Tawˆ kʼai ve li‸ 6
6
1Oˇ htaˇ, Gʼuiˬsha Moˉseˍ hta‸ kʼoˆ piˇ ve, Ngaˬ jawˇmawˇ hta‸ hkʼaˬ hkʼe te piˇ tuˬ ve hta‸ chi beu‸ nawˬ gʼa mawˬ tuˬ yoˬ. Ngaˬ yawˇ hta‸ hehnˇ chaweh te piˇ leh, yawˇ lehˬ ngaˬ ve chaw teˇ hpaˍ hta‸ hpehˇ peu piˇ tuˬ yoˬ. Yawˇ hta‸ chi hkʼe hehnˇ chaweh te piˇ ve pa taw, yawˇ lehˬ ngaˬ ve chaw teˇ hpaˍ hta‸ yawˇ ve mvuhˇmiˬ hkʼaw gʼa‸ kʼoˬ piˇ tuˬ yoˬ, teh‸ yawˇ hta‸ kʼoˆ piˇ ve yoˬ.
Gʼuiˬsha Moˉseˍ hta‸ kʼaw‸ kuˬ ve
2Gʼuiˬsha Moˉseˍ hta‸ teˇ pawˆ kʼaw‸ kʼoˆ piˇ ve, Ngaˬ lehˬ Gʼuiˬsha hpeh‸ ve yoˬ. 3Aˍbraˍhanˍ, Iˉcaˆ leh Yaˍkoˆ hui hta‸ ngaˬ Gʼuiˬsha hpeh‸ ve hkʼa tawˍ lehˆ hpeu‸ maˍ piˇ taˍ peuˬ. Ya‸ hkʼaˇ, ngaˬ ve awˬ meh Jawˇmawˇ Gʼuiˬsha hpeh‸ ve yawˇ hui hta‸ maˇ hto piˇ sheˬ. 4Chi beu‸ yawˇ hui hkehˉ chaw te chehˇ taˍ ve Hkaˍnanˍ mvuhˇmiˬ oˇ ve ngaˬ yawˇ hui hta‸ piˇ tuˬ ka ti‸ te taˍ peuˬ ve yoˬ. 5Eˇjiˇtu‸ chaw hui ve awˬ ceˬ te chehˇ ve Iˉsaˍreˍlaˆ chaw teˇ hpaˍ hkʼanˇ chehˇ ve awˬ hkawˇ hta‸ chi beu‸ ngaˬ gʼa kaˇ leh, ngaˬ te taˍ peuˬ ve ka ti‸ hta‸ kʼaw‸ dawˇ nawˇ ve yoˬ. 6Hkʼe te leh, Iˉsaˍreˍlaˆ chaw hui hta‸ chi hkʼe kʼoˆ piˇ-oˆ. Ngaˬ lehˬ Gʼuiˬsha hpeh‸ ve yoˬ. Eˇjiˇtu‸ mvuhˇmiˬ hkʼaw shu ceˬ te chehˇ kuiˬ lo, ngaˬ nawˬ hui hta‸ ponˬ laˇ tuˬ yoˬ. Kanˇ paˆ uiˍ ve ngaˬ ve la‸ sheh che leh yawˇ hui hta‸ hehnˇ chaweh ciˍ yanˍ piˇ peuˬ hkʼaw‸ nawˉ, ngaˬ nawˬ hui hta‸ htaiˍ hkʼaw‸ laˇ tuˬ yoˬ. 7Nawˬ hui hta‸ ngaˬ ve chaw ceuˬ hpeh‸ la piˇ leh, ngaˬ lehˬ nawˬ hui ve Gʼuiˬsha hpeh‸ tuˬ yoˬ. Eˇjiˇtu‸ mvuhˇmiˬ hkʼaw shu ceˬ te chehˇ kuiˬ lo, ngaˬ nawˬ hui hta‸ ponˬ laˇ ve teˇ yanˇ, ngaˬ lehˬ nawˬ hui ve Gʼuiˬsha hpeh‸ ve hta‸ nawˬ hui shiˍ la tuˬ yoˬ. 8Aˍbraˍhanˍ, Iˉcaˆ leh Yaˍkoˆ hui hta‸ piˇ tuˬ ngaˬ ka ti‸ te taˍ peuˬ ve mvuhˇmiˬ oˇ ve hkʼaw, ngaˬ nawˬ hui hta‸ shiˍ kʼai laˇ leh, mvuhˇmiˬ oˇ ve lehˬ nawˬ hui ve mvuhˇmiˬ hpeh‸ la tuˬ yoˬ. Ngaˬ lehˬ Gʼuiˬsha hpeh‸ ve yoˬ, teh‸ yawˇ hui hta‸ kʼoˆ piˇ-oˆ, teh‸ Moˉseˍ hta‸ kʼoˆ piˇ ve yoˬ. 9Moˉseˍ lehˬ, tawˇ oˇ ve teˇ hpaˍ Iˉsaˍreˍlaˆ chaw hui hta‸ kʼoˆ maˍ piˇ ve yoˬ. Ya‸ hkʼaˇ, yawˇ hui lehˬ yawˇ kʼoˆ ve tawˇ hta‸ maˇ na yuˬ. Awˬ lawn kʼo, yawˇ hui shu ve awˬ ceˬ hpeh‸ leh, hkeu‸ jaˇ ve kanˉ hta‸ gʼa te chehˇ ve pa taw yoˬ.
10Oˇ htaˇ Gʼuiˬsha Moˉseˍ hta‸ kʼoˆ piˇ ve, 11Eˇjiˇtu‸ jawˇmawˇ geh kʼai leh, Iˉsaˍreˍlaˆ chaw hui hta‸ mvuhˇmiˬ chi hkʼaw tawˆ kʼai tcuh tuˬ ca hto piˇ-oˆ, teh‸ yawˇ hta‸ kʼoˆ piˇ ve yoˬ.
12Oˇ htaˇ Moˉseˍ kʼoˆ ve, Ngaˬ hkʼe ve tawˇ maˇ yaw puiˉ ve chaw teˇ gʼaˇ ve tawˇ hta‸ Iˉsaˍreˍlaˆ chaw teˇ hpaˍ maˇ na yuˬ ve kʼo, hkʼaˬ hkʼe te leh jawˇmawˇ ngaˬ ve tawˇ hta‸ na yuˬ tuˬ le, teh‸ Gʼuiˬsha hta‸ kʼoˆ piˇ ve yoˬ.
13Ya‸ hkʼaˇ Gʼuiˬsha lehˬ, Moˉseˍ leh Aˍronˍ hta‸ jawˇmawˇ geh kʼai tcuh leh, Iˉsaˍreˍlaˆ chaw hui hta‸ Eˇjiˇtu‸ mvuhˇmiˬ hkʼaw shiˍ tawˆ-e piˇ tuˬ tawˇ piˇ ve yoˬ.
