ᒫᑎᐅᓯᐅᑉ ᐊᒡᓚᖏᑦ 22
22
ᐊᑦᔨᐅᔪᖅ ᑲᑎᑎᑕᐅᔪᖃᕐᑎᓪᓗᒍ ᓂᕆᕕᒡᔪᐊᖃᑎᒌᒃᑐᑦ
ᓘᑲᓯ 14:15-24
1ᔩᓱᓯ ᐊᒻᒪ ᐊᑦᔨᐅᔪᓂᒃ ᐊᑐᕐᓗᓂ ᐅᖃᐅᓯᖃᒃᑲᓐᓂᕐᐳᖅ ᐃᓄᖕᓄᑦ. 2“ᒎᑎᐅᑉ ᐊᑕᓂᐅᕕᖓ ᐊᑦᔨᖃᕈᓐᓇᕐᐳᖅ, ᐊᖓᔪᖅᑳᕐᔪᐊᒥᒃ ᓂᕆᕕᒃᔪᐊᒃᓴᓕᐅᕐᑐᒥᒃ ᐃᕐᓂᖓ ᑲᑎᑎᑕᐅᓂᐊᓕᕐᒪᑦ. 3ᐱᔨᓂ ᐅᖃᐅᑎᕔᑦ ᕾᖁᔭᐅᓯᒪᔪᑦ ᓂᕆᔭᕐᑐᖁᓕᕐᖢᒋᑦ ᓂᕆᕕᒃᔪᐊᕐᑕᐅᓂᐊᕐᑐᑦ ᐊᑐᐃᓐᓇᐅᓕᕐᒪᑕ; ᑖᒃᑯᐊᓕ ᕾᔪᒪᓐᖏᓚᑦ.
4“ᑕᕝᕙ ᐱᔨᒥ ᐊᓯᖏᓐᓂᒃ ᑎᓕᓯᒃᑲᓐᓂᕐᐳᖅ, ᐃᒫᒃ ᐅᖃᖁᓪᓗᒋᑦ: ‘ᕾᖁᔭᐅᓯᒪᔪᑦ ᐅᖃᐅᑎᓚᐅᕐᓯᐅᒃ, ᑕᑯᒋᑦ, ᓂᕆᕕᒃᔪᐊᕐᑕᐅᔪᒃᓴᑦ ᐱᔭᕇᕐᒪᑕ; ᐊᖑᓴᓪᓗᖁᑎᒃᑲ ᓄᕐᕋᐃᓪᓗ ᖁᐃᓂᔪᑦ ᑐᖁᑕᐅᓪᓗᑎᒃ ᐆᑕᐅᔭᕇᕐᒪᑕ, ᑕᒪᕐᒥᑦᓯᐊᖅ ᐊᑐᐃᓐᓇᐅᓕᕐᐳᑦ; ᐊᑏ ᕾᓕᕆᑦᓯ ᑲᑎᑎᑕᐅᔪᕐᓯᐅᒻᒧᑦ ᓂᕆᕕᒃᔪᐊᕐᓂᐊᓕᕋᑦᑕ!’ 5ᕾᖁᔭᐅᓯᒪᔪᓪᓕ ᑐᓴᕐᑑᔭᓐᖏᓚᑦ ᐱᓇᓱᐊᕐᑕᒥᖕᓂᒃ ᑲᔪᓯᑐᐃᓐᓇᕐᓗᑎᒃ, ᐃᓚᖓᑦ ᐱᕈᕐᓰᕕᖁᑎᒥᓄᐊᕐᐳᖅ, ᐃᓚᖓᓪᓗ ᓂᐅᕕᕐᕕᖁᑎᒥᓄᐊᕐᓗᓂ, 6ᐃᓚᖏᑕᓕ ᑖᒃᑯᐊ ᐱᔩᑦ ᐅᖃᕆᐊᕐᑐᕐᓯᒪᔪᑦ ᑎᒍᕔᑦ, ᑲᓐᖑᓇᕐᑐᒦᑎᓪᖢᒋᑦ ᐋᓐᓂᕐᓯᕐᐰᑦ, ᑐᖁᓪᓗᒋᓪᓗ. 