LUKAS 7
7
Yeesus à wɔ̀ɔ̀zii ǹkìì-kìsay à ǹkɔ̀mɛ̀n-ɓɛ̀sujàà à muu Ròmɛŋ
(Mt. 8:5-13)
1Yɛ̀ɛ Yeesus à lègsìghà kì kalii ɓiɓan ɓi à ɓaghà lɛ a kpaa gwìy ì ɓum ɓɛ kilɔ̀ŋ, fɔɔnnɛ à kɛ̀ngà a Kapɛrinawum. 2Muu Ròmɛŋ àdɛŋ ànɛ à ɓaghà ǹkɔ̀mɛ̀n-ɓɛ̀sujàà, à ɓaghà rì ǹkìì-kìsay anɛ à keesìghà lɛɛ̀gwey; nni ǹkìì-kìsay anɛ̀n à roròɓkà, di à ti ɓiì kɔ̀ɔkɔɔ̀sì. 3Yɛ̀ɛ ǹkɔ̀mɛ̀n-ɓɛ̀sujàà ànɛn à wokà rìkem ɗi Yeesus, nni à pɛ̀sìghà ɓɛ̀sɛ̀ɛ̀mɛn ɓɛ Ɓɛ̀yudɛ̀n ɓɛdɛŋ, à rom ɓɔ a lɔŋ̀kii, lɛ ɓɛɛ kpaa nyi lɛ, à yu kì ghɛɓsii ǹkìì-kìsay wiì. 4Yɛ̀ɛ ɓumɓɛ̀n ɓɛ kpagà Yeesus a nyoo, nni ɓɛ ɓɔŋzàkà nyi, ɓɛ siìrɛ̀n rìkpaa lɛ: Tààta! Ù ghɛ̀ɛ̀sɛɛ kì kìi ǹkɔ̀mɛ̀n-ɓɛ̀sujàà ànɛ kìɓan ki à tɔɔgh wɔ̀ ki, 5ɓisuulɛ, à keesii kìlɔ̀ŋ kis, nnyɛɛ ki togà naa yìs i bɔ̀ŋzɛ̀n. 6Nni ɓɛ sugtɛ̀ngà min ɗi Yeesus, yɛ̀ɛ ɓɛ ɓaghà di ɓɛ ti jàŋbog rì mɛɛ nni ǹkɔ̀mɛ̀n-ɓɛ̀sujàà à romgày ɓɛ̀reŋkàŋ ɓii lɛ ɓɛɛ kpaa Yeesus lɛ: Tɛɛnɛ, kɔ̀ɔ teki ǹtɔɓ wìn; lɛ ǹkpaŋi ɓi rikuu ɗi mum ɗi lɛ ù ɗiŋì ɓi naa yɛ̀m. 7Fɔɔnnɛ màa ghɛɛ lɛ, ǹkpaŋi ɓi ɓi ǹɗɛli wulɛ mɛ̀ɛmiɗ n-yù wɔ̀ jàŋbog, kìɓan kifog, kali lɔŋ jɛ̀ɛ̀ ì ŋwɔm, di ǹkìì-kìsay wɛm̀ a wɔǹ. 8Lɛ mɛ̀ɛmiɗ ǹɗì rì ɓumɓɛ ɓɛ kɔmɛɛ mɛ̀; ǹki ɓa ti ri ɓɛ̀sujàà ɓɛ mɛ̀ ǹkɔ̀mɛɛ; i ǹkpaa adɛŋ lɛ kɛ̀na! à kɛ̀n; ǹki kpaati ambog lɛ a yu, à yù; ǹsoò màa kpaa ǹkìì-kìsay wɛm̀ lɛ, kìya fɛlɛ, à kì fɔlɔɔ. 9Yɛ̀ɛ Yeesus à wokà ɓìɓan ɓi ǹkɔ̀mɛ̀n-ɓɛ̀sujàà à kpaaghà ɓiǹ, à kuuràkà nyi; fɔɔnnɛ à nìmɓɛ̀ngà à fa mis rì gwìy ì ɓum à kpaa lɛ: Mìni ɓum, ǹsoò a Isirayɛl, ǹka ghɛngà ɓi mum ànɛ à rì rì coo rìgherɛ̀n yɛ̀ɛ ɗi ŋwaànɛ. 10Nni ɓumɓɛ ǹkɔ̀mɛ̀n-ɓɛ̀sujàà à romgày, ɓɛ sugtìghà a mɛɛ mii, ɓɛ tanɛ̀n lɛ, ǹkìì-kìsay anɛ à roròɓkà à mɛ wɔ̀n.
