Ayat-ayat Alkitab Ternama dari ईशायाह 40

Bagikan

सह दैआ तिन्‍नां लै बल ज़ुंण दुबल़ै अर थकै दै आसा।

खारकै मणछ सका थकी, तिन्‍नों सका शाह फुल्‍ली अर तिंयां सका धरनीं बधल़ूई, पर ज़ुंण बिधाते आसरै रहा, अर ज़ुंण तेऊ का मज़त मांगा, तिन्‍नां भेटणअ ताज़अ ज़ोर। तिन्‍नां लागणै मुक्षरलै ज़िहै नऊंऐं फैंख, तिन्‍नां बाहणीं ठुहर पर तिन्‍नों शाह निं फुलणअ, तिंयां निं हांढी-हांढी बी दुबल़ै हणैं।”

तम्हां का थोघ निं आथी? तम्हैं कधि निं शूणअ? परमेशर बिधाता आसा अटल़, सारअ संसार आसा तेऊ बणाअं द। सह नां थकदअ अर नां तेऊओ शाह फुलदअ। तेऊए सोठ निं कोहै कधि समझ़ी सकदअ।

“शुन्‍नैं रेगीस्ताना का आसा कुंण हाक्‍का लाई इहअ बोल्दअ लागअ द, ‘प्रभू एछणें धैल़ी लै डाहा बाता शुंहीं-शोधी, तेऊए सुआगत करना लै रहा सोभ तैर्हुई।’”

घाह ता शुक्‍का अर फूल बी मछैंआं, पर बिधाता ज़ुंण बैण बोलअ, सह हआ अटल़।

तेखअ हणअ बिधातो प्रतप्प प्रगट, अर सह शुझणअ सोभी लोगा का। बिधाता आसा आप्पै बोलअ द कि इहअ हणअ!

सोभी खागा भरा, उछ़टी धारा करा धरनीं सरली। बडी-बडी ज़ोता करा सऊंई, उछ़टी-निंहंटी ज़ैगा हणीं बराबर च़कोर।

परमेशरा करनीं आपणीं हेल़्हीए फुआला ज़ेही फाज़त, तेऊ करनै होछ़ै-होछ़ै मिम्मूं कठा संघा निंणै आपणीं भोसल़ै ढाकी, तिन्‍नैं माआ नढैऊंणीं तेऊ सुलै-सुलै आजू।

उझै दैआ सरगा बाखा भाल़णीं! ज़ुंण तम्हां का एथ तारै शुझिआ, तिंयां कुंणी बणाऐं? ज़ुंण इना सैना ज़िहै नढैऊआ, सह गणा इना सोभी अर सह शादा इना सोभी इनै नाअं बोली! सह आसा एतरअ महान अर तेऊ का आसा इहअ महान बल कि तिन्‍नां मांझ़ै निं एक बी शोठदअ आथी।

सह आसा परमेशर ज़ुंणी सारअ भ्रमंड बणाअं। ज़ुंण पृथूई अर सरगा का उझै आपणीं राज़गाद्दी दी आसा बेठअ द, उंधै पृथूई दी मणछ आसा तेऊ लै चिटा ज़िहै। तेऊ छ़ैअ सरग दोहल़ू ज़िहअ अर सह कशा तेता खिम्भा ज़िहअ।

एरुशलेम नगरीए लोगा लै बोला हैअ निं चोल़ा। तिन्‍नां लै बोला कि तम्हैं काटी खास्सी खरी अर ऐबै हुऐ थारै सारै पाप माफ। तम्हैं हेरी मुंह बिधाता का आपणीं पापे सारी सज़ा भुगती।”

मुखा शुण्हुंअ हाक्‍का लाई आसा कुंण ज़ोरै-ज़ोरै बोल्दअ, पर मंऐं पुछ़अ, “हुंह किज़ै समाद खोज़ूं सोभी का?” सह बोल खोज़ा त इहअ समाद, “एही गल्‍ला खोज़ भिई कि सारै मणछ आसा घाहा ज़िहै, तिन्‍नें शोभा हणीं बणें फूला ज़ेही झ़ट च़ारै खतम। ज़ांऊं बिधाता बागरी छ़ाडा, घाह शुक्‍का अर फूल मछैंआ पठी। तिहै ई आसा मणछ बी घाहा ई ज़िहै।

भाल़ा! म्हारअ मालक बिधाता एछणअ आपणीं सारी शगती संघै एरुशलेम राज़ करदअ, ज़ुंण तेऊ बच़ाऊऐ दै आसा तिंयां आणनैं तेऊ संघा अर तिन्‍नां लै दैणअ तेऊ तेतो फल कि तिंयां हांढणै तेऊ आजू।

परमेशर बोला इहअ, “मेरी परज़ा लै दैआ हैअ-विश्वास!

समुंदरे पाणीं निं कुंण अंदल़ू करै बथैऊई सकदअ अर नां कुंण सरगा बैथा करै नापी सकदअ! पृथूईए सारी माट्टी निं कोहै लोहदी करै पथैऊई सकदअ, नां कुंण बडी-बडी धारा तराकल़ी दी तोली सकदअ! तेही ई निं बिधाता लै कोहै सलाह दैई सकदअ, नां कुंणी तेऊ लै शिक्षा दैनी कि फलाणीं बाता हांढै! बिधाता निं कोही का पुछ़दअ कि किहअ नसाफ करनअ, नां तेऊ कहा का अक्ल अर समझ़णें ज़रुरत आथी कि कुंण काम किहअ करनअ।