7ᑕᕝᕙ ᐊᖓᔪᖅᑳᕐᔪᐊᖅ ᓂᓐᖓᒃᑐᐊᓘᕗᖅ; ᐅᓇᑕᕐᑐᒃᓴᖁᑎᓂ ᑎᓕᕔᑦ ᑍᒃᑯᐊ ᐃᓄᐊᕐᑐᑦ ᑐᖁᑕᐅᖁᓪᓗᒋᑦ ᐃᒡᓗᒐᓴᖏᓪᓗ ᐃᑯᐊᓪᓚᒃᑕᐅᓗᑎᒃ. 8ᑕᕝᕙ ᐱᔨᓂ ᐅᖃᐅᑎᕔᑦ, ‘ᑲᑎᑎᑕᐅᔪᓄᑦ ᓂᕆᕕᒃᔪᐊᒃᓴᖁᑎᒃᑲ ᐊᑐᐃᓐᓇᐅᓕᕐᐳᑦ, ᕾᖁᓯᒪᔭᒃᑲᓕ ᑕᕝᕗᓐᖓᕐᑐᒃᓴᐅᓐᖏᓚᑦ. 9ᑍᒤᒻᒪᑦ ᐊᖅᑯᑎᓄᑦ ᐂᓕᕆᑦᓯ, ᑕᑯᔭᓕᒫᑦᓯᓐᓂᒃ ᕾᖁᔨᓕᕆᑦᓯ ᑲᑎᑎᑕᐅᔪᓄᑦ ᓂᕆᕕᒃᔪᐊᖃᑕᐅᖁᓪᓗᒋᑦ.’ 10ᑕᕝᕙ ᐱᔩᑦ ᐊᖅᑯᑎᓄᐊᕐᐳᑦ ᑕᑯᔭᓕᒫᒥᖕᓂᒃ ᐃᓄᖕᓂᒃ ᑲᑎᑦᑎᕗᑦ, ᐱᐅᔪᓂᒃ ᐱᐅᖏᑦᑐᓂᒡᓗ ᖃᓄᐃᑦᑐᑐᐃᓐᓇᕐᓂᒃ; ᑖᓐᓇᓗ ᑲᑎᑎᑕᐅᕕᖕᒥ ᓂᕆᕕᒃᔪᐊᕐᕕᒃ ᑕᑕᑦᓯᐊᕐᐳᖅ ᐃᓄᖕᓂᒃ.
11“ᐊᖓᔪᖅᑳᕐᔪᐊᑉ ᑕᑯᔭᕐᑐᕋᒥ ᐃᓄᖕᓂᒃ ᓂᕆᔭᑐᕐᑐᓂᒃ, ᑕᑯᕗᖅ ᐊᖑᒻᒥᒃ ᑲᑎᑎᑕᐅᔪᖃᕐᑎᓪᓗᒍ ᐊᓐᓄᕌᕆᔭᐅᕙᒃᑐᑎᑐᑦ ᐊᓐᓄᕌᕐᓯᒪᖏᑦᑐᒥᒃ. 12ᐊᖓᔪᖅᑳᕐᔪᐊᑉ ᐊᐱᕆᕚ, ‘ᐃᓚᓐᓈᒃ, ᖃᓄᖅ ᑕᕝᕗᓐᖓᕐᐲᑦ ᑲᑎᑎᑕᐅᔪᕐᓯᐅᑎᓂᒃ ᐊᓄᕌᕐᓯᒪᓇᑎᑦ?’ ᑖᓐᓇᓕ ᓂᓪᓕᓐᖏᓚᖅ. 13#ᒫᑎᐅᓯ 8:12; 25:30; ᓘᑲᓯ 13:28.ᑕᕝᕙ ᐊᖓᔪᖅᑳᕐᔪᐊᖅ ᐱᔨᒥᓄᑦ ᐅᖃᕐᐳᖅ, ‘ᐊᒡᒐᖏᑦ ᐃᑎᒐᖏᓪᓗ ᕿᓚᒃᓱᕐᓗᒋᑦ, ᐃᒋᓯᐅᒃ ᓯᓚᒧᑦ ᑖᕐᑐᕐᔪᐊᒧᑦ; ᑕᕝᕙᓂ ᕿᐊᓂᖃᕈᒫᕐᐳᖅ ᐊᒡᓕᕈᓚᕐᓗᓂᓗ.’
