Kulonga 7
7
Musa a-Aroni mbubakacita zitondezyo kubusyu bwa-Farao
1 #
Kul 4:16; Jer 1:10 Lino Jehova wakaambila Musa kuti, Bona! Ndakubika ube mbuli Leza kuli-Farao, alakwe munyoko Aroni uyooba musinsimi wako. 2Uleelede kwaamba zyoonse nzendakwaambila. Munyoko Aroni ulaambila Farao kuti aleke bana ba-Israyeli, bazwe mucisi cakwe. 3#Inc 7:36; Kul 4:7; 11:9Pele njooyumya moyo wa-Farao, aboobo njoovuzya zitondezyo zyangu amalele aangu munyika ya-Egepita. 4#Kul 6:6; 10:1Farao uyookaka kumumvwa, aboobo njoobika ijanza lyangu ku-Egepita, nkabela njoopozya impi zyangu abantu bangu bana ba-Israyeli kuzwa kunyika ya-Egepita ambeta impati. 5#Kul 8:22; 14:4,18; Int 9:16; 59:13; Kul 3:20Lino baEgepita bayooziba kuti ndime Jehova nenjootandabika ijanza lyangu ku-Egepita akupozya bana ba-Israyeli kuzwa akati kabo. 6Mpawo ba-Musa a-Aroni bakacita obo. Bakacita mbubonya mbuli Jehova mbwaakabalailila. 7#Dt 29:5; 31:2; 34:7; Inc 7:23,30Musa kajisi myaka iili makumi aali musanu aatatu, alakwe Aroni kajisi myaka iili makumi aali musanu aatatu aitatu kuciindi eco nebakaambila Farao.
8Lino Jehova wakaambila ba-Musa a-Aroni kuti, 9#Is 7:11; Joh 2:18; 6:30; Kul 4:2,17Farao aamwaambila kuti, Amupe citondezyo, uleelede kwaambila Aroni kuti, Bweza musako wako, uuwaale kumeso aa-Farao, elyo uyooba inzoka. 10#Kul 4:3Mpawo ba-Musa a-Aroni bakainka kuli-Farao, bacita mbubonya mbuli Jehova mbwaakalailila. Aroni wakawaala musako wakwe kumeso aa-Farao akumeso aabalanda bakwe, nkabela wakaba inzoka. 11#Matl 41:8; Dan 2:2; 2 Tim 3:8; Kul 7:22; 8:7,18; 2 Kor 11:13; 2 Tes 2:9,11; 2 Tim 3:13; 2 Pet 2:13; Ciy 12:9; 13:14Elyo Farao wakaita basongo abamucapi, nkabela abo basimabibo ba-Egepita abalo bakacita mbubonya kumabibo aabo. 12Bakawaala umwi aumwi musako wakwe ansi, elyo yakaba inzoka. Pele musako wa-Aroni wakamena misako yabo yoonse. 13#Kul 4:21Lino moyo wa-Farao wakayuma, mbubonya mbuli Jehova mbwaakaamba,
Maanzi mbwaakasanduka kuba bulowa
14 #
Kul 8:15; 10:20,27 Lino Jehova wakaambila Musa kuti, Moyo wa-Farao wayuma. Ulakaka kuleka bantu. 15#Kul 4:2,3Koya kuli-Farao cifumo aakuya kumaanzi, ukamulindilile kunkomwe yalwizi. Amujanza lyako tola oyo musako iwakasanduka kuba inzoka. 16#Kul 3:12,18; 5:1,3Lino uleelede kumwaambila kuti, Jehova Leza waba-Hebrayo watutuma kulinduwe, wati, Leka bantu bangu, baye, bandimanine milimo munkanda, Pele tona kumvwa alino. 17#Ciy 16:4,6; Int 9:16; Ezk 20:48; 25:17; Joel 3:17; Kul 4:9Mbuboobo mbwaamba Jehova. Mbuboobu mbokonzya kuziba kuti ndime Jehova. Bona! Musako oyu uuli mujanza lyangu ndauumya maanzi aali mulwizi, asanduke kuba bulowa. 18#Kul 7:24Azyalo inswi zyoonse zyamulwizi zilafwa, alwizi lulanunka, nkabela ba-Egepita balasesemwa kunywa maanzi aamulwizi. 19#Kul 8:5; 9:22; 10:12Lino Jehova wakaambila Musa kuti, Ambila Aroni kuti, Bweza musako wako, uvungulule ijanza lyako kumaanzi aa-Egepita, kumilonga yabo akulwizi lwabo akumaziba aabo akumikalo yabo yoonse, kuti maanzi abe bulowa. Munyika yoonse ya-Egepita muyooba bulowa muzinywido zyoonse, niziba zinywido zyazisamu niziba zinywido zyamabwe.
