Daniyɛl 8
8
A Daniyɛl sẽn yãende: Pe-raoogo la Boɛɛga
1A Baltazar naama yʋʋmd a tãab soaba, maam, a Daniyɛl, le yãee bũmb a to pipi yãeeba poore. 2M da geta m sẽn ne wã, la m waa n mikame tɩ m bee Suz, yaa Elam tãnsoben-tẽng a ye. Yaa Ulayi kʋɩlga noore la m yãend m yãeebã. 3M zẽka m nenga la m yãee pe-raoog t'a yɛs kʋɩlga noore, a ra tara yɩɩl a yiibu. A yɩɩla yaa wogdo la a ye n da ya wok n yɩɩda, yẽ n yaool n pus n yi. 4M yãee pe-raoogã t'a yɩgd n tãad nin-taoore, n tãad goabg la rɩtgo. Rũng ba a ye ra ka tõe-a ye. Bũmb me da ka tõe n põs-a ye. A ra maanda a sẽn date, t'a pãng tar paasg n dabda.
5La ade, m yãee bũmb a to: boɛɛg n yi nin-taoore, n zoet n gilgd tẽnga ne tĩiga tɩ ya waa a naoã pa sɩɩsd tẽng ye. A ra tara yɩɩn-neere sẽn yi a nin a yiiba sʋka. 6A kolga pe-raoogã sẽn tar yɩɩl a yiibã n yɛs kʋɩlga noorã, la a wudg n kẽe-a-la ne a pãng fãa. 7M yãee-a lame t'a tãad pe-raoogã; a sũur da puuga ne-a t'a yɩk n tãag-a, n kao a yɩɩl a yiibã, la pe-raooga ka tõog n zab n kaoos ye. Boɛɛga lub-a-la tẽnga, n tab-a. 8Boɛɛga pãng da tara paasgo, la a sẽn waa n wɩɩd ne pãnga la a yɩɩlla sẽn kao, tɩ yɩɩn-neeb a naas wẽneg n ledg a zĩiga, la yɩɩn-bãmba teesa tẽnga weensa a naasã.
9Yɩɩll ninga sẽn da paooda wã zĩigẽ, yɩɩll a to n pus n yi, t'a na n yik zabre, a pãnga sẽn waooga yĩnga, ne rɩtg rãmba, ne yaang rãmba, ne tẽng ning neerem sẽn yɩɩd a taabã. 10#Yp 12,4. A yika zabre ne yĩngr tãb-biisã n sik bãmb wʋsg tẽnga, bãmb ne yĩngr ãdse, n tab-ba ne a nao. 11A tol n yika zabre ne yĩngr Naaba menga n gɩdg beoog beoog fãa maoongã b sẽn da kõt-a wã, n dẽgem a ro-sõnga. 12Boɛɛga tõoga yĩngr dãmbã, beoog-beoog fãa maoonga sẽn yals tɛka, wala a sẽn da ratã. Wẽnd tũudma soy sõma wã menesame. A sẽn mak fãa tõogame.
13M wʋma malɛk a ye sẽn gomda tɩ malɛk a to sok-a: ‹Yʋʋm a wãn poore la yɛl-bãmba na n pidsi? Yaa yʋʋm a wãna la yibeoog maoonga ka na n le kʋ? Wakat bʋgo la zãmba sẽn yãmb dũni wã na n sɛ? Yʋʋm a wãna la b na n kell n maan wa b toog ka be ne yĩngr dãmbã?› 14Pipi malɛka leokame: ‹Zĩig na n sobga naoor tusr la koabg la pis-nu tɩ beoog vẽeg naoor tusr la koabg la pis-nu. Dẽ poore la ro-sõnga na n le paam barka.›
Yãeeb a yiib soaba võore
15Maam a Daniyɛl, da ket n yɛs n getame la m bilgd m sẽn ne wã võore, la ade, bũmb sẽn wẽnd ninsaal n waa n yaas m taoore. 16#Lk 1,19, 26. M wʋma, Ulayi noorẽ, ned sẽn gomd woto: ‹Gabriyɛl, wilg nin-kãnga a yãeeba võore!› 17A Gabriyɛl kolga m sẽn da be zĩig ningã, la a sẽn sɩng kolgre, dabeem kãseng yõk-m lame tɩ m lʋɩ m yãvabga. A yeel-m lame: ‹Ninsaalb biiga, wʋme! Yãeeba wilgda Baasga yell sẽn na n yɩ a soaba.› 18A ra ket n tara goama la m da kɩ m neng tẽnga la m sobgame. A waa n sɩɩs-m lame n doog-ma. 19A yeel-m lame: ‹M na n wilg-f-la sẽn na n yɩ-la Wẽnd sũ-puura sɛɛb daare, wakata sã n wa pidi. 20Pe-raoogã fo sẽn yãend ne yɩɩl a yiibã, yaa Mɛd la Pɛrs dãmba dĩm dãmba la a makda. 21Boɛɛga sẽn tar kõbd wʋsgã makda Grɛs dĩma. Yɩɩn-wokã sẽn be a nin a yiiba sʋkã makda pipi dĩma. 22Yɩɩlla sẽn kaooge la yɩɩl a naas sẽn yi a zĩigẽ. Bãmb makda rĩund a naase sẽn na n deeg pipi soaba zĩiga n yaool n ka paam a pãnga ye. 23Rĩund bãmb sã n wa sɛ b sɛɛbo, tɩ yel-wẽn-maandba wẽnema wa pid zãnga, dĩm a ye sẽn nong a menga, n tõe n tudg ned nif sẽn ne koomẽ menga, n na n pooge. 24A pãnga na n tara paasgo, n tar paasgo, tɩ yaool n ka tũud ne a meng ye. A na n tʋma tʋʋm beedo. A sẽn sɩng fãa na n baasa neere. A na n tõoga pãn-dãmba, la buud-sõnga menga. 25A sẽn be yam yĩnga, a na n yɩɩ sudum dĩma. A wilg-m-menga yĩnga, a na n kʋ neb ka tɛka sẽn da pa tẽed tɩ bũmb na maan-b ye. A pat-n-taag na n yɩ dĩm-biisa Dĩm-biiga, la wakat kãng marsã la yẽ meng na n lʋɩ tɩ ka tũ ne nug wẽed ye. 26Woto la fo sẽn yãenda võor akɩka, fo sẽn yãend zaabr la yibeoog maoonga poorẽ, la ra gom tɩ ned wʋm ye, tɩ nan ket n zãrame.› 27Maam a Daniyɛl sobga wakat kãnga la m yika pa-keem dasem a wãna. M sẽn sãooge, m leb n dɩka tʋʋm ninga dĩma sẽn da kõ maama. Ad-y m da ket n zĩ n yɩɩda m sẽn yãenda poorẽ tɩ m da ket n ka tar a võor zãng ye.
Одоогоор Сонгогдсон:
Daniyɛl 8: SSDC98
Тодруулга
Хувилах
Харьцуулах
Хуваалцах
Тодруулсан зүйлсээ бүх төхөөрөмждөө хадгалмаар байна уу? Бүртгүүлэх эсвэл нэвтэрнэ үү
SEBR SÕNGO © Alliance Biblique du Burkina Faso, 1998.