Yeesus à ghèmzii dɛlì ì ǹkpɔɓ wu giɓ wu a Nayin
11Ɓi duri tana, Yeesus à kɛ̀ngà min ɓi bàn ìdɛŋ ɗii lɛ Nayin. À ɓaghà ǹɗaŋ lɛ, rì ɓɛ̀yilàg ɓii, rì coo kituu ki ɓum. 12Yɛ̀ɛ à ɓaghà di à ti jàŋbog rì ìsuunaa wu ɓi rìɗìŋɗàg ɗi bàn ìnɛn, nni ɓɛ kɛnkɛ̀ngà kì ɓomi kìloŋ ki mum; mum àncèm à ɓaghà m̀bobog à man à ǹkpɔɓ wu giɓ wudɛŋ. Ɓumɓɛ ɓi bàn ìnɛn, lɛɛ̀gwey ɓɛ kɛɛ̀kɛ̀ɛ̀zɛ̀ngày ǹɗaŋ rì ǹkpɔɓ wiǹ. 13Yɛ̀ɛ Kan à ghɛngà giɓ anɛ̀n, à wog nyi nyìighnyìg, à kpaa nyi lɛ: Kɔ̀ɔ rènɗen. 14Fɔɔnnɛ à tyoŋdɛ̀ngà, à kòm fìkɔrɔŋ fi kilòn; ɓumɓɛ ɓɛ tɛtɛ̀kà fyɔ ɓɛ rɛlì, Yeesus à kpaa lɛ: Dɛlì ì mum, ǹkpaa wɔ̀ lɛ, pɛ̀sɛn aɗyòò! 15Nni kìloŋ ki pɛsɛ̀ngà kìkɔ̀ɔ̀kɔ̀ɔ̀, ki tumɛn ɓìtòkì, Yeesus à pɛ̀ɛ̀zì nyi rì jɛɛ. 16Ɓum ɓɛ̀cèm ɓɛ ɓɛ ɓaghà wɔɔ, ɓɛ ghɛngà kìɓan kiǹ koŋnyòò. Fɔɔnnɛ ɓɛ keèkèmzìghà Bɛ̀ll ɓɛ kpaakpàà lɛ: Coo ǹkpaŋzì-ɓìɓan a ghɛnɛɛ a lɔ̀ŋkis, rì tì lɛ Bɛ̀ll à yùu kì ghɛɓsii kilɔ̀ŋ kii. 17Fɔɔnnɛ ɓɔlɛ ànɛ̀n à sààghà lɛ rì ɓi zi ì Zyude bimiɗ, rì ɓi ɓìlɔ̀ŋ ɓidɛŋ ɓi ɓi ɓaghà wɔɔ nunùg.
Ɓumɓɛ Zyaŋ Bàɓtis à romgà yɛ̀ɛ Yeesus
(Mt. 12:2-19)
18Ɓɛ̀yilàg ɓɛ Zyaŋ ɓɛ kɛngà nyi kì kpaà gɛ ɓìɓan anɛ̀n. 19Fɔɔnnɛ Zyaŋ à reŋìghà ɓɛ̀yilàg ɓii ɓɛɓɛɛ̀, à rom ɓɔ yɛ̀ɛ Kan, lɛ ɓɛɛ tɔg nyi lɛ: Wɔ̀ yɛɛ ri nya roànɛ à ghɛ̀ɛ̀sɛɛ kì yùu gìn, ti ɓoŋ̀ɓoŋ tì roàdɛŋ? 20Yɛ̀ɛ ɓɛ kpagà yɛ̀ɛ Yeesus, ɓɛ kpaa nyi lɛ: Zyaŋ Bàɓtis yɛɛ romiì ɓìsi lɛ, tì tɔg wɔ̀ lɛ: Wɔ̀ yɛɛ ri nya roànɛ à ghɛ̀ɛ̀sɛɛ kì yùu, gìn ti ɓoŋ̀ɓoŋ tì ŋwaàdɛŋ? 21Ɓi cààmɛ̀n kɔm̀ kiǹ, Yeesus à wɔ̀ɔ̀zìghà ɓɛ̀roroɓ lɛɛ̀gwey, rì ɓɛ̀lɛnlɛm, rì ɓumɓɛ ɓɛ ɓaghà rì ɓìɓeɓtàg ɓi mɛghay, à ki kì lɛ, ɓɛ̀ɗyaŋɗyàŋ lɛɛ̀gwey ɓɛ ghɛnɛ̀n tì. 22Fɔɔnnɛ à kpaaghà ɓumɓɛ Zyaŋ à romgày ɓɛǹ a lɔ̀ŋkii lɛ: Kɛ̀ɛna kì kpaà Zyaŋ ɓìɓan ɓi ɓì ghɛɛ, rì ɓi ɓì woogh; ɓyɛɛ ri lɛ: ɓɛ̀ɗyaŋɗyàŋ ɓɛ ghɛɛghɛnɛ̀n tì, ɓɛ̀lɛnlɛm ɓɛ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ teètèètì syeesyee à nyoo, ɓɛ̀lɔlɔg ɓɛ woòwòòghrɛ̀n, ɓìloŋ ɓì gheèghèmɓɛ̀n, Syeesyee à Ɓɔlɛ à kaàkàlɛ̀n a ɓɛ̀soghàsogha. 23Nni mààgh rì ŋwaànɛ àa kɛ̀ɓtɛn ɓi fiɓàg lɛ mɛ̀.