14“ᕾᖁᔭᐅᓯᒪᔪᑦ ᐅᓄᕐᐳᑦ, ᐅᓄᖏᑦᑐᓪᓕ ᓂᕈᐊᕐᑕᐅᕗᑦ.”
ᔩᓱᓯᐅᑉ ᐊᐱᕐᓱᕐᑕᐅᓂᖓ ᑖᒃᓰᕈᑎᒥᒃ ᐊᑭᓖᖃᑦᑕᕆᐊᖃᕐᓂᕐᒥᒃ
ᒫᑯᓯ 12:13-17; ᓘᑲᓯ 20:20-26
15ᑕᕝᕙ ᐹᕆᓯᑦ ᐊᓯᐊᓄᐊᕐᓗᑎᒃ ᐃᓱᒪᒃᓴᕐᓯᐅᖃᑎᒌᓕᕐᐳᑦ ᔩᓱᓯᒥᒃ ᐊᐱᕐᓱᕐᓗᒍ ᐱᕕᒃᓮᕈᑦᔨᓇᓱᐊᕈᒪᓪᓗᑎᒃ. 16ᑕᕝᕙ ᑎᓕᓯᕗᑦ ᐃᓕᓐᓂᐊᕐᑎᒥᖕᓂᒃ, ᐃᕉᑕᓯᐅᓪᓗ ᐃᑲᔪᕐᑎᖏᑕ ᐃᓚᖏᓐᓂᒃ, ᐅᖃᖁᓪᓗᒋᑦ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᓱᓕᑦᓯᐊᕐᑐᒥᒃ ᐅᖃᐅᑦᔨᖃᑦᑕᕋᕕᑦ, ᐊᔪᕆᕐᑐᐃᖃᑦᑕᕋᕕᓪᓗ ᒎᑎᐅᑉ ᐃᓄᖕᓄᑦ ᐱᓂᐊᕐᑕᐅᖁᔭᖓᓂᒃ ᓱᓕᑦᓯᐊᕐᑐᒥᒃ, ᐃᓄᐃᑦ ᖃᓄᖅ ᐃᓱᒪᖃᕐᒪᖔᑕ ᐃᓱᒪᒋᓇᒋᑦ, ᖃᓄᐃᑦᑑᓂᖏᓐᓂᒃ ᑲᒪᖏᓐᓇᕕᑦ. 17ᐅᖃᐅᑎᓚᐅᕐᑎᒍᑦ, ᖃᓄᖅ ᐃᓱᒪᕖᑦ? ᐱᖁᔭᕗᑦ ᑖᒃᓰᔭᕈᑎᓂᒃ ᐊᑭᓖᖁᔨᕚᑦ ᓰᓴᕆᒧᑦ, ᐅᕝᕙᓗ ᐊᑭᓖᖁᔨᓐᖏᓚᑦ?”
18ᔩᓱᓯ ᐃᒃᐱᒍᓱᒃᑲᒥ ᐱᐅᖏᑦᑐᒥᒃ ᐃᓱᒪᖃᑎᒌᒃᓯᒪᓂᖏᓐᓂᒃ, ᐅᖃᐅᑎᕔᑦ, “ᓱᖕᒪᑦ ᐆᒃᑐᕐᐱᓯᓐᖓ? ᑕᒃᑯᕐᒨᕐᑐᓯ!#22:18 ᑕᐅᑐᒃᑕᐅᓪᓗᑎᒃ ᐱᐅᔫᓐᖑᐊᕐᑐᑦ 19ᑮᓇᐅᔭᖅ ᐊᑭᓕᐅᑎᒋᓲᓯ ᑕᑯᓚᐅᕐᓚᒍ!” ᑕᕝᕙ ᑮᓇᐅᔭᖅ ᔩᓱᓯᒧᑦ ᑐᓂᕚᑦ. 20ᔩᓱᓯᐅᑉ ᐊᐱᕆᕔᑦ, “ᑭᐊ ᐅᓇ ᑮᓇᓐᖑᐊᖓ, ᑭᐊᓗ ᐊᑎᖓ?”
