Daniyɛl 9
9
A Daniyɛl pʋʋsgo
1Mɛd dãmb dao a Dariyus, a Asuerus biiga, waa n lebga Kalde rãmb dĩma. 2#Zr 25,11; 29,10. A naama pipi yʋʋmde, maam, a Daniyɛl, waa n zĩnd n lagsa Sebr sõngo la rẽ la m paam n wʋm võore. M wʋma Soaala-Wẽnd sẽn da gom ne bãngd a Zeremi yʋʋm pisopoe wã poorẽ, yʋʋm niyns Zerizalɛɛm sẽn na n yɩ rabooga poorẽ. 3M sɩnga no-loeere, n yeelg sũ-pa-noang futu la m yug m zug ne tompɛglem. M teesa Soaala-Wẽnde, n na n yõk b sɛɛga la m kos m kosgo. 4M da bõsda Naaba-Wẽnde la yaa woto la m yeel yã:
‹Soaala-Wẽnde, yãmb waooga, y pãnga yɛɛsd-d lame. Yãmb zooda ka viigd ne neb niyns sẽn nong-b yãmba la b tũud y noor ye. 5Tõnd tõdga y noore, d maana wẽnga, d beegame, d zẽka d zug ne yãmba, d basa y noorã la y raaba tũubu. 6Tõnd pa kelg bãngdbã, y sõgen-kamba sẽn da gomd n taasd y koeese d dĩm dãmba, d zu-soaben-dãmba, d yaab rãmba la zãma wã gilla ye. 7Soaala-Wẽnde, yãmb bal n zĩ tɩ yell ka y zugu. Sã n ya tõndo, sẽn tog ne-do yaa d sulg d menga, dũnna raarã. N sulg d menga tõnd sẽn ket Zerizalɛɛm, Zɩɩda tẽn-peelmẽ, la d yõk sɛɛg Israyɛl kamba yĩnga, sẽn be-b yam-yam ka la y sẽn sẽeg b rãmb tẽn-zãorgẽ, b sẽn lak n bas yãmba yĩnga. 8N-ye! Soaala, d fãa zug wuka ne yãnde, tõndo, d dĩm dãmba, d zu-soaben-dãmba, d yaab rãmba, tɩ d beega yãmba. 9La yãmba, d Soaala-Wẽnde, ne d sẽn zẽk d zug ne yãmbã, y nimbãan-zoeera kõ-d-la sugri. 10D pa kelg Soaala-Wẽnnaam koɛɛgã b sẽn waa n kot tõnd tɩ d deeg noy-niyns b bãngdba, b sõgen-kamba, sẽn da wilgd tõnda ye. 11Yaa a Israyɛl tõre n tõdg noorã, a Israyɛl tõre n zãgs koɛɛga kelgre, n tak kãab wẽngã, kãab beedã, sẽn gʋls y sõgen a Moyiiz sebra pʋgẽ, d tak-b-la d zugu, tɩ d tõdga yãmba. 12Yãmb pidsa y sẽn da kãab tõndã, d dĩm dãmbã sẽn zãad tõnda. Dũni wã tõre d pa yãend yel-beed ning sẽn lʋɩ Zerizalɛɛma taar ye. 13Yaa yel-beed niyns fãa sẽn gʋls a Moyiiz noora sebrẽ n lʋɩ d zugu, la tõnd pa kos yã, Soaala-Wẽnde, tɩ y bʋk y sũur ne d ye, d pa zãag d meng ne yel-wẽna ye, d pa tẽ tɩ Soaala-Wẽnd ka na n tar n leb poorẽ ye. 14Yaa rẽ yĩng la Soaala-Wẽnd bas yel-beeda t'a lʋɩ d zugu. Soaala manesem fãa tũuda ne zemsgo tɩ tõnd yĩm dẽ n tʋm kegre, n pa kelg y saglsa ye.