Moˉseˍ leh Aˍronˍ hui ve awˬ ceuˬ awˬ hkʼaˇ teˇ hpaˍ
14Yaˍkoˆ ve yaˇ paˍ uiˍ Ruˉbenˍ ve yaˇ teˇ hpaˍ lehˬ, Haˍnoˆ, Hpaˍluˆ, Heˍzaˍronˍ leh Kaˍmiˆ hui hpeh‸ ve yoˬ. Chaw chi teˇ hpaˍ lehˬ, Ruˇbenˍ ve awˬ ceuˬ awˬ hkʼaˇ teˇ hpaˍ hpeh‸ ve yoˬ. 15Suˉmonˍ ve yaˇ teˇ hpaˍ lehˬ, Yeˍmoeˍlaˆ, Yaˍmenˍ, Awˇhaˆ, Yaˍhkenˍ, Zawˇhaˍ, Hkaˍnaˍniˆ yaˇ miˇ geh paw la ve yaˇ paˍ Sawˉlu‸ hui hpeh‸ ve yoˬ. Chaw chi teˇ hpaˍ lehˬ, Suˉmonˍ ve awˬ ceuˬ awˬ hkʼaˇ teˇ hpaˍ hpeh‸ ve yoˬ. 16Leˍviˆ yaˇ teˇ hpaˍ lehˬ, Geˍshonˍ, Kawˇhaˆ, Meˍraˍriˆ hui hpeh‸ ve yoˬ. Leˍviˆ lehˬ a sha‸ 137 hkʼaw‸ hkʼa gaˬ te‸ chehˇ ve yoˬ. 17Geˍraˍsonˍ ve yaˇ teˇ hpaˍ lehˬ, Leˍbaˍniˆ leh Shiˍmiˆ hui hpeh‸ ve yoˬ. 18Kawˇhaˆ ve yaˇ teˇ hpaˍ lehˬ, Aˍmaˍranˍ, Iˉsaˍhaˍ, Heˍbronˍ, leh Awˇzeˍlaˆ hui hpeh‸ ve yoˬ. Kawˇhaˆ lehˬ a sha‸ 133 hkʼaw‸ hkʼa gaˬ te‸ chehˇ ve yoˬ. 19Meˍraˍriˆ ve yaˇ teˇ hpaˍ lehˬ, Maˍhaˍliˆ leh Muˇsiˆ hui hpeh‸ ve yoˬ. Chaw chi teˇ hpaˍ lehˬ, Leˍviˆ ve awˬ ceuˬ awˬ hkʼaˇ teˇ hpaˍ hpeh‸ ve yoˬ.
20Aˍmaˍranˍ lehˬ, yawˇ awˬ pa ve awˬ nyi ma Yawˇhkeˍbehˆ hta‸ heuˆ leh, yaˇ miˇ oˇ ve lehˬ Aˍronˍ leh Moˉseˍ hta‸ paw la piˇ ve yoˬ. Aˍmaˍranˍ lehˬ a sha‸ 137 hkʼaw‸ hkʼa gaˬ te‸ chehˇ ve yoˬ. 21Iˉsaˍhaˍ ve yaˇ teˇ hpaˍ lehˬ, Kawˇraˆ, Neˍhpehˆ, Ziˇhkaˍriˆ hui hpeh‸ ve yoˬ. 22Awˇzeˍlaˆ ve yaˇ teˇ hpaˍ lehˬ, Miˇsheˍlaˆ, Eˇlaˍsaˍhpanˍ, Siˉtaˍriˆ hui hpeh‸ ve yoˬ.
23Aˍronˍ lehˬ, Aˍmiˆnaˍdaˆ yaˇ miˇ Naˍsonˍ ve awˬ nyi ma Eˇliˆsaˍbaˆ hta‸ heuˆ ve yoˬ. Yaˇ miˇ oˇ ve lehˬ yawˇ awˬ pon Naˍdaˆ, Aˍbiˇhuˆ, Eˇlaˍsaˍ leh Iˉtaˍmaˍ hui hta‸ paw la piˇ ve yoˬ. 24Kawˇraˆ ve yaˇ teˇ hpaˍ lehˬ, Aˍsiˇraˆ, Eˇlaˆkaˍnaˆ, Aˍbyaˍsaˍ hui hpeh‸ ve yoˬ. Chaw chi teˇ hpaˍ lehˬ, Kawˇraˆ ve awˬ ceuˬ awˬ hkʼaˇ teˇ hpaˍ hpeh‸ ve yoˬ. 25Aˍronˍ yaˇ paˍ Eˇlaˍsaˍ lehˬ, Puˇteˍlaˆ ve yaˇ miˇ teˇ gʼaˇ hta‸ heuˆ leh, yaˇ miˇ oˇ ve lehˬ yawˇ awˬ pon Hpiˇnaˍhaˆ hta‸ paw la piˇ ve yoˬ. Chaw chi teˇ hpaˍ lehˬ Leˍviˆ awˬ ceuˬ awˬ hkʼaˇ teˇ hpaˍ awˬ hkʼaw lo awˬ hoˉ te ve chaw teˇ hpaˍ hpeh‸ ve yoˬ.