21ᑖᒃᑯᐊ ᑭᐅᕚᑦ, “ᓰᓴᕆᐅᑉ,” ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᑍᒤᒻᒪᑦ, ᓰᓴᕆᒧᑦ ᑐᓂᓯᐅᒃ ᐱᒋᖕᒪᒍ, ᒎᑎᓗ ᑐᓂᓗᒍ ᐱᖏᓐᓂᒃ.” 22ᑕᒪᑐᒥᖓᓕ ᑐᓴᕋᒥᒃ, ᐊᖏᔪᒥᒃ ᑲᒪᓂᐊᕐᐳᑦ; ᔩᓱᓯ ᕿᒪᒃᐹᑦ ᑕᕝᕙᓐᖓᓪᓗ ᕿᒪᕉᑎᓪᓗᑎᒃ.
ᔩᓱᓯᐅᑉ ᐊᐱᕐᓱᕐᑕᐅᓂᖓ ᑐᖁᖓᔪᑦ ᒪᑭᑦᓱᒫᕐᓂᖏᓐᓂᒃ
ᒫᑯᓯ 12:18-27; ᓘᑲᓯ 20:27-40
23 #
ᐋᐴᓯᑕᓖᑦ 23:8. ᐅᓪᓗᒥ ᑕᕝᕙᓂᑦᓮᓐᓇᖅ ᓵᑦᔪᓰᑦ ᔩᓱᓯᒧᐊᕐᐳᑦ, ᐅᒃᐱᕆᔭᖃᕐᑐᑦ ᑐᖁᖓᔪᓂᑦ ᒪᑭᑦᑐᖃᓛᖏᓐᓂᖓᓂᒃ; 24#ᒨᓯᓯ ᑕᓪᓕᒪᖏᑦ 25:5.ᐅᖃᕐᓗᑎᒃ, “ᐊᔪᕆᕐᑐᐃᔩ, ᒨᓯᓯ ᐅᖃᓚᐅᕐᐳᖅ, ‘ᐊᖑᑦ ᕿᑐᕐᖓᕐᑖᓚᐅᕋᓂ ᑐᖁᒃᐸᑦ, ᓄᑲᖓᑕ ᐊᕐᓇᖅ ᐅᐃᒡᒐᕐᓯᒪᔪᖅ ᓄᓕᐊᕐᑖᕆᔭᒃᓴᕆᕚ, ᕿᑐᕐᖓᕐᑖᕈᓐᓇᖁᓪᓗᒋᒃ ᐊᖓᔪᖓᓄᑦ ᕿᑐᕐᖓᕆᔭᐅᓂᕋᕐᑕᐅᖁᓪᓗᒋᑦ.’ 25ᑍᑦᓱᒪᓂ ᐃᓚᑦᑎᓐᓂᒃ ᓄᑲᕇᒃᑕᖃᓚᐅᕐᐳᖅ 7ᓂᒃ; ᐊᖓᔪᒃᓕᕐᐹᖓᑦ ᓄᓕᐊᓂᕐᐳᖅ, ᕿᑐᕐᖏᓚᐅᕋᓂᓗ ᑐᖁᖕᒪᑦ, ᓄᓕᐊᓂ ᕿᒪᒃᐹ ᓄᑲᕐᒥᓄᑦ. 26ᐊᒻᒪ ᑐᖓᓕᖓ ᑍᒫᑦᓮᓐᓈᐅᓚᐅᕆᕗᖅ, ᐊᒻᒪ ᐱᖓᔪᖓᑦ, ᑭᖑᓪᓕᕐᐹᖓᓄᑦ ᑎᑭᓪᓗᒋᑦ. 27ᑭᖑᓪᓕᕐᐸᐅᓪᓗᓂᓕ, ᐊᕐᓇᖅ ᑐᖁᓚᐅᕆᕗᖅ. 28ᑐᖁᖓᔪᓪᓕ ᒪᑭᑉᐸᑕ, ᓇᓪᓕᐊᓐᓄᑦ 7ᓄᑦ ᐊᕐᓇᖅ ᑖᓐᓇ ᓄᓕᐊᕆᔭᐅᓛᕐᐹ? ᑖᒃᑯᐊᓕᒫᑦ ᓄᓕᐊᕆᓚᐅᕐᒪᑦᔪᒃ.”