20 #
Kul 17:5; Int 78:44; 105:29 Lino ba-Musa a-Aroni bakacita mbubonya mbuli Jehova mbwaakalailila, Wakabweza musako, wauma maanzi aamulwizi, mumeso aa-Farao amumeso aabalanda bakwe, nkabela maanzi oonse aamulwizi akasanduka kuba bulowa. 21Azyalo inswi zyamulwizi zyakafwa, alimwi lwizi lwakanunka. Ba-Egepita bakakacilwa kunywa maanzi aamulwizi. Mucisi coonse buyo ca-Egepita mwakali bulowa. 22Pele basimabibo ba-Egepita abalo bakacita mbubonya abo amabibo aabo, aboobo moyo wa-Farao wakayuma, nkabela wakakaka kubaswiilila, mbubonya mbuli Jehova mbwaakaamba. 23#Tus 29:1Elyo Farao wakafutamuka, wanjila muŋanda yakwe, katabiki moyo wakwe kumakani aya. 24Nkabela ba-Egepita boonse bakali kusya mikalo yakunywa maanzi kumbali alwizi, nkaambo bakakacilwa kunywa maanzi aamulwizi. 25Elyo kwakamana mazuba aali musanu aabili, Jehova naakamana kusofwaazya lwizi.
اکنون انتخاب شده:
Kulonga 7: Ibbaib63
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible in Tonga (Zambia) © United Bible Societies, 1963.
Kulonga 7
7
Musa a-Aroni mbubakacita zitondezyo kubusyu bwa-Farao
1 #
Kul 4:16; Jer 1:10 Lino Jehova wakaambila Musa kuti, Bona! Ndakubika ube mbuli Leza kuli-Farao, alakwe munyoko Aroni uyooba musinsimi wako. 2Uleelede kwaamba zyoonse nzendakwaambila. Munyoko Aroni ulaambila Farao kuti aleke bana ba-Israyeli, bazwe mucisi cakwe. 3#Inc 7:36; Kul 4:7; 11:9Pele njooyumya moyo wa-Farao, aboobo njoovuzya zitondezyo zyangu amalele aangu munyika ya-Egepita. 4#Kul 6:6; 10:1Farao uyookaka kumumvwa, aboobo njoobika ijanza lyangu ku-Egepita, nkabela njoopozya impi zyangu abantu bangu bana ba-Israyeli kuzwa kunyika ya-Egepita ambeta impati. 5#Kul 8:22; 14:4,18; Int 9:16; 59:13; Kul 3:20Lino baEgepita bayooziba kuti ndime Jehova nenjootandabika ijanza lyangu ku-Egepita akupozya bana ba-Israyeli kuzwa akati kabo. 6Mpawo ba-Musa a-Aroni bakacita obo. Bakacita mbubonya mbuli Jehova mbwaakabalailila. 7#Dt 29:5; 31:2; 34:7; Inc 7:23,30Musa kajisi myaka iili makumi aali musanu aatatu, alakwe Aroni kajisi myaka iili makumi aali musanu aatatu aitatu kuciindi eco nebakaambila Farao.
