Myeelwe 34
34
Misyobo iili musanu aine acisela: migaano yali yika yabo
1Lino Jehova wakaambila Musa kuti, 2#Matl 17:8; Dt 1:7; Int 78:55; 105:11Lailila bana ba-Israyeli kuti, Mwanjila buyo munyika ya-Kanana, niceyi nyika njimuyoowidwa cisolo kuti mwiivube, nyika ya-Kanana mumigaano yayo. 3#Jos 15:1; Ezk 47:13; Matl 14:3; Jos 3:16Mugaano wakulubazu lwakumusanza: kuzwa kunkanda ya-Zini uyoolulama kulubazu lwa-Edomu; mugaano wakumusanza uyoogolela kujwe ku-Lwizi lwamunyo. 4#My 32:8Lino mugaano wanu uyooinda kumusanza wamatantilo aatubanze, uyooinda ku-Zini, amagolelo ayooba kumusanza waku-Kadesi-Barinea; kuzwa oko uyooinda ku-Hazara-adari, akuzwa oko ku-Azimoni. 5#Matl 15:18; 1 Bam 8:65; Is 27:12Kuzwa ku-Azimoni mugaano uyooinda kukalonga ka-Egepita, amagolelo aawo ayooba kulwizi.
6Amugaano wakumbo uyooba Lwizi Lupati ankomwe yalo. Mbuuyooba mugaano wanu wakumbo,
7Amugaano wanu wakulubazu lwakunyika ngooyu: kuzwa ku-Lwizi Lupati amubike mpa kusikila kucilundu ca-Hori; 8#My 13:21; Jos 13:5,6; 2 Sam 8:9; 2 Bam 14:25; 23:33; Is 10:9; Jer 39:5; Ezk 47:15-20kuzwa kucilundu caHori amubike mpa kusikila kumanjililo aa-Hamati; amagolelo aamugaano ayooba ku-Zedadi; 9#Ezk 47:17lino mugaano uyooinda ku-Zifroni, amagolelo aawo ayooba ku-Hazari-enani. Mbuuyooba mugaano wanu wakunyika.
10Lino mugaano wakujwe ngooyu: amubike mpa kuzwa ku-Hazarienani kusikila ku-Sefamu; 11#2 Bam 23:33; Jer 39:5; Dt 3:17; Jos 11:2; 19:35kuzwa ku-Sefamu mugaano uyooseluka kuya ku-Ribila kulubazu lwakujwe lwa-Ayini; lino mugaano uyooseluka akusikila kuzilundulundu zyakujwe lyaziba lya-Kinereti. 12Kuzwa oko mugaano uyooseluka ku-Jordano, amagolelo ayooba ku-Lwizi lwamunyo. Mbiiyooba migaano yanyika yanu yoonse,
13 #
Jos 14:1-5
#
My 26:52-56; Jos 14:1,2 Lino Musa wakalailila bana ba-Israyeli kuti, Njiyeeyo nyika njimweelede kwaabana acisolo, mwiivube, nkokuti nyika Jehova njaalailila kupa misyobo iili musanu aine acisela. 14#My 32:33; Jos 14:2,3Nkaambo inzubo zyamusyobo wa-Rubeni anzubo zyamusyobo wa-Gadi acisela camusyobo wa-Manase zyatambula kale lukono lwazyo. 15Misyobo yobile acisela yatambula kale lukono lwayo kutala lya-Jordano kujwe, kulangene a-Jeriko, kubuzwezuba.
16Lino Jehova wakaambila Musa kuti, 17#Kul 6:23-25Ngaaya mazina aabantu ibeelede kumwaabila nyika: Eleazara mupaizi a-Joshua mwana wa-Nuni. 18Alimwi amusale muntu omwe kumusyobo umwi aumwi, kuti bamwaabile nyika. 19#Matl 29:35; 49:8-10; Dt 33:7; Int 60:7; 108:8; My 13:6,30; Dt 1:36Mazina aabantu mbaaba: kumusyobo wa-Juda, Kalebe mwana wa-Jefune; 20#Matl 29:33; 49:5; Ezk 48:24kumusyobo wabana ba-Simeoni, Samuele mwana wa-Amihudi; 21#Matl 35:18; 49:27; Dt 33:12; Int 68:27; 80:2kumusyobo wa-Benjamini, Elidadi mwana wa-Kisiloni; 22kumusyobo wabana ba-Dani silutwe, Buki mwana wa-Jogili; 23#Matl 48:8-22; 49:22; Dt 33:13; Int 80:1kubana ba-Josefa, kumusyobo wa-Manase silutwe, Hanieli mwana wa-Efodi; 24kumusyobo wabana ba-Efraimu silutwe, Kemueli mwana wa-Sifitani; 25kumusyobo wabana ba-Zebuloni silutwe, Elisafana mwana wa-Parinaki; 26akumusyobo wabana ba-Isakara silutwe, Palitieli mwana wa-Azani; 27akumusyobo wabana ba-Aseri silutwe, Ahihudi mwana wa-Selomi; 28akumusyobo wabana ba-Nafitali silutwe, Pedayeli mwana wa-Amihudi. 29#Dt 32:8; Inc 17:26Mbaabo bantu Jehova mbaakalailila kuti baabile bana ba-Israyeli lukono munyika ya-Kanana.
اکنون انتخاب شده:
Myeelwe 34: Ibbaib63
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible in Tonga (Zambia) © United Bible Societies, 1963.