Tawˆ kʼai ve li‸ 11
11
Yaˇ paˍ uiˍ hkʼa peu-eˬ suh-e tuˬ Moˉseˍ kʼoˆ ve
1Oˇ ve hkʼaw‸ nawˉ, Gʼuiˬsha Moˉseˍ hta‸ kʼoˆ piˇ ve, Eˇjiˇtu‸ jawˇmawˇ leh yawˇ ve chaw teˇ hpaˍ awˬ hkʼoˆ lo awˬ leh meuˇ ve ciˍ yanˍ tuˬ teˇ ceuˬ hta‸ ngaˬ kʼaw‸ gaˬ la piˇ tuˬ yoˬ. Oˇ htaˇ, yawˇ lehˬ nawˬ hui hta‸ tawˆ kʼai tcuh laˇ tuˬ yoˬ. 2Iˉsaˍreˍlaˆ chaw teˇ gʼaˇ le le, a shu yawˇ awˬ paˇ awˬ kui lo chehˇ ve chaw hui geh, hpu hkʼeun shi hkʼeun teˇ hpaˍ lawˬ yuˬ taˍ tuˬ kʼoˆ piˇ-oˆ, teh‸ Moˉseˍ hta‸ kʼoˆ piˇ ve yoˬ. 3Gʼuiˬsha lehˬ, Eˇjiˇtu‸ chaw teˇ hpaˍ Iˉsaˍreˍlaˆ chaw hui hta‸ yawˆ yan tuˬ te piˇ ve yoˬ. Jawˇmawˇ ve a ma‸ lonˉ teˇ hpaˍ leh Eˇjiˇtu‸ chaw teˇ hpaˍ lehˬ, Moˉseˍ hta‸ chaw uiˍ teˇ gʼaˇ hkʼe shawˍ taˍ ve yoˬ
4Oˇ htaˇ Moˉseˍ jawˇmawˇ geh kʼai leh, Gʼuiˬsha chi hkʼe kʼoˆ ve yoˬ. Shehˍ kʼaw hkui htaˇ ngaˬ lehˬ Eˇjiˇtu‸ mvuhˇmiˬ hkʼaw hpanˍ kʼai tuˬ yoˬ. 5Eˇjiˇtu‸ mvuhˇmiˬ hkʼaw awˉ lawˉ peuˇ paw la ve jawˇmawˇ ve yaˇ paˍ uiˍ hta‸ te leh, haˉ pui mawˍ geuˆ chehˇ ve awˬ ceˬ ma teˇ gʼaˇ ve yaˇ paˍ uiˍ hkʼa gaˬ gʼa suh-e tuˬ yoˬ. To nuˇ to shaˆ teˇ hpaˍ awˬ hkʼaw lo htawˇ, awˉ lawˉ peuˇ paw la ve ceˇ hkʼa peu-eˬ suh-e tuˬ yoˬ. 6Oˇ htaˇ, Eˇjiˇtu‸ mvuhˇmiˬ hkʼaw lo, ponˬ laˬ htaˇ teˇ pawˆ ka‸ maˇ kaˇ jaw sheˍ leh, laˬ tuˬ ve awˬ yanˇ awˬ hkʼaw lo htawˇ teˇ pawˆ ka‸ gʼa kʼaw‸ kaˇ tuˬ maˇ heˆ ve, paˆ hawˬ kehˇ hawˬ ve awˬ hkawˇ hkʼa biˇ tawˆ la tuˬ yoˬ. 7Ya‸ hkʼaˇ, Iˉsaˍreˍlaˆ chaw hta‸ maˇ kʼoˆ, yawˇ hui ve ceˇ hta‸ maˇ kʼoˆ, hpuiˇ teˇ hkeh ka‸ lawˬ tuˬ ve maˇ heˆ. Oˇ htaˇ nawˬ lehˬ, Eˇjiˇtu‸ chaw leh Iˉsaˍreˍlaˆ chaw hui hta‸ pehˬ da‸ taˍ ve hta‸ shiˍ la tuˬ yoˬ, teh‸ Gʼuiˬsha kʼoˆ ve yoˬ. 8Chi hkʼe hpeh‸ la ve teˇ yanˇ, nawˬ ve a ma‸ lonˉ teˇ hpaˍ ngaˬ mehˆ gʼuˇ suhˍ boˆ taˍ leh, Nawˬ ve chaw teˇ hpaˍ hta‸ shiˍ tawˆ-e loˬ, teh‸ ngaˬ hta‸ kʼoˆ laˇ tuˬ yoˬ. Oˇ htaˇ ngaˬ tawˆ kʼai tuˬ yoˬ, teh‸ jawˇmawˇ hta‸ kʼoˆ piˇ ve yoˬ. Oˇ ve hkʼaw‸ nawˉ, Moˉseˍ lehˬ nyi ma zuhˆ jaˇ ve hkʼaw jawˇmawˇ geh tawˆ kʼai ve yoˬ.
