Библијата е живаПримерок

Библијата ги трансформира нациите

Се случува во раните 1800-ти. 12-годишното момче од Нигерија и неговото семејство биле одведени од нивниот дом и принудени на португалски брод за робови кој се упатил кон Америка. Но, пред бродот да има шанса да го напушти африканскиот брег, упаднала патрола против ропството и трговците со луѓе биле уапсени. Момчето и неговото семејство потоа се ослободуваат и се испраќаат во Сиера Леоне. Тука тој ја открива моќта на Библијата.

Откако станал христијанин, Самуел Ајаи Кроутер започнал да учи повеќе јазици и да оди на мисионерски експедиции во земјите близу Сиера Леоне. Но, за целото ова време, тој ја проучувал Библијата на англиски бидејќи не постоел превод на Јоруба - неговиот нигериски јазик.

Ова значеше дека луѓето во Нигерија кои не зборуваат англиски не можат сами да го читаат Божјиот Збор. Така Ајаи помогнал да се создаде пишан граматички систем за Јоруба, а потоа ја превел Библијата на тој јазик.

Откако ја завршил јорупската Библија, продолжил да го преведува Светото писмо на други нигериски јазици, за да можат повеќе луѓе да ја откријат промената на животот што тој ја доживеал.

Кроутер подоцна бил избран за „епископ на Нигер“ од англиканската црква, станувајќи првиот црномурест англикански епископ. И денес, англиканската црква во Нигерија е втората по големина англиканска провинција со над 18 милиони крстени членови.

Истиот Бог кој работел преку Кроутер, исто така, сака да работи преку тебе за да влијае врз светот преку Неговиот Збор. Има луѓе што чекаат да бидат преобразени преку Библијата, до кои само ти си во совршена позиција за да ги допреш.

Затоа, денес, замоли го Бог да ти ја открие улогата што можеш да ја играш во приказната што Тој ја раскажува и набљудувај како Тој прави повеќе во твојот живот отколку што можеш да замислиш, побараш или измислиш.