24Yɛ̀ɛ ɓum ɓɛ fìtom ɓɛ Zyaŋ ɓɛ sugtìghà, nni Yeesus à tumɛ̀ngà ɓum rì kpaa ɗi kiɓan ki Zyaŋ, à tɔg ɓɔ lɛ: Cɛ kɛɛ̀ki ɓì kɛ̀ngà kì ghɛɛ̀ ɓi-reɓ? Kìsyòŋ ki fɛ̀ɛ̀fɛ̀ɛ̀ a nyɛ̀ɛnyɛŋzì gìn? 25Nni cɛ ɓi kɛ̀ngà kì ghɛɛ̀, ɓaà yi ɓi ŋwaànɛ à rì ǹɗɛ̀ŋɗɛn lɛ syeesyee? Kìɓan kifog ɓumɓɛ ɓɛ ri ɓɛ̀rɛ̀ŋɗɛn, lɛ syeesyee ɓɛ ki ghɛghɛɓ ɓi-kum, ɓɛ ti ɓɛ kɔràg ɓi mɛɛ mɛ mɛfòm. 26Nni cɛ ɓì kɛ̀ngà min ki ghɛɛ̀? Ǹkpaŋzì-ɓìɓan? Ɛ̀ɛ̀! Ǹkalii mìni lɛ, ŋwaànɛ ɓi ghɛngà ànɛn à cee gì ǹkpaŋzì-ɓìɓan. 27Ɓisuulɛ Zyaŋ yɛ̀ɛ rì roànɛ ɓɛ kangà ɓi kaàtà à Bɛ̀ll lɛ:
Ghɛna ǹɗomi mum wɛm̀ à fìtom wɔ asu lɛ a pegsɛn wɔ̀ bee.
28Ǹkpaa mìni lɛ, ɓi ɓum ɓɛ̀cèm ɓɛ ɓɛ yalɛ̀ngà ɓi ɗùm ɗi giɓ, ŋwaànɛ à cee Zyaŋ à yin; kìɓan kifog siitòn a mum ànɛ ɓi kìlɔ̀ŋ ki Bɛ̀ll à cee nyi. 29Ɓum ɓɛ̀cèm ɓɛ ɓɛ wowòkà ɓìtòkì ɓi Zyaŋ, ǹsoò ɓɛ̀terì-làmpoŋ̀, ɓɛ ghɛngà lɛ Bɛ̀ll à rì lɛ saaɗ; kɛɛ kìghà lɛ, ɓɛɛ kɛǹ, Zyaŋ a ɓaɓti ɓɔ. 30Kìɓan kifog, Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓi Ɓɛ̀yudɛ̀n ɓɛ ɓengà fèg ànɛ Bɛ̀ll à ɓaghà rì nyi ɓisu waa, yɛ̀ɛ ɓɛ ɓengà kì kɛ̀ɛ lɛ Zyaŋ a ɓaɓti ɓɔ. 31Nni ǹɗì lɛ ǹfèg ɓà gbàà ì ɓum ì gɛɛ̀nɛ rì cɛ? Ì pisɛɛ ɓà rìkuu ɗi ɓum aɗi? 32Ì pisɛɛ ɓɔɔɓɔɓti ɓɛ ɓɛ kɔkɔ̀rii ɓi ǹlɛm̀ɓog; ɓɛdɛŋ ɓɛ kakàlì ɓɛ̀geni ɓaa lɛ: Tì mɛ kì lɛ, tì ɓog mìni mɛ̀keŋ, kɛ̀ ɓi ɗyen, tì kɛɛ̀gh mìni kìɓààsì ki riwù, kɛ̀ ɓi ki rèn. 33Lɛ yɛ̀ɛ Zyaŋ Bàɓtis à yùghà, à ɓaghà kɛ̀ɛ ɗi bìrɛs, kɛ̀ɛ ki nɔ mɛrɔ̀g, mìni lɛ, à rì rì kìɓeɓtàg ki ǹghay. 34Man à mum à yùy, à kìkì lɛ, à ɗiɗì, à nɔnɔ̀, mìni lɛ: À rì ǹɗii com, à ki ɓa ti kinɔɔ̀ mɛ̀rɔ̀g, nyi tì rìghan ɗi ɓɛterì-làmpoŋ̀ rì ɓɛ̀kìì-kìɓe. 35Kìɓan kifog ɗyomzɛ̀n ɗi Bɛ̀ll ɗi mɛ ghɛnɛn lɛ ɗi ri lɛ saaɗ a ɓɔn ɓii.
