1 Ba-Korinto 8
8
Makani aazilyo zipaizigwa mituni
1 #
Inc 15:29
Lino ngaaya makani aanyama iipaizigwa mituni, Tulizi kuti toonse tuli aluzibo, Luzibo lulatukumusya, pele luyandano lulayaka. 2#Gal 6:3Muntu anooyeeya kuti ndezi makani, oyo muntu tana kuziba cintu niciba comwe mbweelede, 3#Gal 4:9Pele muntu aakuyanda Leza, oyu muntu ulazibwa nguwe. 4#1 Kor 10:19; Dt 6:4Mbubo, atubone mbwaabede aya makani aazilyo zipaizigwa mituni, Tulizi kuti taakwe mutuni naba omwe munyika yoonse, alimwi kuti taakwe Leza pele omwe buyo. 5#Int 82:6; Joh 10:34Nkaambo nikuba kuti nkubali baambwa baleza, nikuba kujulu naaba ansi, ee, mbanji-banji baleza abami, 6#Mal 2:10; Kol 1:16; 1 Kor 12:5,6nekubaboobo kulindiswe kuli Leza omwe buyo, Taateesu, nguzyazwida zintu zyoonse, ngutuponena aswebo, Alimwi kuli Mwami omwe Jesu Kristo, nguzyakalengesegwa zintu zyoonse, aswebo twakalengesegwa mulinguwe. 7#1 Kor 10:27Pele teensi boonse bajisi luzibo olu. Bamwi, mbubakazibila mituni kusikila sunu, bacilya zilyo ezyo cakuyeeya kuti ncakusinizya nzizyakapaizigwa mituni, nkabela manjezeezya aabo, mbwaakompeme, alasofwaazigwa. 8#Rom 14:17Pele teensi zilyo zitusisya kwa-Leza, Na tatulyi tatusweekelwi cintu, na twalya tatugwasigwi cintu. 9#Gal 5:13Nekubaboobo amucenjele kuti obu bwami bwanu butabi cifumpuzyo kubakompeme. 10Nkaambo kuti muntu akubona, webo ojisi luzibo, ulikede mukulya muŋanda yamituni, sa manjezeezya aakwe taakooyooyumizigwa kukulya zipaizigwa mituni? 11#Rom 14:15Aboobo, kuluzibo lwako ulanyonyausigwa oyo sibunyina uukompeme ngwaakafwida Kristo. 12Lino ciindi ncimubisizya boobo babunyina, akuuma-uma manjezeezya aabo aakompeme, muli mukubisizya Kristo. 13#Rom 14:21Nkaambo kaako, kuti zilyo zilalebya mukwesu, nsikooyoolya limbi eyo nyama lyoonse, kuti entakalebyi mukwesu.
اکنون انتخاب شده:
1 Ba-Korinto 8: Ibbaib63
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Bible in Tonga (Zambia) © United Bible Societies, 1963.