Рик Воррений өдөр бүрийн чимээгүй цагЗагвар

Есүс шударга зөвлөгөөг өгдөг

Жинхэнэ найз эсрэг зогсох хүртлээ бидний төлөө санаа тавьдаг болохыг Есүс бидэнд харуулжээ. Хэлэхэд хэцүү байх үед ч хүртэл тэд үнэнийг танд хэлэх болно. Таныг чимээгүй байдалд амьдралаа үрээсэй гэж тэд хүсдэггүй.

Хэн нэгнийг хайрын арга замаар засаж залруулах нь хүчирхэг болохыг би олж мэдсэн. Зөв арга замаар үүнийг үйлдэх юм бол энэ нь бусдыг барьж босгодог аж. Зөв эсвэл буруу арга замаар үйлдэхийн ялгаа нь таны хандлага мөн.

Хэрэв та зөвхөн алдааг нь л олж харж байгаа бол үүнийгээ зогсоо. Зорилго нь зөв байх ёстой бөгөөд энэ нь буруушаан зэмлэх байж болохгүй. "Энд миний сэдэлт маань юу байна вэ? Би өөрийнхөө төлөө түүнийг засаж залруулж байна уу эсвэл түүний төлөө үүнийг хийж байна уу?" гэдгийг та өөрөөсөө асуух хэрэгтэй.

Ихэнхдээ тэд новшийн зан гаргаж байгаа бас бидэнд түвэг удаж байгаа учраас бид бусдыг засаж залруулахыг хүсдэг. "Хэрэв тэд новшийн зан гаргахаа больчих л юм бол амьдрал маань амар хялбар болох болно." гэж бид боддог.

Энэ бол буруу сэдэлт юм.

Үүнийхээ оронд, Ефес 4:15-д, "үнэнийг барьж, ингэхдээ харин хайранд," ярь гэж хэлснийг дагагтун. Тэгэхээр зөвөөр засан залруулах түлхүүр бол: Тэр хүнээ хэн болохыг нь бататга; тэгээд зан байдлыг нь засан залруул.