Giɓ anɛ à ɓaghà ǹkìì-kìɓe
36Fàrìzyɛŋ adɛŋ yɛɛ reŋìghà Yeesus lɛ a kɛǹ kìɗiì a mɛɛ mii, fɔɔnnɛ Yeesus à ɗiŋìghà ɓi naa ì ŋwaànɛ̀n à kɔ̀rì ɓi ɓìɗilàg. 37Nni ǹkìì-kìɓe a giɓ ànɛ à ɓaghà ɓi bàn ìnɛn à wokày lɛ, Yeesus à rì ɓi ɓyom ɓi ɗiyɛn a mɛɛ mɛ Fàrìzyɛŋ ànɛ̀n; fɔɔnnɛ à yughày rì ɓeŋ à tìrààre ǹɗonɛn lɛ pisa, 38à rɛlì Yeesus ajɛ̀m fɛlɛ̀ a mɛ̀kòò mii, à rènɗèn lèg ànɛ lɛ misì mii mɛ ɓwaŋzìghà mɛ̀kòò mɛ Yeesus. Fɔɔnnɛ à tɔ̀sìghà mɔ rì tyòŋ tii, à lɛ̀ŋlɛ̀ŋ mɔ à ki sisiŋi mɔ tìrààre. 39Yɛ̀ɛ Fàrìzyɛŋ ànɛ à reŋìghà Yeesus à ghɛngà fɔlɔɔ, à fèg ɓi ǹɗem wii lɛ: I Yeesus àa rì ǹkpaŋzì-ɓìɓan, di à rì lɛ, a yi lɛ, giɓ anɛ a kòmkom nyi ànɛ̀n, à rì kìɓeɓtàg ki giɓ. 40Nni Yeesus à kpaaghà ŋwaànɛ̀n lɛ: Simɔn, ǹɗì rì kìɓan ki lɛ ǹkpaa wɔ̀, roànɛn à pɛ̀ɛ̀zì nyi lɛ: Nɗèsàg tòòghrɛn! 41Ŋwaàdɛŋ yɛ̀ɛ tɔtɔ̀kà ɓum ɓɛɓɛɛ̀ ɓɛ̀pon, roànɛ, ɓɛ̀hɔnɗɛ̀ɗ ɓɛtaǹ, roàmbog, dolà ǹtɛ̀ɗ. 42Nni yɛ̀ɛ ɓɛ ɓaghà ɓi ri bee i ǹlèɓɛn nyi ɓɛ̀pon ɓɛǹ, nni à cenɛ̀ngà ɓɔ mɔ̀ɔ̀ni mɛ̀n ɓɛ̀sɛ̀ɛ̀ ɓɛ̀cèm. Nni ɓi ɓumɓɛ kiɓɛ̀ɛ̀ ɓɛǹ, roàbe yɛɛ ri lɛ à keesì ɓà ŋwaànɛ̀n à cee roàmbog? 43Simɔn à ɓàg Yeesus lɛ: Mɛ̀ ǹghɛɛ lɛ, roànɛ ɓɛ cenɛ̀ngà ɓyoo mɔ̀ɔ̀ni. Yeesus à kpaa nyi lɛ: Ù kpaa saaɗ. 44Fɔɔnnɛ Yeesus à lɔɔ̀ghrɛ̀ngà yɛ̀ɛ giɓ anɛ̀n, à ki kpaa ti Simɔn lɛ: Ù ghɛɛ giɓ anɛ? Màa yùu a lɔ̀ŋkɔɔ, kɔɔ̀ fa mɛ mɛ̀nig mɛ lɛ nsoò mɛ̀kòò miì; wɔ̀lɛ nyii soo mɛ̀ mɛ̀kòò rì misì mii, à ki tɔ̀si mɔ rì tyòŋ tii. 45Yɛ̀ɛ maà kpaŋi a lɔ̀ŋkɔɔ, wàa lɔ̀ri ɓi mɛ, kìɓan kifog, giɓ anɛ à fɔli ɓi loo mɛ̀ rìlɔ̀ɛ̀ɗ ɗi mɛkòò. 46Wɔ̀ wàa siŋii ɓi mɛ mɔ̀ɔ ɓi ǹto, wɔ̀lɛ nyii siŋii mɛ̀ tìrààre ɓi mɛ̀kòò. 47Giɓ anɛ à rèsii coo geesɛ̀n lɛɛ̀gwey ɓisuulɛ, gɛ ɓìɓe wiì à tì ǹcenɛn; kìɓan kìfog ŋwaànɛ ɓɛ cenɛɛ lɛsàg, à ti a rèsàg girig geesɛ̀n lɛsàg. 48Fɔɔnnɛ Yeesus à kpaaghà min giɓ anɛ̀n lɛ: Ɓìɓe ɓyɔɔ ɓi ti ɓìcenɛn. 49Nni ɓumɓɛ ɓɛ ɗiɗìghà ǹɗaŋ ri nyi ɓɛ tumɛ̀ngà rìfèg ɓi mɛ̀rem maa lɛ: Rìkuu ɗi mum aɗi ɗyɛɛ ri lɛ, ɗi ɗyɛɛ̀ ceecenɛ̀n ɓum lɛ rì ɓìɓe miì? 50Wɔ̀lɛ Yeesus à kpaaghà giɓ anɛ̀n lɛ: Rìgherɛ̀n ɗyɔɔ ɗi ghɛɓsii wɔ̀, kɛ̀na lɛ fyòoog.
