Ịgbagharà Ndị N'emerụ Anyị AhụIhe Nhụchatụ

Ihichapụ Ndekọ Nke Mmejọ

Kwa ụbọchị anyị na-edebe ahụmịhe maka ncheta n'ọdịnihu—n'itunanya ka ọ bụrụ maka ọñụ anyị. Ma mgbe ụfọdụ ihe ọjọọ na-eme nke ná-enwe mmetụta na-adịgide adịgide ná ndụ anyị. Mgbe ụfọdụ nkwarụ na-eme n'ihi nhọrọ adịghị mma nke onye ọzọ. Onye ọkwọ ụgbọ ala bụ́ onye aṅụrụma nwerè ike isi n'ihe mberede ụgbọ ala pụta n'enweghị ihe ọbụla mere ya ma na-ahapụ onye njem ọ kwọrọ n'ime nkwarụ anụ ahụ ma ọ bụ nke uche ná-emetụta dị ka ọ ga agba onye ahụ ara. Mmadụ nwerè ike iweterè ndị ọzọ nsogbu dị ukwuu n’ihi n’akpachapụghị anya ya ma ọ bụ ịchọ ọdịmma naanị nke onwe ya. Olee otú anyị ga-esi malite iche echiche banyere ịgbaghara ụdị ihe ọjọọ ahụ?

Mgbaghara gụnyerè ịkpachara anya hapụ ajọ omume na mmehie nke ndị ọzọ. Ị họrọ ịghara icheta mmejọ nke ndị ọzọ. Abụ Ọma 103:8-12 na-egosipụta nkpachapụ anya Chineke n'igbaghara mmehie. “Ọ gaghị na-ebo anyị ebubo mgbe niile” (ọ bụ ezie na O ruru eru ime otú ahụ), na “O wepụwo mmehie anyị n'ebe dị anya n'ebe anyị nọ dị ka ọwụwa anyanwụ si dị anya n'ebe ọdịda anyanwụ nọ." Nke a bụ ebe dị anya ebighị ebi; ihu abụọ ndịa adịghị ezute. Chineke kpachaarà anya na-ewepụ mmehie anyị n’ihu Ya ma ghara icheta ha ọzọ! Olee otú anyị ga-esi na-eme ụdị ngbaghara mmehie a? Naanị ịhụnanya nke Mmụọ Nsọ nyerè anyị nwerè ike ịgbanwe obi anyị nke ọma ka anyị ghara idebe “ndekọ nke mmejọ ọ bụla” (1 Ndị Kọrịnt 13:5). Ụdị mgbaghara a bụ nke amara Chineke na-eme n’ime obi anyị ma bụrụ nke ezi ịhụnanya maka ndị ọzọ na-akpalite.

Ọ na-esiri anyị ike ịgbaghara ndị ọzọ mgbe anyị na-eche naanị maka ahụhụ na ihe isi ike anyị. Tụlee, kama nke ahụ, otú Chineke si mesoo mmejọ ndị ahụ omume: “N’ihi na otú a ka Chineke si hụ ụwa n’anya: O nyerè Ọkpara Ọ mụrụ naanị Ya, ka ndị niile nke kwere na Ya wee ghara ịla n’iyi, kama ka ha nwee ndụ ebighị ebi.” (Jọn 3:16). Ịhụnanya Chineke nwerè n’ebe anyị nọ merè ka O jiri Ọkpara Ya chụọ àjà iji gbaghara anyị mmehie. Ànyị kwesịrị ịgbaghara otú ahụ? Ee! Ma ọ bụghị n'ike nke anyị! Anyị ga na-echeta ihe ndị mere na ndụ anyị. Ụfọdụ ihe anyị na-apụghị 'ichezọ' n'ezie. Mà ànyị nà-edebe “ihe ndekọ” nke ihe ọjọọ ndị ọzọ? Ànyị nà-echeta ma ọ bụ na-atụgharị omume ndị ahu na-adịghị mma mgbe ọ bụla anyị hụrụ onye ahụ?

Mgbaghara nké Chineke adịghị ehichapụ ihe ndị anyị na-echeta, ma ọ na-enye anyị ohere ihichapụ ihe ndekọ nke ihe ọjọọ ma anyị aná ebi n'ime mmekọrịta e weghachiri eweghachi. Ka oge na-aga, na site na Mmụọ Chineke, anyị ga-achọpụta na ịhụnanya anọchiwo echiche ọjọọ anyị banyere, na mmetụta anyị nwerè n’ebe, ndị mejọrọ anyị nọ.