Молитви за пост од Светото Писмо: МозаикПримерок

Пандита Рамабаи (Индија, 1858-1922) Пред неколку години сфатив дека моето верување е само интелектуално - верување во кое немаше живот. Ова верување со нетрпение го чекаше спасението после смртта, и следствено на тоа, мојата душа сеуште не „премина од смрт во живот”. Бог ми покажа колку е опасна мојата состојба, дека бев беден и изгубен грешник, и колку е потребно да се добие спасението во сегашноста, а не во некое идно време. Долго време се каев; станав неспокојна, речиси болна и поминав многу непроспиени ноќи. Светиот Дух ме држеше во состојба во која не можев да најдам мир додека не го најдам спасението, тогаш и таму. Затоа, искрено му се молев на Бога да ми ги прости гревовите заради Исус Христос и да ми даде да сфатам дека навистина сум спасена преку Него. Поверував во Божјото ветување и поверував на Неговиот збор, и кога го сторив тоа, моето бреме исчезна и сфатив дека ми е простено и дека сум ослободена од силата на гревот.