اکنون انتخاب شده:
LUKAS 7: BAFNT
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bafia Nouveau Testament © Bible Society of Cameroon, 2019.
LUKAS 7
7
Yeesus à wɔ̀ɔ̀zii ǹkìì-kìsay à ǹkɔ̀mɛ̀n-ɓɛ̀sujàà à muu Ròmɛŋ
(Mt. 8:5-13)
1Yɛ̀ɛ Yeesus à lègsìghà kì kalii ɓiɓan ɓi à ɓaghà lɛ a kpaa gwìy ì ɓum ɓɛ kilɔ̀ŋ, fɔɔnnɛ à kɛ̀ngà a Kapɛrinawum. 2Muu Ròmɛŋ àdɛŋ ànɛ à ɓaghà ǹkɔ̀mɛ̀n-ɓɛ̀sujàà, à ɓaghà rì ǹkìì-kìsay anɛ à keesìghà lɛɛ̀gwey; nni ǹkìì-kìsay anɛ̀n à roròɓkà, di à ti ɓiì kɔ̀ɔkɔɔ̀sì. 3Yɛ̀ɛ ǹkɔ̀mɛ̀n-ɓɛ̀sujàà ànɛn à wokà rìkem ɗi Yeesus, nni à pɛ̀sìghà ɓɛ̀sɛ̀ɛ̀mɛn ɓɛ Ɓɛ̀yudɛ̀n ɓɛdɛŋ, à rom ɓɔ a lɔŋ̀kii, lɛ ɓɛɛ kpaa nyi lɛ, à yu kì ghɛɓsii ǹkìì-kìsay wiì. 4Yɛ̀ɛ ɓumɓɛ̀n ɓɛ kpagà Yeesus a nyoo, nni ɓɛ ɓɔŋzàkà nyi, ɓɛ siìrɛ̀n rìkpaa lɛ: Tààta! Ù ghɛ̀ɛ̀sɛɛ kì kìi ǹkɔ̀mɛ̀n-ɓɛ̀sujàà ànɛ kìɓan ki à tɔɔgh wɔ̀ ki, 5ɓisuulɛ, à keesii kìlɔ̀ŋ kis, nnyɛɛ ki togà naa yìs i bɔ̀ŋzɛ̀n. 6Nni ɓɛ sugtɛ̀ngà min ɗi Yeesus, yɛ̀ɛ ɓɛ ɓaghà di ɓɛ ti jàŋbog rì mɛɛ nni ǹkɔ̀mɛ̀n-ɓɛ̀sujàà à romgày ɓɛ̀reŋkàŋ ɓii lɛ ɓɛɛ kpaa Yeesus lɛ: Tɛɛnɛ, kɔ̀ɔ teki ǹtɔɓ wìn; lɛ ǹkpaŋi ɓi rikuu ɗi mum ɗi lɛ ù ɗiŋì ɓi naa yɛ̀m. 7Fɔɔnnɛ màa ghɛɛ lɛ, ǹkpaŋi ɓi ɓi ǹɗɛli wulɛ mɛ̀ɛmiɗ n-yù wɔ̀ jàŋbog, kìɓan kifog, kali lɔŋ jɛ̀ɛ̀ ì ŋwɔm, di ǹkìì-kìsay wɛm̀ a wɔǹ. 8Lɛ mɛ̀ɛmiɗ ǹɗì rì ɓumɓɛ ɓɛ kɔmɛɛ mɛ̀; ǹki ɓa ti ri ɓɛ̀sujàà ɓɛ mɛ̀ ǹkɔ̀mɛɛ; i ǹkpaa adɛŋ lɛ kɛ̀na! à kɛ̀n; ǹki kpaati ambog lɛ a yu, à yù; ǹsoò màa kpaa ǹkìì-kìsay wɛm̀ lɛ, kìya fɛlɛ, à kì fɔlɔɔ. 9Yɛ̀ɛ Yeesus à wokà ɓìɓan ɓi ǹkɔ̀mɛ̀n-ɓɛ̀sujàà à kpaaghà ɓiǹ, à kuuràkà nyi; fɔɔnnɛ à nìmɓɛ̀ngà à fa mis rì gwìy ì ɓum à kpaa lɛ: Mìni ɓum, ǹsoò a Isirayɛl, ǹka ghɛngà ɓi mum ànɛ à rì rì coo rìgherɛ̀n yɛ̀ɛ ɗi ŋwaànɛ. 10Nni ɓumɓɛ ǹkɔ̀mɛ̀n-ɓɛ̀sujàà à romgày, ɓɛ sugtìghà a mɛɛ mii, ɓɛ tanɛ̀n lɛ, ǹkìì-kìsay anɛ à roròɓkà à mɛ wɔ̀n.
