Tawˆ kʼai ve li‸ 21
21
Awˬ ceˬ hta‸ hkʼaˬ hkʼe gʼa te piˇ cawˇ ve
1Iˉsaˍreˍlaˆ chaw hui hta‸ nawˬ awˬ liˇ chi teˇ hpaˍ gʼa teh taˍ piˇ ve yoˬ. 2Nawˬ Heˍbrehˇ chaw awˬ ceˬ teˇ gʼaˇ hta‸ vuiˬ yuˬ ve teˇ yanˇ, yawˇ lehˬ hkaw‸ hkʼaw‸ ceh tiˉ nawˬ ve awˬ ceˬ gʼa te ve yoˬ. Suhˍ hkʼaw‸ teˇ hkʼaw‸ gaˬ ve kʼo, yawˇ hta‸ hkʼe leˇ gʼa hpehˇ piˇ ve yoˬ. 3Yawˇ nawˬ ve awˬ ceˬ ca te la htaˇ, awˬ miˇ ma maˇ cawˬ sheˬ ve kʼo, yawˇ hta‸ hpehˇ piˇ ve teˇ yanˇ, awˬ miˇ ma hta‸ maˇ gʼa shiˍ kʼai tcuh. Ya‸ hkʼaˇ, yawˇ awˬ miˇ ma cawˬ ve kʼo, yawˇ ve awˬ miˇ ma hta‸ shiˍ kʼai hpeh‸ ve yoˬ. 4Yawˇ ve awˬ shehˍ hpaˇ lehˬ, yawˇ hta‸ awˬ miˇ ma ca ka piˇ leh, yaˇ miˇ oˇ ve yaˇ cawˬ la ve kʼo, yaˇ miˇ oˇ ve leh yaˇ teˇ hpaˍ lehˬ, yawˇ ve awˬ shehˍ hpaˇ hta‸ caˉ da‸ ve chaw hpeh‸ leh, awˬ ceˬ oˇ ve teˇ gʼaˇ tiˉ gʼa tawˆ kʼai ve yoˬ. 5Ya‸ hkʼaˇ, awˬ ceˬ oˇ ve lehˬ yawˇ ve awˬ shehˍ hpaˇ leh yawˇ ve miˇ yaˇ hta‸ ha‸ jaˇ leh maˇ tawˆ-e gaˇ ve kʼo, 6awˬ shehˍ hpaˇ lehˬ yawˇ hta‸ bon yehˬ lo gʼa shiˍ kʼai ve yoˬ. Yawˇ lehˬ, awˬ ceˬ paˍ oˇ ve hta‸ yehˬmiˉhpe‸ lo shiˍ kʼai leh, yawˇ ve naˍ paw hta‸ gʼa htaw pawnˍ piˇ ve yoˬ. Oˇ htaˇ, chaw oˇ ve yawˇ teˇ co-e yawˇ ve awˬ shehˍ hpaˇ ve awˬ ceˬ gʼa te suh-e ve yoˬ.
7Chaw teˇ gʼaˇ lehˬ, yawˇ ve yaˇ miˇ hta‸ awˬ ceˬ hkʼa shuˍ hawˇ baˬ ve kʼo, yaˇ miˇ oˇ ve hta‸ hawˉ hkʼaˆ paˍ awˬ ceˬ teˇ gʼaˇ hkʼa shuˍ ponˬ piˇ maˇ hpeh‸. 8Yawˇ hta‸ vuiˬ yuˬ ve awˬ shehˍ hpaˇ lehˬ, yaˇ miˇ oˇ ve hta‸ heuˆ gaˇ htawˇ, yaˇ miˇ oˇ ve yawˇ hta‸ maˇ heuˆ gaˇ ve kʼo, yaˇ miˇ oˇ ve yawˇ awˬ pa hta‸ gʼa kʼaw‸ hawˇ hkʼaw‸ piˇ ve yoˬ. Ya‸ hkʼaˇ, yaˇ miˇ oˇ ve hta‸ awˬ nu ve chaw ceuˬ hta‸ hawˇ piˇ tuˬ a hkaw-anˬ maˇ cawˬ. 9Chaw teˇ gʼaˇ lehˬ, yawˇ ve yaˇ paˍ hta‸ awˬ ceˬ ma teˇ gʼaˇ vuiˬ ka piˇ ve kʼo, awˬ ceˬ ma oˇ ve hta‸ yawˇ ve yaˇ miˇ hkʼe gʼa shawˍ taˍ ve yoˬ. 10Chaw teˇ gʼaˇ lehˬ, awˬ nu ve yaˇ miˇ teˇ gʼaˇ hta‸ kʼaw‸ heuˆ ve kʼo, yawˇ ve awˬ miˇ ma uiˍ hta‸ htawˇ, ponˬ laˬ htaˇ hkʼa shuˍ veu‸ tuˬ kʼaˇ tuˬ leh caˇ tuˬ dawˬ tuˬ hkʼa law‸ gʼa piˇ ve yoˬ. 11Yawˇ oˇ hkʼe maˇ te piˇ ve kʼo, yaˇ miˇ oˇ ve hta‸ te‸ chiˉ awˬ hpfuhˇ maˇ yuˬ leh gʼa tawˆ kʼai tcuh ve yoˬ.
