Amamihe N'adịghị Ka Nke Amà Amá: Njem Ụbọchị Asaa Maka Ndị NnaIhe Nhụchatụ

Ndị Nna N'eso Jizọs

Ndị nna n'eso Jizọs nà-amalite site n'inyere ụmụ ha aka ịghọta ndị ha bụ̀ n'ime Kraịst. Nwa gị ọ mà na ya bụ nwa anabatarà n'ime ezinụlọ Eze Ndị Eze—nwa agbaghàralà n'ụzọ zuru ezù, nke ọ n'adịghị ihe agà asị kọrọ ya, ruru eru ịnata na inwe ihe ọma niile n'ụzọ zuru okè?

Mgbe ụmụaka ghọtarà ndị ha bụ̀ n'ime Kraịst, ha nà-achọpụta onye ha bụ̀ n'ezie bara uru. Onye a ha bụ̀ n'ezie n'eme ka ọ dị oké mfe ịma ihe ha kwesịrị ime mgbe mkpebi ime ihe dị mma na ihe dị njọ edochaghị anya, ma ọ bụ̀ mgbe nne na nna si mba nye mkpebi ha merè dị mma n'anya ha.

Ka ha si echè echichè nà-agbakwasi ukwu na “Kedụ ihe Jizọs gà-achọ ka m mee n'ihe a?” n'ihi na onye ha bụ̀ n'ime Kraịst bụ̀ mgbakwasị-ụkwụ nke ndị ha bụ̀.

Ndị enyi m Craig na Kerry nwerè ụmụ nwaanyị atọ mara mma. Mgbe ha gà-achọ ime mkpebi gasị banyere uwe na-emepe ahụ na nke n'egosi ara ha, Kerry n'ajụ́ ha si, “Ùnù chè na nke ahụ kwesịrị ekwesị ka unu yìnyé ya nà-ahụ?” Ọtụtụ ụmụaka gà-enupù isi, n'echè na nne ha n'achọ itinye uche nke ya n'ụbụrụ ha.

Mana ụmụ nwaanyị ndị a etogólichaalá ihe ndị ha bụ̀ n'ezie banyere onwe ha . . . ihe ndị ha chè kwesịrị ekwesị na ndị ha agaghị etinye n'uche ha. Ha agbanáriilá ọtụtụ esemokwu nke ihe e kwesịrị iyi na ihe ndị ana ekwesịghị iyi n'ihi na ha ejila aka ha chee echiche banyere ha wee mee mkpebi mara mma n'eto Chineke. “Amaarà m onye m bụ̀. Ndị dị ka m adịghị eyi ụdị ihe ahụ. Ndị dị ka m adịghị eme ụdị ihe ahụ.”

Ajụjụ: Ịgà eme ka ụmụ gị lekwasị anya na uche nà ụdị mmadụ ha chọrọ ịbụ, gị ana edu ha ka ha mara ndị ha bụ̀ n'ezie n'ime Kraịst?