9Oˇ htaˇ, Gʼuiˬsha Moˉseˍ hta‸ kʼoˆ piˇ ve, Jawˇmawˇ lehˬ nawˬ ve tawˇ hta‸ na yuˬ tuˬ ve maˇ heˆ. Chi hta‸ pa taw, Eˇjiˇtu‸ mvuhˇmiˬ hkʼaw anˇ tuˬ awˬ heˆ teˇ hpaˍ hta‸ ngaˬ kʼaw‸ te maˍ piˇ shaˍ, teh‸ yawˇ hta‸ kʼoˆ piˇ ve yoˬ. 10Moˉseˍ leh Aˍronˍ lehˬ, anˇ tuˬ awˬ heˆ chi teˇ hpaˍ hta‸ jawˇmawˇ mehˆ gʼuˇ suhˍ te maˍ piˇ ve yoˬ. Ya‸ hkʼaˇ, Gʼuiˬsha lehˬ jawˇmawˇ ve nyi ma hta‸ heh la piˇ lawˬ leh, Iˉsaˍreˍlaˆ chaw hui hta‸ yawˇ ve mvuhˇmiˬ hkʼaw maˇ tawˆ kʼai tcuh.
اکنون انتخاب شده:
Tawˆ kʼai ve li‸ 11: LHBE
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Lahu Bible Edited © Thailand Bible Society and Bible Society of Myanmar, 2010, 2020.
Tawˆ kʼai ve li‸ 11
11
Yaˇ paˍ uiˍ hkʼa peu-eˬ suh-e tuˬ Moˉseˍ kʼoˆ ve
1Oˇ ve hkʼaw‸ nawˉ, Gʼuiˬsha Moˉseˍ hta‸ kʼoˆ piˇ ve, Eˇjiˇtu‸ jawˇmawˇ leh yawˇ ve chaw teˇ hpaˍ awˬ hkʼoˆ lo awˬ leh meuˇ ve ciˍ yanˍ tuˬ teˇ ceuˬ hta‸ ngaˬ kʼaw‸ gaˬ la piˇ tuˬ yoˬ. Oˇ htaˇ, yawˇ lehˬ nawˬ hui hta‸ tawˆ kʼai tcuh laˇ tuˬ yoˬ. 2Iˉsaˍreˍlaˆ chaw teˇ gʼaˇ le le, a shu yawˇ awˬ paˇ awˬ kui lo chehˇ ve chaw hui geh, hpu hkʼeun shi hkʼeun teˇ hpaˍ lawˬ yuˬ taˍ tuˬ kʼoˆ piˇ-oˆ, teh‸ Moˉseˍ hta‸ kʼoˆ piˇ ve yoˬ. 3Gʼuiˬsha lehˬ, Eˇjiˇtu‸ chaw teˇ hpaˍ Iˉsaˍreˍlaˆ chaw hui hta‸ yawˆ yan tuˬ te piˇ ve yoˬ. Jawˇmawˇ ve a ma‸ lonˉ teˇ hpaˍ leh Eˇjiˇtu‸ chaw teˇ hpaˍ lehˬ, Moˉseˍ hta‸ chaw uiˍ teˇ gʼaˇ hkʼe shawˍ taˍ ve yoˬ