Yeesus à ghèmzii dɛlì ì ǹkpɔɓ wu giɓ wu a Nayin
11Ɓi duri tana, Yeesus à kɛ̀ngà min ɓi bàn ìdɛŋ ɗii lɛ Nayin. À ɓaghà ǹɗaŋ lɛ, rì ɓɛ̀yilàg ɓii, rì coo kituu ki ɓum. 12Yɛ̀ɛ à ɓaghà di à ti jàŋbog rì ìsuunaa wu ɓi rìɗìŋɗàg ɗi bàn ìnɛn, nni ɓɛ kɛnkɛ̀ngà kì ɓomi kìloŋ ki mum; mum àncèm à ɓaghà m̀bobog à man à ǹkpɔɓ wu giɓ wudɛŋ. Ɓumɓɛ ɓi bàn ìnɛn, lɛɛ̀gwey ɓɛ kɛɛ̀kɛ̀ɛ̀zɛ̀ngày ǹɗaŋ rì ǹkpɔɓ wiǹ. 13Yɛ̀ɛ Kan à ghɛngà giɓ anɛ̀n, à wog nyi nyìighnyìg, à kpaa nyi lɛ: Kɔ̀ɔ rènɗen. 14Fɔɔnnɛ à tyoŋdɛ̀ngà, à kòm fìkɔrɔŋ fi kilòn; ɓumɓɛ ɓɛ tɛtɛ̀kà fyɔ ɓɛ rɛlì, Yeesus à kpaa lɛ: Dɛlì ì mum, ǹkpaa wɔ̀ lɛ, pɛ̀sɛn aɗyòò! 15Nni kìloŋ ki pɛsɛ̀ngà kìkɔ̀ɔ̀kɔ̀ɔ̀, ki tumɛn ɓìtòkì, Yeesus à pɛ̀ɛ̀zì nyi rì jɛɛ. 16Ɓum ɓɛ̀cèm ɓɛ ɓɛ ɓaghà wɔɔ, ɓɛ ghɛngà kìɓan kiǹ koŋnyòò. Fɔɔnnɛ ɓɛ keèkèmzìghà Bɛ̀ll ɓɛ kpaakpàà lɛ: Coo ǹkpaŋzì-ɓìɓan a ghɛnɛɛ a lɔ̀ŋkis, rì tì lɛ Bɛ̀ll à yùu kì ghɛɓsii kilɔ̀ŋ kii. 17Fɔɔnnɛ ɓɔlɛ ànɛ̀n à sààghà lɛ rì ɓi zi ì Zyude bimiɗ, rì ɓi ɓìlɔ̀ŋ ɓidɛŋ ɓi ɓi ɓaghà wɔɔ nunùg.
