော သူငယ်တော်အဖြစ် မွေးဖွားရန် လိုအပ်ခဲ့ပါသလား။

ဤမေးခွန်များသည် စိန်ခေါ်ဖွယ်ရာနှင့် စိတ်ဝင်စားဖွယ်ရာ မေးခွန်းများ ဖြစ်သည်။

အာဒံနှင့် ဧဝတို့၏ အပြစ်မှားခြင်းအားဖြင့် လူသားအားလုံးသည် မွေးစကပင် ဗီဇအပြစ်ပါလျက် ရှိကြသည်။ အမိဝမ်းထဲမှာ ပဋိသန္ဓေယူစဉ်ပင် အပြစ်စွဲကြသည်။ သို့သော်၊ အာဒံနှင့် ဧဝတို့သည် မပြစ်မကျူးလွန်မီတွင် အပြစ်တရားအလျှင်မရှိခဲ့ပေ။ အာဒံနှင့် ဧဝတို့သည် ဘုရားသခင်၏ စကားတော်ကို နားမထောင်သောကြောင့် လူသားအားလုံး ကျဆင်းလျက် အပြစ်တရားနှင့် ဆင်းရဲဒုက္ခတရားကို စတင်ပေါ်လာခဲ့သည်။ ထို့ကြောင့်၊ အာဒံနှင့် ဧဝတို့၏ သားသမီးများသည် ဗီဇအပြစ်ပါလျက် မွေးဖွားလာလိမ့်မည်ဟု ဘုရားသခင်မိန့်တော်မူသည်။ သို့ရာတွင်၊ ကျေးဇူးတော်အားဖြင့် လူသားတို့အား ကယ်တင်စေရန် နည်းလမ်းတစ်ခုကို ပြုလုပ်မည်ဟု ကတိပြုတော်မူသည်။ ထိုနည်းလမ်းသည် အရှင်ယေရှုဘုရား၏ ဧဝံဂေလိတရားပင် ဖြစ်သည်။

အပြစ်တရားသည် အာဒံနှင့် ဧဝတို့နှင့် ဘုရားသခင်ကြား၌ မိတ်သဟာယပြတ်စေသော အတားအဆီးဖြစ်လာစေသလို၊ ကျွန်တော်တို့နှင့် ဘုရားသခင်ကြားတွင်လည်း အတားအဆီး ဖြစ်လာသည်။ ဧဒင်ဥယျာဉ်မှာ၊ အရာအားလုံး အဆင်မပြေသွားသောအခါ၊ ဘုရားသခင်သည် အာဒံနှင့် ဧဝအား ပြန်လည်ကယ်လွှတ်စေရန် နည်းလမ်းတစ်ခုကို ပြုလုပ်မည်ဟု ကတိပြုတော်မူသည်။ အပြစ်တရားနှင့် သေခြင်းတရားမှ ကျွန်တော်တို့ကို ကယ်နုတ်၍ သူနှင့်အတူ ထာဝရမိတ်သဟာယဖွဲ့စေဖို့ နည်းလမ်းတစ်ခုကို ပြင်ဆင်ထားတော်မူပြီ။ ထိုနည်းလမ်းသည် အရှင်ယေရှုဘုရား၏ ဧဝံဂေလိတရား ဖြစ်သည်။

ကိုယ်တော်သည် ကျွန်တော်တို့ကို ရွေးနုတ်၍ ပြန်လည်းတည်ထောင်စေခြင်းငှာ၊ ဤလောကသို့ ကြွလာတော်မူသည်။ အရှင်ယေရှုဘုရားသည် လက်ဝါးကပ်တိုင်ပေါ်တွင် အသေခံပြီး ထမြောက်တော်မူသောအခါ အပြစ်တရားနှင့် သေခြင်းတရားတို့ကို ထာဝရအောင်မြင်တော်မူသည်။

အရှင်ယေရှုဘုရားအားဖြင့်၊ ကျွန်တော်တို့သည် အပြစ်တရားမှ လွတ်မြောက်စေ၍၊ ဘုရားသခင်သည် ကျွန်တော်တို့အား မိမိသားသမီးတော်များအဖြစ် သူ၏ မိသားစုတော်တွင် ထာဝရပါဝင်စေရန် အခွင့်အရေး ပေးတော်မူသည်။ ဘုရားသခင်၏ သားသမီးတို့သည် ခမည်းတော်ဘုရားနှင့် သားတော်ဘုရားနှင့်အတူ ထာဝရအသက်ရှင်ရန် မျှော်လင့်ခြင်း ရှိကြသည်။

ယနေ့၊ အရှင်ယေရှုဘုရား၏ မဟာအမှုတော်၊ အသေခံတော်မူခြင်းနှင့် ထမြောက်တော်မူခြင်းအားဖြင့် ပြုစုသော ကယ်တင်ခြင်းအကျွတ်တရားကို ထောက်လျက် မိတ်ဆွေကို ကိုယ်တော်ဘုရားကဲ့သို့ ပိုမိုဖြစ်လာစေရန် ဆုတောင်းပါ။