Ya‸ da‸ jiˆ da‸ ve awˬ lawn
12Shu hta‸ tiˇ pehˍ ve chaw hkʼaˬ ve teˇ gʼaˇ hta‸ maˇ kʼoˆ, gʼa kʼaw‸ tiˇ pehˍ piˇ ve yoˬ. 13Ya‸ hkʼaˇ, shu hta‸ tiˇ pehˍ tuˬ maˇ dawˇ taˍ ve ka‸, chaw teˇ gʼaˇ gʼaˇ hta‸ gʼa tiˇ pehˍ puiˉ ve kʼo, tiˇ pehˍ shehˍ hpaˇ lehˬ ngaˬ maˍ laˇ tuˬ ve chehˇ kuiˬ lo gʼa hpaw-e ve yoˬ. 14Chaw teˇ gʼaˇ nyi ma zuhˆ leh shu hta‸ tiˇ pehˍ ve kʼo, yawˇ lehˬ ngaˬ ve tuˉ tanˇ kuiˬ awˬ paˇ lo huˉ taˍ ve htawˇ, yawˇ hta‸ gʼawˬ tawˆ-e leh gʼa tiˇ pehˍ piˇ ve yoˬ.
15Awˬ pa awˬ e hta‸ dawˆ ve chaw hkʼaˬ ve teˇ gʼaˇ hta‸ maˇ kʼoˆ, gʼa tiˇ pehˍ ve yoˬ.
16Chaw hta‸ ca hkʼawˇ nyiˉ yuˬ veu laˇ leh, yawˇ ve awˬ ceˬ te tcuh ve chaw, maˇ heˆ kʼo hawˇ caˇ ve chaw hkʼaˬ ve teˇ gʼaˇ hta‸ maˇ kʼoˆ gʼa tiˇ pehˍ piˇ ve yoˬ.
17Awˬ pa awˬ e hta‸ hkeu ve chaw hkʼaˬ ve teˇ gʼaˇ hta‸ maˇ kʼoˆ gʼa tiˇ pehˍ piˇ ve yoˬ.
18Chaw nyiˇ gʼaˇ ya‸ da‸ leh, teˇ gʼaˇ lehˬ awˬ nu teˇ gʼaˇ hta‸ chu-iˬ hpehˇ ve maˇ kʼoˆ, haˉ pui shiˍ baˬ hpehˇ ve maˇ kʼoˆ, chaw oˇ ve zuh‸ hpui hkʼoˆ gʼa zuh‸ taˍ leh, 19hkʼaw‸ nawˉ juˇ fuiˍ htawˆ leh ya‸ kʼaw juˇ gʼa la ve kʼo, yawˇ na-e la htaˇ hkʼa gaˬ naˆ tsuhˇ hpfuhˇ leh awˬ yanˇ shonˇ ve awˬ hpfuhˇ gʼa piˇ ve yoˬ.
20Chaw teˇ gʼaˇ lehˬ, yawˇ ve awˬ ceˬ hta‸ suhˆ taˬ yuˬ dawˆ leh awˬ ceˬ oˇ ve suh-e ve kʼo dawˆ shehˍ hpaˇ hta‸ gʼa ciˍ yanˍ piˇ ve yoˬ. 21Ya‸ hkʼaˇ, awˬ ceˬ oˇ ve maˇ suh-e ve kʼo, yawˇ hta‸ hpu piˇ leh vuiˬ yuˬ taˍ ve pa taw, awˬ shehˍ hpaˇ hta‸ ciˍ yanˍ piˇ maˇ hpeh‸.