Ɓumɓɛ Zyaŋ Bàɓtis à romgà yɛ̀ɛ Yeesus
(Mt. 12:2-19)
18Ɓɛ̀yilàg ɓɛ Zyaŋ ɓɛ kɛngà nyi kì kpaà gɛ ɓìɓan anɛ̀n. 19Fɔɔnnɛ Zyaŋ à reŋìghà ɓɛ̀yilàg ɓii ɓɛɓɛɛ̀, à rom ɓɔ yɛ̀ɛ Kan, lɛ ɓɛɛ tɔg nyi lɛ: Wɔ̀ yɛɛ ri nya roànɛ à ghɛ̀ɛ̀sɛɛ kì yùu gìn, ti ɓoŋ̀ɓoŋ tì roàdɛŋ? 20Yɛ̀ɛ ɓɛ kpagà yɛ̀ɛ Yeesus, ɓɛ kpaa nyi lɛ: Zyaŋ Bàɓtis yɛɛ romiì ɓìsi lɛ, tì tɔg wɔ̀ lɛ: Wɔ̀ yɛɛ ri nya roànɛ à ghɛ̀ɛ̀sɛɛ kì yùu, gìn ti ɓoŋ̀ɓoŋ tì ŋwaàdɛŋ? 21Ɓi cààmɛ̀n kɔm̀ kiǹ, Yeesus à wɔ̀ɔ̀zìghà ɓɛ̀roroɓ lɛɛ̀gwey, rì ɓɛ̀lɛnlɛm, rì ɓumɓɛ ɓɛ ɓaghà rì ɓìɓeɓtàg ɓi mɛghay, à ki kì lɛ, ɓɛ̀ɗyaŋɗyàŋ lɛɛ̀gwey ɓɛ ghɛnɛ̀n tì. 22Fɔɔnnɛ à kpaaghà ɓumɓɛ Zyaŋ à romgày ɓɛǹ a lɔ̀ŋkii lɛ: Kɛ̀ɛna kì kpaà Zyaŋ ɓìɓan ɓi ɓì ghɛɛ, rì ɓi ɓì woogh; ɓyɛɛ ri lɛ: ɓɛ̀ɗyaŋɗyàŋ ɓɛ ghɛɛghɛnɛ̀n tì, ɓɛ̀lɛnlɛm ɓɛ kɛɛ̀kɛ̀ɛ̀ lɛ syeesyee, ɓɛ̀kukwiy ɓɛ teètèètì syeesyee à nyoo, ɓɛ̀lɔlɔg ɓɛ woòwòòghrɛ̀n, ɓìloŋ ɓì gheèghèmɓɛ̀n, Syeesyee à Ɓɔlɛ à kaàkàlɛ̀n a ɓɛ̀soghàsogha. 23Nni mààgh rì ŋwaànɛ àa kɛ̀ɓtɛn ɓi fiɓàg lɛ mɛ̀.
24Yɛ̀ɛ ɓum ɓɛ fìtom ɓɛ Zyaŋ ɓɛ sugtìghà, nni Yeesus à tumɛ̀ngà ɓum rì kpaa ɗi kiɓan ki Zyaŋ, à tɔg ɓɔ lɛ: Cɛ kɛɛ̀ki ɓì kɛ̀ngà kì ghɛɛ̀ ɓi-reɓ? Kìsyòŋ ki fɛ̀ɛ̀fɛ̀ɛ̀ a nyɛ̀ɛnyɛŋzì gìn? 25Nni cɛ ɓi kɛ̀ngà kì ghɛɛ̀, ɓaà yi ɓi ŋwaànɛ à rì ǹɗɛ̀ŋɗɛn lɛ syeesyee? Kìɓan kifog ɓumɓɛ ɓɛ ri ɓɛ̀rɛ̀ŋɗɛn, lɛ syeesyee ɓɛ ki ghɛghɛɓ ɓi-kum, ɓɛ ti ɓɛ kɔràg ɓi mɛɛ mɛ mɛfòm. 26Nni cɛ ɓì kɛ̀ngà min ki ghɛɛ̀? Ǹkpaŋzì-ɓìɓan? Ɛ̀ɛ̀! Ǹkalii mìni lɛ, ŋwaànɛ ɓi ghɛngà ànɛn à cee gì ǹkpaŋzì-ɓìɓan. 27Ɓisuulɛ Zyaŋ yɛ̀ɛ rì roànɛ ɓɛ kangà ɓi kaàtà à Bɛ̀ll lɛ:
Ghɛna ǹɗomi mum wɛm̀ à fìtom wɔ asu lɛ a pegsɛn wɔ̀ bee.
