Hosea 3
3
Mwanakazi sibuvuule mbwaakanunumowa
1Lino Jehova wakandaambila kuti, Koya alimwi, ukayande oyu mwanakazi sibuvuule uuyandwa kusimamambe wakwe, Mbuboobu Jehova mbwayanda bana ba-Israyeli, nekuba kuti bali mukutobela mizimu imbi akuyanda mitunge yamasaansa, 2Elyo ndakamuula mali aansiliva aali ikumi amusanu acisuwo comwe cizwide acisela cabbaale. 3#Dt 21:13Nkabela nda-kamwaambila kuti, Uleelede kusyaala kulindime mazuba manji. Utayi buvuula pe, utabi wamwaalumi umbi. Ambebo njoocita mbubonya kulinduwe. 4#Kul 28:6Nkaambo bana ba-Israyeli bayookala mazuba manjimanji kabatakwe mwami nanka mweendelezi, kabatakwe zipaizyo nanka ciimikilo, kabatakwe zikobela zyabupaizi nanka mituni, 5#Is 27:12,13; 55:3,4; Jer 3:22,23; 1 Bam 12:16; Jer 30:9; Ezk 34:23; Mik 4:1Pele musule lyayaaya bana ba-Israyeli bayooboola akuyandaula Leza wabo a-Davida mwami wabo. Bayooyoowa Leza abubotu bwakwe mumazuba aaciza.
اکنون انتخاب شده:
Hosea 3: Ibbaib63
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible in Tonga (Zambia) © United Bible Societies, 1963.