22Chaw nyiˇ gʼaˇ ya‸ da‸ leh, yaˇ hu chehˇ ve yaˇ miˇ teˇ gʼaˇ hta‸ gʼa hteˆ heuˆ leh yaˇ miˇ oˇ ve yaˇ shawˆ-e ve kʼo, gʼa hteˆ heuˆ ve chaw oˇ ve lehˬ, yaˇ miˇ ma ve awˬ hpawˇ hkʼaˬ ma meuˉ kʼo chi ma gʼa keu piˇ ve yoˬ. 23Ya‸ hkʼaˇ, yawˇ suh kʼai ve kʼo, a sha‸ awˬ tan a sha‸, 24mehˆ shiˍ awˬ tan mehˆ shiˍ, ciˬ awˬ tan ciˬ, la‸ sheh awˬ tan la‸ sheh, hkui sheh awˬ tan hkui sheh, 25aˬ miˍ to‸ ve awˬ tan aˬ miˍ to‸ ve, hkʼaw kuiˬ naˬ kuiˬ awˬ tan hkʼaw kuiˬ naˬ kuiˬ, a naˍ awˬ tan a naˍ hta‸ gʼa hkanˍ tuˬ yoˬ.
26Chaw teˇ gʼaˇ yawˇ ve awˬ ceˬ hta‸ dawˆ leh yawˇ ve mehˆ shiˍ luˬ kʼai ve kʼo, yawˇ hta‸ gʼa hpehˇ piˇ ve yoˬ. 27Oˇ ve hkʼa shuˍ, chaw teˇ gʼaˇ yawˇ ve awˬ ceˬ ve ciˬ hta‸ dawˆ hkʼeh‸ piˇ ve kʼo, awˬ ceˬ oˇ ve hta‸ gʼa hpehˇ piˇ ve yoˬ.
Awˬ shehˍ hpaˇ hui te cawˇ ve awˬ hkʼaˇ
28Nuˇ paˍ teˇ hkeh chaw teˇ gʼaˇ hta‸ guˆ pehˍ ve kʼo, nuˇ oˇ ve hta‸ haˉ pui gʼa baˬ pehˍ ve yoˬ. Awˬ shaˍ hta‸ chaw teˇ gʼaˇ ka‸ maˇ gʼa caˇ. Ya‸ hkʼaˇ, awˬ shehˍ hpaˇ lehˬ, ciˍ yanˍ ve hta‸ maˇ gʼa hkanˍ. 29Ya‸ hkʼaˇ, ponˬ laˬ htaˇ ka‸ nuˇ oˇ ve haiˬ jaˇ ve hta‸ gʼa mawˬ leh, shu awˬ shehˍ hpaˇ hta‸ shaˍ ti‸ piˇ ve htawˇ, yawˇ lehˬ nuˇ oˇ ve hta‸ hkʼa deh‸ maˇ nyi maˇ ha‸ shaˉ leh chaw hta‸ guˆ pehˍ ve kʼo, nuˇ oˇ ve hta‸ haˉ pui gʼa baˬ pehˍ ve awˬ hkʼoˆ, awˬ shehˍ hpaˇ hta‸ htawˇ gʼa tiˇ pehˍ ve yoˬ. 30Ya‸ hkʼaˇ, shu yawˇ hta‸ hpu keu tcuh ve kʼo, shu hkʼaˬ ma keu tcuh ka‸ chi ma yawˇ ve a sha‸ ponˬ tuˬ gʼa keu piˇ ve yoˬ. 31Nuˇ oˇ ve yaˇ ehˉ hta‸ guˆ pehˍ ve kʼo, awˬ na lo kʼoˆ taˍ ve hkʼe gʼa ciˍ yanˍ piˇ ve yoˬ. 32Nuˇ oˇ ve awˬ ceˬ paˍ awˬ ceˬ ma hta‸ guˆ pehˍ ve kʼo, nuˇ shehˍ hpaˇ lehˬ awˬ ceˬ oˇ ve awˬ shehˍ hpaˇ hta‸ hpu 30 hteh‸ gʼa keu piˇ ve yoˬ. Nuˇ oˇ ve hta‸ htawˇ haˉ pui gʼa baˬ pehˍ ve yoˬ.
