Jizọs Na Ndị N'ata Ahụhụ

Nhụjuanya, dị ka ịda ogbenye, nwerè ike ịdị n'ụdị dị iche iche. Jizọs ṅara ntị ná ndị na-ata ahụhụ n’ụzọ anụ aru ma ọ bụ n’ụzọ ime mmụọ wee zaghachi arịrịọ ha.

Site na Africa Study Bible ilu na akụkọ gasị a kpọrọ “Àdím Ìsì Nke Na A Pụrụ Ịhụ Ụzọ”:

E nwerè okwu na-ewu ewu n’ọtụtụ omenala Afrịka, karịsịa n’etiti ndị Mendi nke Sierra Leone, si na “Nwatakịrị nke na-ebekarị ákwá na-enweta enyemaka nke nne karịa.”

Onye arịrịọ ahụ kpurú ìsì nke nọ n’ụzọ Jeriko enweghị ike ịgbakwute Jizọs n'ọsọ, mana o nwerè ike ịdọta uche Jizọs site n’iji olu ya mee ihe. O tiri mkpu—o wee dọta uche Jizọs dị ka nwa ahụ na-eti mkpu sì enweta mgbaru-ọsọ na enyemaka nke ndị mụrụ ya.

Ịkpọku Jizọs n’okwukwe, n’agbanyeghị ọnọdụ gị, gà-adọta uche Ya. N'ebe a ka azịza ekpere gị gà-amalite. Ị kwesịghị ịta ahụhụ na nkịtị ma ọ bụ burú ibu naanị gị; Jizọs nọ nso ma naanị ihe ịga eme bụ ịkpọku aha Ya n'ekpere.

Tụgharịa Uche Ma Ọ Bụ Kparịta Ụka

Ó yirì site n'ihe onye ìsì ahụ merè kà ọ mataworị onye Jizọs bụ̀. Gịnị ka ọ nụrụ banyere Jizọs?

Ìgwè mmadụ ahụ kpọrọ Ya “Jizọs Onye Nazaret,” ma onye ìsì ahụ kpọrọ Ya “Jizọs, Ọkpara Devid.” Gịnị ka aha abụọ a dị iche iche na-agwa anyị gbasara Jizọs?

Gịnị merè i ji chee na Jizọs jụrụ nwoke ahụ kpurú ìsì ihe ọ chọrọ mgbe o doro anya ihe yabụ nwoke n'achọ?

Ò nwerè ọnọdụ ịta ahụhụ na ndụ gị chọrọ enyemaka Jizọs ugbu a? Gwa Ya banyere ya n'ekpere.