4Oˇ htaˇ Moˉseˍ jawˇmawˇ geh kʼai leh, Gʼuiˬsha chi hkʼe kʼoˆ ve yoˬ. Shehˍ kʼaw hkui htaˇ ngaˬ lehˬ Eˇjiˇtu‸ mvuhˇmiˬ hkʼaw hpanˍ kʼai tuˬ yoˬ. 5Eˇjiˇtu‸ mvuhˇmiˬ hkʼaw awˉ lawˉ peuˇ paw la ve jawˇmawˇ ve yaˇ paˍ uiˍ hta‸ te leh, haˉ pui mawˍ geuˆ chehˇ ve awˬ ceˬ ma teˇ gʼaˇ ve yaˇ paˍ uiˍ hkʼa gaˬ gʼa suh-e tuˬ yoˬ. To nuˇ to shaˆ teˇ hpaˍ awˬ hkʼaw lo htawˇ, awˉ lawˉ peuˇ paw la ve ceˇ hkʼa peu-eˬ suh-e tuˬ yoˬ. 6Oˇ htaˇ, Eˇjiˇtu‸ mvuhˇmiˬ hkʼaw lo, ponˬ laˬ htaˇ teˇ pawˆ ka‸ maˇ kaˇ jaw sheˍ leh, laˬ tuˬ ve awˬ yanˇ awˬ hkʼaw lo htawˇ teˇ pawˆ ka‸ gʼa kʼaw‸ kaˇ tuˬ maˇ heˆ ve, paˆ hawˬ kehˇ hawˬ ve awˬ hkawˇ hkʼa biˇ tawˆ la tuˬ yoˬ. 7Ya‸ hkʼaˇ, Iˉsaˍreˍlaˆ chaw hta‸ maˇ kʼoˆ, yawˇ hui ve ceˇ hta‸ maˇ kʼoˆ, hpuiˇ teˇ hkeh ka‸ lawˬ tuˬ ve maˇ heˆ. Oˇ htaˇ nawˬ lehˬ, Eˇjiˇtu‸ chaw leh Iˉsaˍreˍlaˆ chaw hui hta‸ pehˬ da‸ taˍ ve hta‸ shiˍ la tuˬ yoˬ, teh‸ Gʼuiˬsha kʼoˆ ve yoˬ. 8Chi hkʼe hpeh‸ la ve teˇ yanˇ, nawˬ ve a ma‸ lonˉ teˇ hpaˍ ngaˬ mehˆ gʼuˇ suhˍ boˆ taˍ leh, Nawˬ ve chaw teˇ hpaˍ hta‸ shiˍ tawˆ-e loˬ, teh‸ ngaˬ hta‸ kʼoˆ laˇ tuˬ yoˬ. Oˇ htaˇ ngaˬ tawˆ kʼai tuˬ yoˬ, teh‸ jawˇmawˇ hta‸ kʼoˆ piˇ ve yoˬ. Oˇ ve hkʼaw‸ nawˉ, Moˉseˍ lehˬ nyi ma zuhˆ jaˇ ve hkʼaw jawˇmawˇ geh tawˆ kʼai ve yoˬ.
9Oˇ htaˇ, Gʼuiˬsha Moˉseˍ hta‸ kʼoˆ piˇ ve, Jawˇmawˇ lehˬ nawˬ ve tawˇ hta‸ na yuˬ tuˬ ve maˇ heˆ. Chi hta‸ pa taw, Eˇjiˇtu‸ mvuhˇmiˬ hkʼaw anˇ tuˬ awˬ heˆ teˇ hpaˍ hta‸ ngaˬ kʼaw‸ te maˍ piˇ shaˍ, teh‸ yawˇ hta‸ kʼoˆ piˇ ve yoˬ. 10Moˉseˍ leh Aˍronˍ lehˬ, anˇ tuˬ awˬ heˆ chi teˇ hpaˍ hta‸ jawˇmawˇ mehˆ gʼuˇ suhˍ te maˍ piˇ ve yoˬ. Ya‸ hkʼaˇ, Gʼuiˬsha lehˬ jawˇmawˇ ve nyi ma hta‸ heh la piˇ lawˬ leh, Iˉsaˍreˍlaˆ chaw hui hta‸ yawˇ ve mvuhˇmiˬ hkʼaw maˇ tawˆ kʼai tcuh.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Lahu Bible Edited © Thailand Bible Society and Bible Society of Myanmar, 2010, 2020.