33Chaw teˇ gʼaˇ nanˬ bawˍ hta‸ hpaˆ baˬ taˍ ve maˇ kʼoˆ, nanˬ bawˍ awˬ suhˉ duˇ leh te‸ chiˉ maˇ ko taˍ leh, nuˇ teˇ hkeh nanˬ bawˍ oˇ ve hkʼaw ce lo‸-e ve kʼo, 34yawˇ lehˬ nuˇ oˇ ve awˬ hpfuhˇ gʼa shaiˍ piˇ leh, nuˇ oˇ ve hta‸ yawˇ gʼa yuˬ ve yoˬ. 35Nuˇ nyiˇ hkeh guˆ da‸ leh teˇ hkeh suh-e ve kʼo, te‸ chehˇ ve nuˇ oˇ ve hta‸ hawˇ leh nuˇ shehˍ hpaˇ nyiˇ gʼaˇ gʼaˇ hkʼa ma-ehˬ gʼa pehˬ da‸ ve yoˬ. Suh taˍ ve nuˇ oˇ ve hta‸ htawˇ, oˇ ve hkʼa shuˍ hkʼa ma-ehˬ gʼa pehˬ caˇ ve yoˬ. 36Ya‸ hkʼaˇ, nuˇ oˇ ve ponˬ laˬ htaˇ ka‸ haiˬ jaˇ ve hta‸ shiˍ ve htawˇ, awˬ shehˍ hpaˇ nuˇ oˇ ve hta‸ hkʼa deh‸ maˇ nyi maˇ ha‸ shaˉ ve kʼo, shu ve nuˇ suh-e ve awˬ tan, yawˇ ve nuˇ gʼa shaiˍ piˇ ve yoˬ. Ya‸ hkʼaˇ, suh taˍ ve nuˇ oˇ ve hta‸ yawˇ caˇ hpeh‸ ve yoˬ.
اکنون انتخاب شده:
Tawˆ kʼai ve li‸ 21: LHBE
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 21
21
Awˬ ceˬ hta‸ hkʼaˬ hkʼe gʼa te piˇ cawˇ ve
1Iˉsaˍreˍlaˆ chaw hui hta‸ nawˬ awˬ liˇ chi teˇ hpaˍ gʼa teh taˍ piˇ ve yoˬ. 2Nawˬ Heˍbrehˇ chaw awˬ ceˬ teˇ gʼaˇ hta‸ vuiˬ yuˬ ve teˇ yanˇ, yawˇ lehˬ hkaw‸ hkʼaw‸ ceh tiˉ nawˬ ve awˬ ceˬ gʼa te ve yoˬ. Suhˍ hkʼaw‸ teˇ hkʼaw‸ gaˬ ve kʼo, yawˇ hta‸ hkʼe leˇ gʼa hpehˇ piˇ ve yoˬ. 3Yawˇ nawˬ ve awˬ ceˬ ca te la htaˇ, awˬ miˇ ma maˇ cawˬ sheˬ ve kʼo, yawˇ hta‸ hpehˇ piˇ ve teˇ yanˇ, awˬ miˇ ma hta‸ maˇ gʼa shiˍ kʼai tcuh. Ya‸ hkʼaˇ, yawˇ awˬ miˇ ma cawˬ ve kʼo, yawˇ ve awˬ miˇ ma hta‸ shiˍ kʼai hpeh‸ ve yoˬ. 4Yawˇ ve awˬ shehˍ hpaˇ lehˬ, yawˇ hta‸ awˬ miˇ ma ca ka piˇ leh, yaˇ miˇ oˇ ve yaˇ cawˬ la ve kʼo, yaˇ miˇ oˇ ve leh yaˇ teˇ hpaˍ lehˬ, yawˇ ve awˬ shehˍ hpaˇ hta‸ caˉ da‸ ve chaw hpeh‸ leh, awˬ ceˬ oˇ ve teˇ gʼaˇ tiˉ gʼa tawˆ kʼai ve yoˬ. 5Ya‸ hkʼaˇ, awˬ ceˬ oˇ ve lehˬ yawˇ ve awˬ shehˍ hpaˇ leh yawˇ ve miˇ yaˇ hta‸ ha‸ jaˇ leh maˇ tawˆ-e gaˇ ve kʼo, 6awˬ shehˍ hpaˇ lehˬ yawˇ hta‸ bon yehˬ lo gʼa shiˍ kʼai ve yoˬ. Yawˇ lehˬ, awˬ ceˬ paˍ oˇ ve hta‸ yehˬmiˉhpe‸ lo shiˍ kʼai leh, yawˇ ve naˍ paw hta‸ gʼa htaw pawnˍ piˇ ve yoˬ. Oˇ htaˇ, chaw oˇ ve yawˇ teˇ co-e yawˇ ve awˬ shehˍ hpaˇ ve awˬ ceˬ gʼa te suh-e ve yoˬ.
