ខគម្ពីរពេញនិយមពី JEMS 3

ចែក​រំលែក

Ana reikounou kouyu ratsü sünawo rairailai hinou sheetouyu sünasüe; alia hainawo kaonayu, nashayu, alia samai-khamai soulou veiyu sünasüe; hainawo zhuvea-leshinou phoupoa bue ea vahvei taovei thou shilouwe; haiwo lekiyu ea aveikho souyu hae.

Neletao hrohi thaohnou tsü veiwe ea tsü süwe? Puhye panou süsü puhvei hrümai aveinou, alia nataiyu ea ratsüna hinou soukhai touyu puhvei vah aveitao nou pongaokhaio.

Alia kaonayu pove peiyu mainou acheche vei chachiyu hai kaonayu hinou vuthou peikhai toue.

Maiye ngaoraiyu ea dutou nüyu buh hisü bvüroyu ea ashi tyatyali bue.

Eletao nou hainaye posei-a Eletao Mapao ea Puoye kalo paowe, alia hainasü posei-a Ramai zhurai hinou soukhai touyu maikhe maiye chawe. Mü ali hinou kalo paoyu chipao ea maiye chayu chipao pawe. Athaihou jürai khemai, haisü haibüa soukhailai moe!

Alia mali hai meie. Haisü mahmoyu vei deiphaoe. Eletao vei pfüphao zhatao hrohinou malinou pfüphao teiteiye souzhailou veiyu buh hinou bue. Mali nou puh hi meizai vuzü hinou veyu mei sünanou Eletao hrümai teiteiye sü panou meinou deiwe.

Ana maitalinou maliye sü souvülou khaimohie. Haisü thailou veiyu pou ashinou phoua buyu ea tukhashalou hoyu ashi sünasüe.

Athaihou jürai maitao, neletao mai poulo nou dou-apeimai souwuso, daiolouzü kukhe maiye jünou Eletao dou-apei maiye nou tatei koushoa chikulai touyu sü neletao nou süwe.