29ᔩᓱᓯᐅᑉ ᑭᐅᕔᑦ, “ᑕᒻᒪᕐᓯᒪᔪᒥᒃ ᑐᑭᓯᐅᒪᕗᓯ! ᒎᑎᐅᑉ ᐅᖃᐅᓯᖏᓐᓂᒃ ᖃᐅᔨᒪᖏᓐᓇᑦᓯ, ᒎᑎᐅᓪᓗ ᐱᔪᓐᓇᕐᓂᖓ ᖃᐅᔨᒪᓇᒍ. 30ᑐᖁᖓᔪᓂᑦ ᒪᑭᑦᑐᑦ ᓄᓕᐊᓂᒋᐊᖃᕈᒫᓐᖏᓚᑦ ᐂᑉᐸᕐᑖᖃᑦᑕᖏᓪᓗᑎᒡᓗ, ᐂᖏᓕᑎᑐᑦ ᕿᓚᖕᒥᐅᑕᑎᑐᑦ ᑍᒤᑦᓱᒫᕐᐳᑦ. 31ᑐᖁᖓᔪᑦ ᒪᑭᕝᕕᒃᓴᖏᓐᓂ: ᐊᑐᐊᕐᓯᓚᐅᕐᓯᒪᓐᖏᓚᓰ ᒎᑎᐅᑉ ᐅᖃᐅᓯᕆᔭᖏᓐᓂᒃ ᐃᓕᑦᓯᓐᓄᑦ? ᐃᒫᒃ ᐅᖃᓚᐅᕐᐳᖅ; 32#ᒨᓯᓯ ᐂᑉᐸᖏᑦ 3:6.‘ᐅᕙᖓ ᐂᑉᕋᕼᐋᒻ ᒎᑎᖓ, ᐂᓴᑭᐅᓪᓗ ᒎᑎᖓ, ᔧᑰᓪᓗ ᒎᑎᖓ,’ ᑐᖁᖓᔪᓪᓕ ᒎᑎᒋᓐᖏᓛᑦ, ᐃᓅᔪᓪᓕ ᑭᓯᒥ.”
33ᐃᓄᒐᓴᒡᔪᐊᑦ ᑕᒪᑐᒥᖓ ᑐᓴᕋᒥᒃ, ᔩᓱᓯᐅᑉ ᐊᔪᕆᕐᑑᓯᖏᓐᓂᒃ ᐊᖏᔪᒥᒃ ᑲᒪᓂᐊᕐᐳᑦ.
ᐱᖁᔭᖅ ᐱᓪᓚᕆᐅᓂᕐᐹᖅ
ᒫᑯᓯ 12:28-34; ᓘᑲᓯ 10:25-28
34ᐹᕆᓯᑦ ᑐᓴᕋᒥᒃ ᔩᓱᓯᐅᑉ ᓵᑦᔪᓰᑦ ᐅᖃᐅᓯᒃᓮᕈᑎᖕᒪᒋᑦ, ᐃᒻᒥᖕᓄᑦ ᑲᑎᕗᑦ, 35ᐱᖁᔭᓂᒃ ᐃᓕᓮᔩᑦ ᐃᓚᖓᑦᑕ, ᐆᒃᑐᕐᓗᒍ ᐊᐱᕆᕚ, 36ᐅᖃᕐᓗᓂ, “ᐊᔪᕆᕐᑐᐃᔩ, ᓇᓪᓕᐊᑦ ᐱᖁᔭᓂ ᐱᓪᓚᕆᐅᓂᕐᐸᐅᕚ?”