7Chaw teˇ gʼaˇ lehˬ, yawˇ ve yaˇ miˇ hta‸ awˬ ceˬ hkʼa shuˍ hawˇ baˬ ve kʼo, yaˇ miˇ oˇ ve hta‸ hawˉ hkʼaˆ paˍ awˬ ceˬ teˇ gʼaˇ hkʼa shuˍ ponˬ piˇ maˇ hpeh‸. 8Yawˇ hta‸ vuiˬ yuˬ ve awˬ shehˍ hpaˇ lehˬ, yaˇ miˇ oˇ ve hta‸ heuˆ gaˇ htawˇ, yaˇ miˇ oˇ ve yawˇ hta‸ maˇ heuˆ gaˇ ve kʼo, yaˇ miˇ oˇ ve yawˇ awˬ pa hta‸ gʼa kʼaw‸ hawˇ hkʼaw‸ piˇ ve yoˬ. Ya‸ hkʼaˇ, yaˇ miˇ oˇ ve hta‸ awˬ nu ve chaw ceuˬ hta‸ hawˇ piˇ tuˬ a hkaw-anˬ maˇ cawˬ. 9Chaw teˇ gʼaˇ lehˬ, yawˇ ve yaˇ paˍ hta‸ awˬ ceˬ ma teˇ gʼaˇ vuiˬ ka piˇ ve kʼo, awˬ ceˬ ma oˇ ve hta‸ yawˇ ve yaˇ miˇ hkʼe gʼa shawˍ taˍ ve yoˬ. 10Chaw teˇ gʼaˇ lehˬ, awˬ nu ve yaˇ miˇ teˇ gʼaˇ hta‸ kʼaw‸ heuˆ ve kʼo, yawˇ ve awˬ miˇ ma uiˍ hta‸ htawˇ, ponˬ laˬ htaˇ hkʼa shuˍ veu‸ tuˬ kʼaˇ tuˬ leh caˇ tuˬ dawˬ tuˬ hkʼa law‸ gʼa piˇ ve yoˬ. 11Yawˇ oˇ hkʼe maˇ te piˇ ve kʼo, yaˇ miˇ oˇ ve hta‸ te‸ chiˉ awˬ hpfuhˇ maˇ yuˬ leh gʼa tawˆ kʼai tcuh ve yoˬ.
Ya‸ da‸ jiˆ da‸ ve awˬ lawn
12Shu hta‸ tiˇ pehˍ ve chaw hkʼaˬ ve teˇ gʼaˇ hta‸ maˇ kʼoˆ, gʼa kʼaw‸ tiˇ pehˍ piˇ ve yoˬ. 13Ya‸ hkʼaˇ, shu hta‸ tiˇ pehˍ tuˬ maˇ dawˇ taˍ ve ka‸, chaw teˇ gʼaˇ gʼaˇ hta‸ gʼa tiˇ pehˍ puiˉ ve kʼo, tiˇ pehˍ shehˍ hpaˇ lehˬ ngaˬ maˍ laˇ tuˬ ve chehˇ kuiˬ lo gʼa hpaw-e ve yoˬ. 14Chaw teˇ gʼaˇ nyi ma zuhˆ leh shu hta‸ tiˇ pehˍ ve kʼo, yawˇ lehˬ ngaˬ ve tuˉ tanˇ kuiˬ awˬ paˇ lo huˉ taˍ ve htawˇ, yawˇ hta‸ gʼawˬ tawˆ-e leh gʼa tiˇ pehˍ piˇ ve yoˬ.
