အရှင်ယေရှုဘုရား၏ လူ့ဇာတိခံတော်မူခြင်းနမူနာ

ဘုရားသခင်သည် ဣသရေလလူမျိုးနှင့် တစ်ပါးအမျိုးသားများအဖို့ ကတိတော်များကို မည်သို့တည်စေတော်မူသနည်း

ဘုရားသခင်သည် ဣသရေလလူမျိုးနှင့် တစ်ပါးအမျိုးသားများကို အပြစ်တရားနှင့် သေခြင်းတရား၏ လက်မှ ကယ်နုတ်စေရန် သူ၏ သားတော် နာဇရက်မြို့သား အရှင်ယေရှုဘုရားကို စေလွှတ်တော်မူသည်။

ဘာသာတရားအများစုသည် ကောင်းရာသုခတိထံသို့ ရောက်နည်းများ၊ ဝိနည်းများနှင့် အယူဝါဒများအား သင်ကြားပေးပါသည်။ အကယ်၍၊ ဤသင်္ခါရလောကသည် အနိစ္စ၊ ဒုက္ခ၊ အနတ္တသဘော ရှိသည်ဟု ကျွန်တော်တို့အားလုံး သဘောတူကြပါသည်။ သို့ရာတွင်၊ ကယ်တင်ရှင်မရှိဘဲ မိမိ၏ လုံ့လဝီရိယအားဖြင့်သာ ကယ်တင်ခြင်းသို့ ရောက်နိုင်သည်ဟု လူအမြောက်အမြား မှားယွင်းစွာ ယူဆကြပါသည်။

ဤသင်္ခါရလောကသည် အလွန်ရှုပ်ထွေးလှပါသည်။ သို့သော၊ အသက်တာ၏ အဓိကရည်ရွယ်ချက်မှာ ထာဝရဘုရားနှင့် မိတ်သဟာယဖွဲ့ခြင်းပင် ဖြစ်ပါသည်။ သို့သော်၊ ဘုရားသခင်ထံသို့ရောက်ခြင်းသည် မိမိ၏ လုံ့လဝီရိယနှင့် ကုသိုလ်ကောင်းမှု၌ မတည်ချေ။ ထာဝရဘုရားသည် လူ့ဇာတိတော်ကို ခံယူ၍ ဘုရားလူသား အရှင်ယေရှုဘုရားအားဖြင့် ကျွန်တော်တို့ထံသို့ ကြွလာတော်မူသည်။ ၎င်းသည် ခရစ်ယာန်ဘာသာ၏ အဓိကဓမ္မတစ်ခု ဖြစ်ပါသည်။ ဘုရားသခင်သည် ကျွန်တော်တို့ကို အပြစ်တရားမှ ကယ်နုတ်၍ လွတ်မြောက်ချမ်းသာကျေးဇူးတော်ကို ပေးတော်မူပြီ။ ကိုယ့်ကိုယ်ကို မကျွတ်မလွတ်နိုင်ပေ။

ဘုရားသခင်၏ လူ့ဇာတိခံယူတော်မူခြင်းအားဖြင့် ပြုစုသော ကယ်တင်ခြင်းအကျွတ်တရားသည် ဣသရေလလူမျိုးအတွက် ဘုရားသခင်၏ ကတိတော်များအပေါ် သစ္စာတော်၏ သက်သေဖြစ်ပါသည်။ ဘုရားသခင်သည် ဣသရေလလူမျိုးကို ကောင်းကြီးပေးရန်နှင့် ဣသရေလလူမျိုးအားဖြင့် တစ်ပါးအမျိုးသားများအား ကောင်းကြီးပေးရန် ကတိပြုတော်မူသည်။ အပြစ်တရားသည် သူတို့၏ မိတ်သဟာယဖွဲ့ခြင်းကို နောင့်ယှက်လျက် ဆီးတာသောအခါ၊ ဘုရားသခင်သည် အရှင်ယေရှုဘုရားအားဖြင့် အပြစ်တရားနှင့် သေခြင်းတရား၏ တန်ခိုးကို ပယ်၍ ကျွန်တော်တို့၏ ကယ်နုတ်ခြင်းကျေးဇူးတော်ကို ပေးသနားတော်မူပြီ။ အရှင်ယေရှုဘုရားသည် ဣသရေလလူမျိုးနှင့် ဘုရားသခင်၏ ပဋိညာဉ်တော်ကို သစ္စာရှိစွာ ဖြည့်စုံစေတော်မူသည်။ ထိုပဋိညာဉ်တရားသည် လောကီသားများကို အပြစ်မှ ကယ်ချွတ်စေရန် ရည်ရွယ်ထားပါသည်။ ကျွန်တော်တို့ကို ကယ်တင်စေသော ပဋိညာဉ်ဖြစ်ပါသည်။

အဓိကသော့ချက်မှာ၊ ကျွန်တော်တို့သည် မည်သို့သောအခြေအနေ၌ ရှိပါစေ၊ မည်သည့်ပြဿနာ၌ ရှိနေစေ၊ ကျွန်တော်တို့သည် စွန့်ပစ်ခံရသူများ မဟုတ်ချေ။ ဘုရားသခင်ကိုယ်တော်တိုင် ကျွန်တော်တို့ကို ကယ်တင်စေရန် လူ့ဇာတိကို ခံယူ၍ ကြွလာတော်မူသည်။ ဤသည်မှာ ခရစ်ယာန်များ၏ မဟာမျှော်လင့်ခြင်း ဖြစ်ပါသည်။

ယနေ့၊ ဘုရားသခင်သည် လူ့ဇာတိကို ခံယူ၍ အရှင်ယေရှုဘုရားအားဖြင့် ကျွန်တော်တို့ထံ ကြွလာတော်မူသည်ဟူသော ဧဝံဂေလိသတင်းကောင်းအကြောင်းကို ဆင်ခြင်စဉ်းစားပါ။ ထိုသမ္မာတရားရှိ ဘုရားသခင်၏ ဂုဏ်အင်္ဂါတော်များနှင့် သူ၏ အံ့ဩဖွယ် မဟာမေတ္တာတော်အကြောင်းကို စဉ်းစားလျက် ကျေးဇူးတော်ကို ချီးမွမ်းပါ။