26Iˉsaˍreˍlaˆ chaw hui hta‸ Eˇjiˇtu‸ mvuhˇmiˬ hkʼaw shiˍ tawˆ la piˇ tuˬ, Gʼuiˬsha kʼoˆ piˇ chehˇ ve chaw oˇ ve nyiˇ gʼaˇ lehˬ, Aˍronˍ leh Moˉseˍ hpeh‸ ve yoˬ. 27Yawˇ huiˉ maˬ lehˬ, Iˉsaˍreˍlaˆ chaw hui hta‸ Eˇjiˇtu‸ mvuhˇmiˬ hkʼaw tawˆ kʼai tcuh tuˬ, jawˇmawˇ hta‸ ca hto piˇ ve yoˬ.
Gʼuiˬsha Moˉseˍ leh Aˍronˍ hta‸ tawˇ yaw piˇ ve
28Teˇ nyi htaˇ, Gʼuiˬsha lehˬ Eˇjiˇtu‸ mvuhˇmiˬ hkʼaw Moˉseˍ hta‸ tawˇ yaw piˇ leh kʼoˆ ve, 29Ngaˬ lehˬ Gʼuiˬsha hpeh‸ ve yoˬ. Eˇjiˇtu‸ jawˇmawˇ geh kʼai leh ngaˬ nawˬ hta‸ kʼoˆ piˇ taˍ ve tawˇ hkʼa peu-eˬ yawˇ hta‸ ca hto piˇ-oˆ, teh‸ yawˇ hta‸ kʼoˆ piˇ ve yoˬ.
30Oˇ htaˇ Moˉseˍ kʼoˆ ve, Ngaˬ lehˬ tawˇ yaw maˇ puiˉ ve chaw hpeh‸ ve yoˬ. Ngaˬ ve tawˇ hta‸ jawˇmawˇ hkʼaˬ hkʼe te na yuˬ laˇ tuˬ ve le, teh‸ kʼoˆ piˇ ve yoˬ.
اکنون انتخاب شده:
Tawˆ kʼai ve li‸ 6: LHBE
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 6
6
1Oˇ htaˇ, Gʼuiˬsha Moˉseˍ hta‸ kʼoˆ piˇ ve, Ngaˬ jawˇmawˇ hta‸ hkʼaˬ hkʼe te piˇ tuˬ ve hta‸ chi beu‸ nawˬ gʼa mawˬ tuˬ yoˬ. Ngaˬ yawˇ hta‸ hehnˇ chaweh te piˇ leh, yawˇ lehˬ ngaˬ ve chaw teˇ hpaˍ hta‸ hpehˇ peu piˇ tuˬ yoˬ. Yawˇ hta‸ chi hkʼe hehnˇ chaweh te piˇ ve pa taw, yawˇ lehˬ ngaˬ ve chaw teˇ hpaˍ hta‸ yawˇ ve mvuhˇmiˬ hkʼaw gʼa‸ kʼoˬ piˇ tuˬ yoˬ, teh‸ yawˇ hta‸ kʼoˆ piˇ ve yoˬ.