15Awˬ pa awˬ e hta‸ dawˆ ve chaw hkʼaˬ ve teˇ gʼaˇ hta‸ maˇ kʼoˆ, gʼa tiˇ pehˍ ve yoˬ.
16Chaw hta‸ ca hkʼawˇ nyiˉ yuˬ veu laˇ leh, yawˇ ve awˬ ceˬ te tcuh ve chaw, maˇ heˆ kʼo hawˇ caˇ ve chaw hkʼaˬ ve teˇ gʼaˇ hta‸ maˇ kʼoˆ gʼa tiˇ pehˍ piˇ ve yoˬ.
17Awˬ pa awˬ e hta‸ hkeu ve chaw hkʼaˬ ve teˇ gʼaˇ hta‸ maˇ kʼoˆ gʼa tiˇ pehˍ piˇ ve yoˬ.
18Chaw nyiˇ gʼaˇ ya‸ da‸ leh, teˇ gʼaˇ lehˬ awˬ nu teˇ gʼaˇ hta‸ chu-iˬ hpehˇ ve maˇ kʼoˆ, haˉ pui shiˍ baˬ hpehˇ ve maˇ kʼoˆ, chaw oˇ ve zuh‸ hpui hkʼoˆ gʼa zuh‸ taˍ leh, 19hkʼaw‸ nawˉ juˇ fuiˍ htawˆ leh ya‸ kʼaw juˇ gʼa la ve kʼo, yawˇ na-e la htaˇ hkʼa gaˬ naˆ tsuhˇ hpfuhˇ leh awˬ yanˇ shonˇ ve awˬ hpfuhˇ gʼa piˇ ve yoˬ.
20Chaw teˇ gʼaˇ lehˬ, yawˇ ve awˬ ceˬ hta‸ suhˆ taˬ yuˬ dawˆ leh awˬ ceˬ oˇ ve suh-e ve kʼo dawˆ shehˍ hpaˇ hta‸ gʼa ciˍ yanˍ piˇ ve yoˬ. 21Ya‸ hkʼaˇ, awˬ ceˬ oˇ ve maˇ suh-e ve kʼo, yawˇ hta‸ hpu piˇ leh vuiˬ yuˬ taˍ ve pa taw, awˬ shehˍ hpaˇ hta‸ ciˍ yanˍ piˇ maˇ hpeh‸.
22Chaw nyiˇ gʼaˇ ya‸ da‸ leh, yaˇ hu chehˇ ve yaˇ miˇ teˇ gʼaˇ hta‸ gʼa hteˆ heuˆ leh yaˇ miˇ oˇ ve yaˇ shawˆ-e ve kʼo, gʼa hteˆ heuˆ ve chaw oˇ ve lehˬ, yaˇ miˇ ma ve awˬ hpawˇ hkʼaˬ ma meuˉ kʼo chi ma gʼa keu piˇ ve yoˬ. 23Ya‸ hkʼaˇ, yawˇ suh kʼai ve kʼo, a sha‸ awˬ tan a sha‸, 24mehˆ shiˍ awˬ tan mehˆ shiˍ, ciˬ awˬ tan ciˬ, la‸ sheh awˬ tan la‸ sheh, hkui sheh awˬ tan hkui sheh, 25aˬ miˍ to‸ ve awˬ tan aˬ miˍ to‸ ve, hkʼaw kuiˬ naˬ kuiˬ awˬ tan hkʼaw kuiˬ naˬ kuiˬ, a naˍ awˬ tan a naˍ hta‸ gʼa hkanˍ tuˬ yoˬ.
26Chaw teˇ gʼaˇ yawˇ ve awˬ ceˬ hta‸ dawˆ leh yawˇ ve mehˆ shiˍ luˬ kʼai ve kʼo, yawˇ hta‸ gʼa hpehˇ piˇ ve yoˬ. 27Oˇ ve hkʼa shuˍ, chaw teˇ gʼaˇ yawˇ ve awˬ ceˬ ve ciˬ hta‸ dawˆ hkʼeh‸ piˇ ve kʼo, awˬ ceˬ oˇ ve hta‸ gʼa hpehˇ piˇ ve yoˬ.
