Рик Воррений өдөр бүрийн чимээгүй цагЗагвар

Бурханы хангамж: Шударга шулуун байсаар байгтун

Хэрэв та (1) Түүнээс тусламж гуйвал; (2) сэтгэл хангалуун байж сурвал; (3) итгэлээр өгөх дасгал сургуулилт хийвэл; (4) шударга шулуун байсаар байвал санхүүгийн бүхий л хэрэгцээг тань хангана гэж Бурхан амладаг --

Бурхан шударга бус байдлыг ивээдэггүй. Сургаалт үгс 16:11-т, "Шударга жин ба дэнс ЭЗЭНийх. Уутан доторх туухай бүхэн нь Түүний үйлс." гэдэг. Үүнд цалин хөлс, орлого, татвар бүгд багтдаг.

Хэрэв санхүү дээрээ та Бурханы ивээлийг хүсэж байвал шударга байх ёстой. Та бусдаас илүүг авч болохгүй. Шударга бусаар олсон орлого үргэлж асуудал авч ирдэг. Үргэлж.

"ЭЗЭНий ерөөл баяжуулах бөгөөд Зовлон зүдүүр үл нэмнэ." (Сургаалт үгс 10:22) Асар их мөнгөтэй атлаа энэ нь асуудал авч ирсээр байдаг хүнийг та таних уу? Та үргэлж юу тарьсанаа л хурааж авдаг. Хэрэв та бусдад шударга бус байх юм бол бусад хүмүүс ч танд үүний тань дагуу хариулах болно. Хэрэв та өөрийгөө хараахан баригдаагүй байна даа гэж бодож байгаа бол цагийн зүү цохилсоор байгаа гэдгийг ойлгоорой. Та Бурханыг тохуурхан, үүнээсээ зүгээр юу ч болоогүй юм шиг өнгөрч чадахгүй.

Шударга бай. Санхүү дээрээ шударга бай: "ЭЗЭНий ерөөл баяжуулах..." (Сургаалт үгс 10:22)