Gʼuiˬsha Moˉseˍ hta‸ kʼaw‸ kuˬ ve
2Gʼuiˬsha Moˉseˍ hta‸ teˇ pawˆ kʼaw‸ kʼoˆ piˇ ve, Ngaˬ lehˬ Gʼuiˬsha hpeh‸ ve yoˬ. 3Aˍbraˍhanˍ, Iˉcaˆ leh Yaˍkoˆ hui hta‸ ngaˬ Gʼuiˬsha hpeh‸ ve hkʼa tawˍ lehˆ hpeu‸ maˍ piˇ taˍ peuˬ. Ya‸ hkʼaˇ, ngaˬ ve awˬ meh Jawˇmawˇ Gʼuiˬsha hpeh‸ ve yawˇ hui hta‸ maˇ hto piˇ sheˬ. 4Chi beu‸ yawˇ hui hkehˉ chaw te chehˇ taˍ ve Hkaˍnanˍ mvuhˇmiˬ oˇ ve ngaˬ yawˇ hui hta‸ piˇ tuˬ ka ti‸ te taˍ peuˬ ve yoˬ. 5Eˇjiˇtu‸ chaw hui ve awˬ ceˬ te chehˇ ve Iˉsaˍreˍlaˆ chaw teˇ hpaˍ hkʼanˇ chehˇ ve awˬ hkawˇ hta‸ chi beu‸ ngaˬ gʼa kaˇ leh, ngaˬ te taˍ peuˬ ve ka ti‸ hta‸ kʼaw‸ dawˇ nawˇ ve yoˬ. 6Hkʼe te leh, Iˉsaˍreˍlaˆ chaw hui hta‸ chi hkʼe kʼoˆ piˇ-oˆ. Ngaˬ lehˬ Gʼuiˬsha hpeh‸ ve yoˬ. Eˇjiˇtu‸ mvuhˇmiˬ hkʼaw shu ceˬ te chehˇ kuiˬ lo, ngaˬ nawˬ hui hta‸ ponˬ laˇ tuˬ yoˬ. Kanˇ paˆ uiˍ ve ngaˬ ve la‸ sheh che leh yawˇ hui hta‸ hehnˇ chaweh ciˍ yanˍ piˇ peuˬ hkʼaw‸ nawˉ, ngaˬ nawˬ hui hta‸ htaiˍ hkʼaw‸ laˇ tuˬ yoˬ. 7Nawˬ hui hta‸ ngaˬ ve chaw ceuˬ hpeh‸ la piˇ leh, ngaˬ lehˬ nawˬ hui ve Gʼuiˬsha hpeh‸ tuˬ yoˬ. Eˇjiˇtu‸ mvuhˇmiˬ hkʼaw shu ceˬ te chehˇ kuiˬ lo, ngaˬ nawˬ hui hta‸ ponˬ laˇ ve teˇ yanˇ, ngaˬ lehˬ nawˬ hui ve Gʼuiˬsha hpeh‸ ve hta‸ nawˬ hui shiˍ la tuˬ yoˬ. 8Aˍbraˍhanˍ, Iˉcaˆ leh Yaˍkoˆ hui hta‸ piˇ tuˬ ngaˬ ka ti‸ te taˍ peuˬ ve mvuhˇmiˬ oˇ ve hkʼaw, ngaˬ nawˬ hui hta‸ shiˍ kʼai laˇ leh, mvuhˇmiˬ oˇ ve lehˬ nawˬ hui ve mvuhˇmiˬ hpeh‸ la tuˬ yoˬ. Ngaˬ lehˬ Gʼuiˬsha hpeh‸ ve yoˬ, teh‸ yawˇ hui hta‸ kʼoˆ piˇ-oˆ, teh‸ Moˉseˍ hta‸ kʼoˆ piˇ ve yoˬ. 9Moˉseˍ lehˬ, tawˇ oˇ ve teˇ hpaˍ Iˉsaˍreˍlaˆ chaw hui hta‸ kʼoˆ maˍ piˇ ve yoˬ. Ya‸ hkʼaˇ, yawˇ hui lehˬ yawˇ kʼoˆ ve tawˇ hta‸ maˇ na yuˬ. Awˬ lawn kʼo, yawˇ hui shu ve awˬ ceˬ hpeh‸ leh, hkeu‸ jaˇ ve kanˉ hta‸ gʼa te chehˇ ve pa taw yoˬ.
10Oˇ htaˇ Gʼuiˬsha Moˉseˍ hta‸ kʼoˆ piˇ ve, 11Eˇjiˇtu‸ jawˇmawˇ geh kʼai leh, Iˉsaˍreˍlaˆ chaw hui hta‸ mvuhˇmiˬ chi hkʼaw tawˆ kʼai tcuh tuˬ ca hto piˇ-oˆ, teh‸ yawˇ hta‸ kʼoˆ piˇ ve yoˬ.