Awˬ shehˍ hpaˇ hui te cawˇ ve awˬ hkʼaˇ
28Nuˇ paˍ teˇ hkeh chaw teˇ gʼaˇ hta‸ guˆ pehˍ ve kʼo, nuˇ oˇ ve hta‸ haˉ pui gʼa baˬ pehˍ ve yoˬ. Awˬ shaˍ hta‸ chaw teˇ gʼaˇ ka‸ maˇ gʼa caˇ. Ya‸ hkʼaˇ, awˬ shehˍ hpaˇ lehˬ, ciˍ yanˍ ve hta‸ maˇ gʼa hkanˍ. 29Ya‸ hkʼaˇ, ponˬ laˬ htaˇ ka‸ nuˇ oˇ ve haiˬ jaˇ ve hta‸ gʼa mawˬ leh, shu awˬ shehˍ hpaˇ hta‸ shaˍ ti‸ piˇ ve htawˇ, yawˇ lehˬ nuˇ oˇ ve hta‸ hkʼa deh‸ maˇ nyi maˇ ha‸ shaˉ leh chaw hta‸ guˆ pehˍ ve kʼo, nuˇ oˇ ve hta‸ haˉ pui gʼa baˬ pehˍ ve awˬ hkʼoˆ, awˬ shehˍ hpaˇ hta‸ htawˇ gʼa tiˇ pehˍ ve yoˬ. 30Ya‸ hkʼaˇ, shu yawˇ hta‸ hpu keu tcuh ve kʼo, shu hkʼaˬ ma keu tcuh ka‸ chi ma yawˇ ve a sha‸ ponˬ tuˬ gʼa keu piˇ ve yoˬ. 31Nuˇ oˇ ve yaˇ ehˉ hta‸ guˆ pehˍ ve kʼo, awˬ na lo kʼoˆ taˍ ve hkʼe gʼa ciˍ yanˍ piˇ ve yoˬ. 32Nuˇ oˇ ve awˬ ceˬ paˍ awˬ ceˬ ma hta‸ guˆ pehˍ ve kʼo, nuˇ shehˍ hpaˇ lehˬ awˬ ceˬ oˇ ve awˬ shehˍ hpaˇ hta‸ hpu 30 hteh‸ gʼa keu piˇ ve yoˬ. Nuˇ oˇ ve hta‸ htawˇ haˉ pui gʼa baˬ pehˍ ve yoˬ.
33Chaw teˇ gʼaˇ nanˬ bawˍ hta‸ hpaˆ baˬ taˍ ve maˇ kʼoˆ, nanˬ bawˍ awˬ suhˉ duˇ leh te‸ chiˉ maˇ ko taˍ leh, nuˇ teˇ hkeh nanˬ bawˍ oˇ ve hkʼaw ce lo‸-e ve kʼo, 34yawˇ lehˬ nuˇ oˇ ve awˬ hpfuhˇ gʼa shaiˍ piˇ leh, nuˇ oˇ ve hta‸ yawˇ gʼa yuˬ ve yoˬ. 35Nuˇ nyiˇ hkeh guˆ da‸ leh teˇ hkeh suh-e ve kʼo, te‸ chehˇ ve nuˇ oˇ ve hta‸ hawˇ leh nuˇ shehˍ hpaˇ nyiˇ gʼaˇ gʼaˇ hkʼa ma-ehˬ gʼa pehˬ da‸ ve yoˬ. Suh taˍ ve nuˇ oˇ ve hta‸ htawˇ, oˇ ve hkʼa shuˍ hkʼa ma-ehˬ gʼa pehˬ caˇ ve yoˬ. 36Ya‸ hkʼaˇ, nuˇ oˇ ve ponˬ laˬ htaˇ ka‸ haiˬ jaˇ ve hta‸ shiˍ ve htawˇ, awˬ shehˍ hpaˇ nuˇ oˇ ve hta‸ hkʼa deh‸ maˇ nyi maˇ ha‸ shaˉ ve kʼo, shu ve nuˇ suh-e ve awˬ tan, yawˇ ve nuˇ gʼa shaiˍ piˇ ve yoˬ. Ya‸ hkʼaˇ, suh taˍ ve nuˇ oˇ ve hta‸ yawˇ caˇ hpeh‸ ve yoˬ.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Lahu Bible Edited © Thailand Bible Society and Bible Society of Myanmar, 2010, 2020.