Daniyɛl 10
10
Yãeeb a tãab soaba
1Pɛrs dãmb dĩm a Sirus naam yʋʋmd a tãab soaba, Naaba-Wẽnd koɛɛg n ta a Daniyɛl, b sẽn boond a soab t'a Baltazar. Koɛɛga wilgdame tɩ bũmb n na n sɩd yɩ, la yaa yɛl sẽn ya zɩsdo. A Daniyɛl bilg-b-la a yamẽ n bao b võore; a paama vẽnegre a sẽn yãendã poorẽ. 2Ad-y maam a Daniyɛl da lebga wa kʋ-rɩta, n loe m noor dasem pisi la a ye. 3M da ka rɩt rɩ-noog ye. M da ka pẽnegd m noor ne neong la rãam ye; m da pa sõogd kaam tɩ dasem pisi la a ye wã wa pids ye. 4Pipi kiuuga pisi la a naas daare, m da yɛsa Tɩgr kʋɩl-kãsenga noore. 5M zẽka m neng n gese, la ad m sẽn yãende: ned sẽn yer fu-pɛɛlga, tɩ sãnem sẽbdg be a sɛɛgẽ.
6 # Yp 1,13-15; 2,18; 19,12. A yĩnga ra wẽnda kug-neere sẽn lɩʋʋs kẽeg la pɛɛla wa yirg gelle. A nenga yãgda wa saag-sʋʋga. A nina yaa wa vɩleng sẽn yõgne. A kams la a kars pɩnda wa zũud sẽn duug paalem, a koɛɛga yita wa neb ka tɛk koɛɛga. 7M da yɛsame, maam a Daniyɛl, n getẽ. Sẽn da be-b ne maama da ka ne m sẽn ne wã ye. Ne rẽ fãa b sɩnga rigb waare, la b zoeeme n tɩ soonde. 8M pa-la m ye n get yel-bãndã. M pãnga waa n yi n bas-m lame, m nenga tedgame wa zɩɩm da ka ket n yĩngẽ ye, la m da ka le tõe n maan bũmb ye. 9M wʋma koɛɛga rãamde, la m sẽn wʋma m sobgame, n lʋɩ m yãvabga. 10La ade, nug n sɩɩs maam, tɩ m yĩgimd m dũm-kuri tɩ m nus tik tẽnga. 11Neda yeel-m lame: «Daniyɛl, Wẽnd nonglem sẽn sig-f yĩnga, wʋm m sẽn togsd-f koɛɛg ningã, yik tɩ b tʋma maam f nengẽ sasa kãnga.» M yika yĩngri la m tar digbu. 12T'a le paase: «Da zoe rabeem ye, Daniyɛl, tɩ fo sẽn bãng al pipi raarã, n sulg f meng f Wẽnd taoore, la f tʋlg n wʋm yɛla võore, ad b reega f kosgo la m dɩka sore n na n wa wilg-fu. 13#Yp 12,7. Pɛrs rãmba malɛk gũuda maana zabr ne maam dasem pisi la a ye. Wakat kãng la a Mikayɛl, malɛk rãmba nin-kãseng a ye, waa n sõng-ma. Woto Pɛrs rĩm dãmba paalga maam b tẽngẽ. 14La m waame marsã n na n wilg-fu f buuda sẽn na n yɩ a soaba beoog raare tɩ m yãee bũmb yɛsa beoog raara poorẽ.»
15Sẽn lik-a maama sẽn waa n gomd ne maam, m da geta tẽnga la m da ka le tõe n gom ye. 16La ade, bũmb sẽn wẽnd ninsaala sɩɩsa m noore, m le tõogame n yaag m noore, n gome. M yeela ned ning sẽn da yɛsa mam taoorã: «M naaba, m sẽn yãend bũmb ninga yɛɛs-m lame tɩ m zĩ wa bõn-faoogo n ka tar pãng ye. 17Yãmb sõgna na n maana a wãn n gom ne yãmba, n ka tar pãnga, t'a vʋʋsem yõkd a yãoogẽ?» 18Sẽn wẽnda ninsaala le sɩɩs-m lame, tɩ pãng le wa m nengẽ. 19Ned a to wã yeel-m lame: «Da zoe rabeem ye, Wẽnd nonglem sẽn sig a soabã, fãa na n zemsa f yĩnga. Da bas raood ye, wɩsg f menga!» La a sẽn waa n gomd ne maama, m mikame tɩ m pãnga lɛɛg n watame, tɩ m yeele: «Gom-y tɩ y maasem yĩnga, m pãng le waa a zĩigẽ.» 20Dẽ la raoã me yeel yã: «Fo mii bũmb ning sẽn wa ne maam ka bɩ? 21#Yp 12,7. M waame n na n wilg-f sẽn gʋls sɩd sebra pʋga. M zabra yaool n nan ka sɛ ne Pɛrs tẽnga malɛk gũuda ye. Segame tɩ m sẽn yet tɩ m dabda, la Yavã malɛk gũuda sẽn wa. Ned ba a ye ka wa sõng-m ne m bɛɛba ye. Yɩ-la a Mikayɛl bala, a Israyɛl malɛk gũuda.
Одоогоор Сонгогдсон:
Daniyɛl 10: SSDC98
Тодруулга
Хувилах
Харьцуулах
Хуваалцах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
SEBR SÕNGO © Alliance Biblique du Burkina Faso, 1998.