12Oˇ htaˇ Moˉseˍ kʼoˆ ve, Ngaˬ hkʼe ve tawˇ maˇ yaw puiˉ ve chaw teˇ gʼaˇ ve tawˇ hta‸ Iˉsaˍreˍlaˆ chaw teˇ hpaˍ maˇ na yuˬ ve kʼo, hkʼaˬ hkʼe te leh jawˇmawˇ ngaˬ ve tawˇ hta‸ na yuˬ tuˬ le, teh‸ Gʼuiˬsha hta‸ kʼoˆ piˇ ve yoˬ.
13Ya‸ hkʼaˇ Gʼuiˬsha lehˬ, Moˉseˍ leh Aˍronˍ hta‸ jawˇmawˇ geh kʼai tcuh leh, Iˉsaˍreˍlaˆ chaw hui hta‸ Eˇjiˇtu‸ mvuhˇmiˬ hkʼaw shiˍ tawˆ-e piˇ tuˬ tawˇ piˇ ve yoˬ.
Moˉseˍ leh Aˍronˍ hui ve awˬ ceuˬ awˬ hkʼaˇ teˇ hpaˍ
14Yaˍkoˆ ve yaˇ paˍ uiˍ Ruˉbenˍ ve yaˇ teˇ hpaˍ lehˬ, Haˍnoˆ, Hpaˍluˆ, Heˍzaˍronˍ leh Kaˍmiˆ hui hpeh‸ ve yoˬ. Chaw chi teˇ hpaˍ lehˬ, Ruˇbenˍ ve awˬ ceuˬ awˬ hkʼaˇ teˇ hpaˍ hpeh‸ ve yoˬ. 15Suˉmonˍ ve yaˇ teˇ hpaˍ lehˬ, Yeˍmoeˍlaˆ, Yaˍmenˍ, Awˇhaˆ, Yaˍhkenˍ, Zawˇhaˍ, Hkaˍnaˍniˆ yaˇ miˇ geh paw la ve yaˇ paˍ Sawˉlu‸ hui hpeh‸ ve yoˬ. Chaw chi teˇ hpaˍ lehˬ, Suˉmonˍ ve awˬ ceuˬ awˬ hkʼaˇ teˇ hpaˍ hpeh‸ ve yoˬ. 16Leˍviˆ yaˇ teˇ hpaˍ lehˬ, Geˍshonˍ, Kawˇhaˆ, Meˍraˍriˆ hui hpeh‸ ve yoˬ. Leˍviˆ lehˬ a sha‸ 137 hkʼaw‸ hkʼa gaˬ te‸ chehˇ ve yoˬ. 17Geˍraˍsonˍ ve yaˇ teˇ hpaˍ lehˬ, Leˍbaˍniˆ leh Shiˍmiˆ hui hpeh‸ ve yoˬ. 18Kawˇhaˆ ve yaˇ teˇ hpaˍ lehˬ, Aˍmaˍranˍ, Iˉsaˍhaˍ, Heˍbronˍ, leh Awˇzeˍlaˆ hui hpeh‸ ve yoˬ. Kawˇhaˆ lehˬ a sha‸ 133 hkʼaw‸ hkʼa gaˬ te‸ chehˇ ve yoˬ. 19Meˍraˍriˆ ve yaˇ teˇ hpaˍ lehˬ, Maˍhaˍliˆ leh Muˇsiˆ hui hpeh‸ ve yoˬ. Chaw chi teˇ hpaˍ lehˬ, Leˍviˆ ve awˬ ceuˬ awˬ hkʼaˇ teˇ hpaˍ hpeh‸ ve yoˬ.
20Aˍmaˍranˍ lehˬ, yawˇ awˬ pa ve awˬ nyi ma Yawˇhkeˍbehˆ hta‸ heuˆ leh, yaˇ miˇ oˇ ve lehˬ Aˍronˍ leh Moˉseˍ hta‸ paw la piˇ ve yoˬ. Aˍmaˍranˍ lehˬ a sha‸ 137 hkʼaw‸ hkʼa gaˬ te‸ chehˇ ve yoˬ. 21Iˉsaˍhaˍ ve yaˇ teˇ hpaˍ lehˬ, Kawˇraˆ, Neˍhpehˆ, Ziˇhkaˍriˆ hui hpeh‸ ve yoˬ. 22Awˇzeˍlaˆ ve yaˇ teˇ hpaˍ lehˬ, Miˇsheˍlaˆ, Eˇlaˍsaˍhpanˍ, Siˉtaˍriˆ hui hpeh‸ ve yoˬ.