8Lino Jehova wakaambila ba-Musa a-Aroni kuti, 9#Is 7:11; Joh 2:18; 6:30; Kul 4:2,17Farao aamwaambila kuti, Amupe citondezyo, uleelede kwaambila Aroni kuti, Bweza musako wako, uuwaale kumeso aa-Farao, elyo uyooba inzoka. 10#Kul 4:3Mpawo ba-Musa a-Aroni bakainka kuli-Farao, bacita mbubonya mbuli Jehova mbwaakalailila. Aroni wakawaala musako wakwe kumeso aa-Farao akumeso aabalanda bakwe, nkabela wakaba inzoka. 11#Matl 41:8; Dan 2:2; 2 Tim 3:8; Kul 7:22; 8:7,18; 2 Kor 11:13; 2 Tes 2:9,11; 2 Tim 3:13; 2 Pet 2:13; Ciy 12:9; 13:14Elyo Farao wakaita basongo abamucapi, nkabela abo basimabibo ba-Egepita abalo bakacita mbubonya kumabibo aabo. 12Bakawaala umwi aumwi musako wakwe ansi, elyo yakaba inzoka. Pele musako wa-Aroni wakamena misako yabo yoonse. 13#Kul 4:21Lino moyo wa-Farao wakayuma, mbubonya mbuli Jehova mbwaakaamba,
Maanzi mbwaakasanduka kuba bulowa
14 #
Kul 8:15; 10:20,27 Lino Jehova wakaambila Musa kuti, Moyo wa-Farao wayuma. Ulakaka kuleka bantu. 15#Kul 4:2,3Koya kuli-Farao cifumo aakuya kumaanzi, ukamulindilile kunkomwe yalwizi. Amujanza lyako tola oyo musako iwakasanduka kuba inzoka. 16#Kul 3:12,18; 5:1,3Lino uleelede kumwaambila kuti, Jehova Leza waba-Hebrayo watutuma kulinduwe, wati, Leka bantu bangu, baye, bandimanine milimo munkanda, Pele tona kumvwa alino. 17#Ciy 16:4,6; Int 9:16; Ezk 20:48; 25:17; Joel 3:17; Kul 4:9Mbuboobo mbwaamba Jehova. Mbuboobu mbokonzya kuziba kuti ndime Jehova. Bona! Musako oyu uuli mujanza lyangu ndauumya maanzi aali mulwizi, asanduke kuba bulowa. 18#Kul 7:24Azyalo inswi zyoonse zyamulwizi zilafwa, alwizi lulanunka, nkabela ba-Egepita balasesemwa kunywa maanzi aamulwizi. 19#Kul 8:5; 9:22; 10:12Lino Jehova wakaambila Musa kuti, Ambila Aroni kuti, Bweza musako wako, uvungulule ijanza lyako kumaanzi aa-Egepita, kumilonga yabo akulwizi lwabo akumaziba aabo akumikalo yabo yoonse, kuti maanzi abe bulowa. Munyika yoonse ya-Egepita muyooba bulowa muzinywido zyoonse, niziba zinywido zyazisamu niziba zinywido zyamabwe.
20 #
Kul 17:5; Int 78:44; 105:29 Lino ba-Musa a-Aroni bakacita mbubonya mbuli Jehova mbwaakalailila, Wakabweza musako, wauma maanzi aamulwizi, mumeso aa-Farao amumeso aabalanda bakwe, nkabela maanzi oonse aamulwizi akasanduka kuba bulowa. 21Azyalo inswi zyamulwizi zyakafwa, alimwi lwizi lwakanunka. Ba-Egepita bakakacilwa kunywa maanzi aamulwizi. Mucisi coonse buyo ca-Egepita mwakali bulowa. 22Pele basimabibo ba-Egepita abalo bakacita mbubonya abo amabibo aabo, aboobo moyo wa-Farao wakayuma, nkabela wakakaka kubaswiilila, mbubonya mbuli Jehova mbwaakaamba. 23#Tus 29:1Elyo Farao wakafutamuka, wanjila muŋanda yakwe, katabiki moyo wakwe kumakani aya. 24Nkabela ba-Egepita boonse bakali kusya mikalo yakunywa maanzi kumbali alwizi, nkaambo bakakacilwa kunywa maanzi aamulwizi. 25Elyo kwakamana mazuba aali musanu aabili, Jehova naakamana kusofwaazya lwizi.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible in Tonga (Zambia) © United Bible Societies, 1963.