37 #
ᒨᓯᓯ ᑕᓪᓕᒪᖏᑦ 6:5. ᔩᓱᓯᐅᑉ ᑭᐅᕚ, “ᐊᑕᓂᖅ ᒎᑎᓯ ᓇᒡᓕᒋᔭᒃᓴᕆᕙᓯ ᐆᒻᒪᑎᑦᓯᓐᓄᑦ ᑕᒤᓐᓄᑦ, ᑕᕐᓂᑦᓯᓐᓄᓪᓗ ᑕᒤᓐᓄᑦ, ᐃᓱᒪᑦᓯᓐᓄᓪᓗ ᑕᒤᓐᓄᑦ. 38ᑖᓐᓇ ᑕᕝᕙ ᐱᖁᔭᖅ ᐱᓪᓚᕆᐅᓂᕐᐹᖅ ᓯᕗᓪᓕᕐᐸᐅᓪᓗᓂᓗ ᐱᖁᔭᓕᒫᓂᑦ. 39#ᒨᓯᓯ ᐱᖓᔪᖏᑦ 19:18.ᐂᑉᐸᖓᓕ ᐃᒤᓕᖓᕗᖅ, ‘ᐃᓅᖃᑎᓯ ᓇᒡᓕᒋᔭᒃᓴᕆᕙᓯ ᓇᖕᒥᓂᖅ ᓇᒡᓕᒋᓂᑦᓯᑐᑦ.’ 40#ᓘᑲᓯ 10:25-28.ᑖᒃᑯᖕᓄᖓ ᐱᖁᔮᖕᓄᑦ ᒪᕐᕉᖕᓄᑦ ᐱᖁᔭᓕᒫᑦ, ᓇᓚᐅᑦᑍᔪᓪᓗ ᐊᔪᕆᕐᑐᐃᑦᔪᑎᖏᑦ ᑐᓐᖓᕕᖃᕐᐳᑦ.”
᙭ᔅᑑᓯᐅᑉ-ᒥᓮᐊᓯᐅᑉ ᒥᒃᓵᓄᑦ ᐊᐱᕐᓱᕐᓂᖅ
ᒫᑯᓯ 12:35-37; ᓘᑲᓯ 20:41-44
41ᐹᕆᓯᑦ ᐃᓚᖏᑦ ᑲᑎᓐᖓᖃᑎᒌᒃᑎᓪᓗᒋᑦ, ᔩᓱᓯᐅᑉ ᐊᐱᕆᕔᑦ, 42ᐅᖃᕐᓗᓂ, “ᖃᓄᕐᓕ ᙭ᔅᑑᓯ ᐃᓱᒪᒋᕕᓯᐅᒃ? ᑭᓇᒨᑦ ᑭᖑᕚᕆᔭᐅᕚ?”
ᑖᒃᑯᐊ ᑭᐅᕚᑦ, “ᑍᕕᑎᐅᑉ ᑭᖑᕚᕆᕚ.”
43ᔩᓱᓯᐅᑉ ᐅᖃᐅᑎᕔᑦ, “ᓱᖕᒪᓪᓖ ᑍᒪ, ᐊᓂᕐᓂᐅᑉ ᑍᕕᑎ ᐅᖃᕐᑎᓪᓗᓂᐅᒃ, ᐊᑕᓂᕐᒥᓂᒃ ᑍᓚᐅᕐᐸᐅᒃ? ᐅᖃᕐᒪᑦ,
44 #
ᐃᓐᖏᕈᑦ 110:1. ‘ᐊᑕᓂᖅ ᐊᑕᓂᓐᓄᑦ ᐅᖃᕐᐳᖅ, “ᐅᕙᓂ ᑕᓕᕐᐱᓐᓂ ᐃᒃᓯᕙᒋᑦ, ᐊᑭᕋᕐᑐᕐᑎᖕᓂᒃ ᐃᓕᓯᖅᑳᕐᑎᓐᓇᖓ ᐃᑎᒐᕕᑦ ᐊᑖᓄᑦ.”’
45“ᑍᕕᑎᐅᑉ ‘ᐊᑕᓂᕐᒥᓂᒃ’ ᑍᒍᓂᐅᒃ, ᖃᓄᕐᓖ ᑍᕕᑎᐅᑉ ᑭᖑᕚᕆᔪᓐᓇᕐᐸᐅᒃ?”
46ᑖᒃᑯᐊᓕ ᑭᐅᑦᔪᑎᒃᓴᖃᕈᓐᓃᓚᐅᕐᐳᑦ, ᐅᓪᓗᒥᑦ ᑕᕝᕙᓐᖓᑦ ᐱᒋᐊᕐᓗᑎᒃ ᐊᐱᕆᒃᑲᓐᓂᕈᒪᔪᖃᕈᓐᓃᓚᐅᕐᐳᖅ ᑖᑦᓱᒧᖓ.
Одоогоор Сонгогдсон:
ᒫᑎᐅᓯᐅᑉ ᐊᒡᓚᖏᑦ 22: EAIB
Тодруулга
Хуваалцах
Харьцуулах
Хувилах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
Eastern Arctic Inuktitut Bible © Canadian Bible Society, 2012, 2021-2023.