23Aˍronˍ lehˬ, Aˍmiˆnaˍdaˆ yaˇ miˇ Naˍsonˍ ve awˬ nyi ma Eˇliˆsaˍbaˆ hta‸ heuˆ ve yoˬ. Yaˇ miˇ oˇ ve lehˬ yawˇ awˬ pon Naˍdaˆ, Aˍbiˇhuˆ, Eˇlaˍsaˍ leh Iˉtaˍmaˍ hui hta‸ paw la piˇ ve yoˬ. 24Kawˇraˆ ve yaˇ teˇ hpaˍ lehˬ, Aˍsiˇraˆ, Eˇlaˆkaˍnaˆ, Aˍbyaˍsaˍ hui hpeh‸ ve yoˬ. Chaw chi teˇ hpaˍ lehˬ, Kawˇraˆ ve awˬ ceuˬ awˬ hkʼaˇ teˇ hpaˍ hpeh‸ ve yoˬ. 25Aˍronˍ yaˇ paˍ Eˇlaˍsaˍ lehˬ, Puˇteˍlaˆ ve yaˇ miˇ teˇ gʼaˇ hta‸ heuˆ leh, yaˇ miˇ oˇ ve lehˬ yawˇ awˬ pon Hpiˇnaˍhaˆ hta‸ paw la piˇ ve yoˬ. Chaw chi teˇ hpaˍ lehˬ Leˍviˆ awˬ ceuˬ awˬ hkʼaˇ teˇ hpaˍ awˬ hkʼaw lo awˬ hoˉ te ve chaw teˇ hpaˍ hpeh‸ ve yoˬ.
26Iˉsaˍreˍlaˆ chaw hui hta‸ Eˇjiˇtu‸ mvuhˇmiˬ hkʼaw shiˍ tawˆ la piˇ tuˬ, Gʼuiˬsha kʼoˆ piˇ chehˇ ve chaw oˇ ve nyiˇ gʼaˇ lehˬ, Aˍronˍ leh Moˉseˍ hpeh‸ ve yoˬ. 27Yawˇ huiˉ maˬ lehˬ, Iˉsaˍreˍlaˆ chaw hui hta‸ Eˇjiˇtu‸ mvuhˇmiˬ hkʼaw tawˆ kʼai tcuh tuˬ, jawˇmawˇ hta‸ ca hto piˇ ve yoˬ.
Gʼuiˬsha Moˉseˍ leh Aˍronˍ hta‸ tawˇ yaw piˇ ve
28Teˇ nyi htaˇ, Gʼuiˬsha lehˬ Eˇjiˇtu‸ mvuhˇmiˬ hkʼaw Moˉseˍ hta‸ tawˇ yaw piˇ leh kʼoˆ ve, 29Ngaˬ lehˬ Gʼuiˬsha hpeh‸ ve yoˬ. Eˇjiˇtu‸ jawˇmawˇ geh kʼai leh ngaˬ nawˬ hta‸ kʼoˆ piˇ taˍ ve tawˇ hkʼa peu-eˬ yawˇ hta‸ ca hto piˇ-oˆ, teh‸ yawˇ hta‸ kʼoˆ piˇ ve yoˬ.
30Oˇ htaˇ Moˉseˍ kʼoˆ ve, Ngaˬ lehˬ tawˇ yaw maˇ puiˉ ve chaw hpeh‸ ve yoˬ. Ngaˬ ve tawˇ hta‸ jawˇmawˇ hkʼaˬ hkʼe te na yuˬ laˇ tuˬ ve le, teh‸ kʼoˆ piˇ ve yoˬ.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Lahu Bible Edited © Thailand Bible Society and Bible Society of Myanmar, 2010, 2020.