15Soaala-Wẽnde, yãmb wɩka y kang n yiis tõnd Ezipt tẽnga, tɩ al ne rũnna menga, dẽ nan ka yi d pʋtẽerẽ ye. Yaa tõnd n beege, yaa tõnd n maan wẽnga. 16Soaala-Wẽnde, zãag-y y sũ-puura, y sũ-kãbrã ne Zerizalɛɛm, y tẽngã, y tãn-sõngã. Tõnd yel-wẽna yĩnga, tõnd ba rãmba beegr yĩnga, Zerizalɛɛm lebga a bɛɛb laado, a lebga sẽn karg n gũbg tõnda laado. 17Marsã, Soaala, kelg-y y yamba pʋʋsgo la a bõsgo. Bɩ y ra bas tɩ b sãam y yʋʋr ye. Bas-y tɩ y nenga vẽenem bui y ro-sõngã sẽn lebg vɩʋʋgã. 18M Soaala-Wẽnde, yoog-y tʋbr n kelg. Puk-y nini n ges d tẽnga sẽn ya yãmb tẽngã sẽn lebg raboogo. D taasda yãmb d kosgo, la ka d tʋʋm-sõma wã yõod la d teegr ye, yaa y nonglma sẽn ka tɛkã. 19Soaala, kelg-y d kosgo. Soaala kõ-y tõnd sugri. Wʋm-y d koɛɛgã. Zoe-y y yʋʋra paoogre, Soaala. Ges-y la maan-y bũmbu. Da kaoos-y ye! Ges-y, tɩ m yõkda y sɛɛga, tẽngã yĩnga la neba sẽn ya y soolma yĩnga.›
Malɛk a Gabriyɛl wilgri
20M da ket n gomdame, n ket n tar m pʋʋsgo, n deeg m kongre la m buuda a Israyɛl kongre, la m yõkd Naaba-Wẽnd sɛɛga b tãn-sõnga yĩnga. 21#Lk 1,19, 26. M da ket n tara m pʋʋsgo, la a Gabriyɛl, ned ning m sẽn da reng n yãend, pipi yãeebẽ wã, yii yĩngr ne tĩiga n wa tiimd m sɛɛgẽ, zaabr wẽn-kosga wakato. 22A yeel-m lame: ‹Daniyɛl, ad mam waame n na zãms-fo n lik f yam. 23F pʋʋsga sẽn sɩnge la koɛɛg sẽn yi Soaala nengẽ, tɩ m wat n na n togs-fo. Wẽnd nonglem sig-f lame. Modg n kelg b koɛɛg la f wʋm f sẽn yãenda võore. 24Yaa yʋʋm a yopoepoe naoor pisopoe n yãk n kõ f buudã la tẽn-sõngã. Yʋʋm sõor sẽn ta woto n tog n pidsi tɩ tõdgra sɛ, tɩ yel-wẽna paam sugri, tɩ zemsg zamaan puki, tɩ bãngdba sẽn yãend la b sẽn togs pidsi, tɩ b le taag kaam sõngo Wẽnd maan-kʋʋdã. 25Ad f sẽn tog n wʋme la f gãde: Pa-weta sẽn na n lɛɛg n wa wã mooneg tɛka, Zerizalɛɛm rabooga yikr mooneg tɛka, n ta b sẽn taag a soab naama kaama waoongo, b tog n sõda yʋʋm a yopoepoe naoor pisopoe. Dẽ poore, yʋʋm a yopoepoe naoor pisoobe la a yiibu tẽnga ne a tãnsoben-dota na n meeme. Ka na n yɩ naana ye. 26Yʋʋm a yopoepoe pisoob la a yiiba sã n pidi, b na n kʋʋ maan-kʋʋd kãsengã la ned ba a ye kõn sõng-a ye. Sã n ya tẽngã la wẽnd doogã, naab a ye soolem dãmba n na n wa wã-a. Naab kãng na n wa konga pãnga la rẽ tɩ sãoong paam n sãamame. 27#Dn 11,31; 12,11; Mt 24,15; Mk 13,14. Yʋʋma sã n wa ket a yopoe tɩ fãa baase, na-kãng na wẽooga neb wʋsgo. Sẽn wat n kell yʋʋm a tã la pʋɩ-sʋka, a na n kɩtame tɩ maanda ka le kʋʋda, tɩ kũuna ka le kõtẽ ye. Tẽn-wãada na n tʋma a tʋʋm-yooda ne yãgbo tɩ yʋʋma wa pidsi tɩ yẽ me looge.› »
Одоогоор Сонгогдсон:
Daniyɛl 9: SSDC98
Тодруулга
Хувилах
Харьцуулах
Хуваалцах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
SEBR SÕNGO © Alliance Biblique du Burkina Faso, 1998.