Ịgbagharà Ndị N'emerụ Anyị AhụIhe Nhụchatụ

Onyinye Nke Mgbaghara

Ọtụtụ n'ime anyị na-ebi n'esemokwu a na-edozibeghị, nkwurịta okwu mebiri emebi, na "okwu" na-aga n'ihu n'etiti onwe anyị na ndị ọzọ. Ma enwere olileanya dị ukwuu! Chineke ahaziela ụlọ ụka ka ọ bụrụ ọgbakọ ndị kwere ekwe ná-ebikọ n’udo. Dika Akwụkwọ Nsọ n'ekwu ebe a, e nyerè ndị kwere ekwe ntụziaka ka ha “dị obiọma . . . dị obi nrọ̀, dị mgbaghara.” Iwu nke enyerè ka adị obiọma na dị obi nrọ̀ ka e kwụsiri ike site na iwu nke enyerè ka agbaghara. Mgbaghara bụ onyinye anyị na-enye ndị ọzọ, ụdị ndụ ịchụ-aja nke anyị na-ahapụ ndị ọzọ na ụgwọ nke mmejọ ha n'ebe anyị nọ. Ebe Chineke nyerè Ọkpara Ya ka Ọ kpuchie mmehie anyị niile, anyị nwerè ike ịgbaghara ndị ọzọ; Chineke akwụọlarị ụgwọ ọnụ ahịa ahụ. Anyị na-enweta onyinye ịchụ-aja nke Chineke n’ime Kraịst mgbe anyị na-agbaghara ndị ọzọ.

Adịghị ahụ ihe mkpali maka nke ọganihu ịhụnanya a n'ime obi onwe anyị. Kama, ihe mkpali a sitere n'aka Chineke na site n'ihe O merè iji gbaghara anyị n'ime Kraịst. A ga-akwụ ụgwọ n'ihi na e meela ezigbo ihe ọjọọ. Otú ọ dị, mgbe anyị na-ahapụ ụgwọ maka mmejọ e merè megide anyị, anyị na-atụkwasị obi na amara Chineke ga-akwụ ụgwọ ahụ. Nke a nwerè mmetụta ntọhapụ na ndụ anyị. Ọ na-edobe anyị inwe nnwere onwe n'ime Kraịst na anyị na ndị ọzọ ịnwe nkwekọ dị ụtọ! Chee nnọọ echiche maka nnwere onwe na ihu ọma anyị ga-enweta ma ọ bụrụ na e ji mgbaghara zuru oke na nke nnwere onwe márá mmekọrịta anyị niile. A na-edobe nkwekọrịta anyị dịka ndị kwere ekwe site n'obiọma, obi dị nrọ̀, na mmekọrịta nke mgbaghara mmehie.