28Ǹkpaa mìni lɛ, ɓi ɓum ɓɛ̀cèm ɓɛ ɓɛ yalɛ̀ngà ɓi ɗùm ɗi giɓ, ŋwaànɛ à cee Zyaŋ à yin; kìɓan kifog siitòn a mum ànɛ ɓi kìlɔ̀ŋ ki Bɛ̀ll à cee nyi. 29Ɓum ɓɛ̀cèm ɓɛ ɓɛ wowòkà ɓìtòkì ɓi Zyaŋ, ǹsoò ɓɛ̀terì-làmpoŋ̀, ɓɛ ghɛngà lɛ Bɛ̀ll à rì lɛ saaɗ; kɛɛ kìghà lɛ, ɓɛɛ kɛǹ, Zyaŋ a ɓaɓti ɓɔ. 30Kìɓan kifog, Ɓɛ̀fàrìzyɛŋ rì ɓɛ̀rèsàg-ɓìdɔ̀gsɛna ɓi Ɓɛ̀yudɛ̀n ɓɛ ɓengà fèg ànɛ Bɛ̀ll à ɓaghà rì nyi ɓisu waa, yɛ̀ɛ ɓɛ ɓengà kì kɛ̀ɛ lɛ Zyaŋ a ɓaɓti ɓɔ. 31Nni ǹɗì lɛ ǹfèg ɓà gbàà ì ɓum ì gɛɛ̀nɛ rì cɛ? Ì pisɛɛ ɓà rìkuu ɗi ɓum aɗi? 32Ì pisɛɛ ɓɔɔɓɔɓti ɓɛ ɓɛ kɔkɔ̀rii ɓi ǹlɛm̀ɓog; ɓɛdɛŋ ɓɛ kakàlì ɓɛ̀geni ɓaa lɛ: Tì mɛ kì lɛ, tì ɓog mìni mɛ̀keŋ, kɛ̀ ɓi ɗyen, tì kɛɛ̀gh mìni kìɓààsì ki riwù, kɛ̀ ɓi ki rèn. 33Lɛ yɛ̀ɛ Zyaŋ Bàɓtis à yùghà, à ɓaghà kɛ̀ɛ ɗi bìrɛs, kɛ̀ɛ ki nɔ mɛrɔ̀g, mìni lɛ, à rì rì kìɓeɓtàg ki ǹghay. 34Man à mum à yùy, à kìkì lɛ, à ɗiɗì, à nɔnɔ̀, mìni lɛ: À rì ǹɗii com, à ki ɓa ti kinɔɔ̀ mɛ̀rɔ̀g, nyi tì rìghan ɗi ɓɛterì-làmpoŋ̀ rì ɓɛ̀kìì-kìɓe. 35Kìɓan kifog ɗyomzɛ̀n ɗi Bɛ̀ll ɗi mɛ ghɛnɛn lɛ ɗi ri lɛ saaɗ a ɓɔn ɓii.
Giɓ anɛ à ɓaghà ǹkìì-kìɓe
36Fàrìzyɛŋ adɛŋ yɛɛ reŋìghà Yeesus lɛ a kɛǹ kìɗiì a mɛɛ mii, fɔɔnnɛ Yeesus à ɗiŋìghà ɓi naa ì ŋwaànɛ̀n à kɔ̀rì ɓi ɓìɗilàg. 37Nni ǹkìì-kìɓe a giɓ ànɛ à ɓaghà ɓi bàn ìnɛn à wokày lɛ, Yeesus à rì ɓi ɓyom ɓi ɗiyɛn a mɛɛ mɛ Fàrìzyɛŋ ànɛ̀n; fɔɔnnɛ à yughày rì ɓeŋ à tìrààre ǹɗonɛn lɛ pisa, 38à rɛlì Yeesus ajɛ̀m fɛlɛ̀ a mɛ̀kòò mii, à rènɗèn lèg ànɛ lɛ misì mii mɛ ɓwaŋzìghà mɛ̀kòò mɛ Yeesus. Fɔɔnnɛ à tɔ̀sìghà mɔ rì tyòŋ tii, à lɛ̀ŋlɛ̀ŋ mɔ à ki sisiŋi mɔ tìrààre. 39Yɛ̀ɛ Fàrìzyɛŋ ànɛ à reŋìghà Yeesus à ghɛngà fɔlɔɔ, à fèg ɓi ǹɗem wii lɛ: I Yeesus àa rì ǹkpaŋzì-ɓìɓan, di à rì lɛ, a yi lɛ, giɓ anɛ a kòmkom nyi ànɛ̀n, à rì kìɓeɓtàg ki giɓ. 40Nni Yeesus à kpaaghà ŋwaànɛ̀n lɛ: Simɔn, ǹɗì rì kìɓan ki lɛ ǹkpaa wɔ̀, roànɛn à pɛ̀ɛ̀zì nyi lɛ: Nɗèsàg tòòghrɛn! 41Ŋwaàdɛŋ yɛ̀ɛ tɔtɔ̀kà ɓum ɓɛɓɛɛ̀ ɓɛ̀pon, roànɛ, ɓɛ̀hɔnɗɛ̀ɗ ɓɛtaǹ, roàmbog, dolà ǹtɛ̀ɗ. 42Nni yɛ̀ɛ ɓɛ ɓaghà ɓi ri bee i ǹlèɓɛn nyi ɓɛ̀pon ɓɛǹ, nni à cenɛ̀ngà ɓɔ mɔ̀ɔ̀ni mɛ̀n ɓɛ̀sɛ̀ɛ̀ ɓɛ̀cèm. Nni ɓi ɓumɓɛ kiɓɛ̀ɛ̀ ɓɛǹ, roàbe yɛɛ ri lɛ à keesì ɓà ŋwaànɛ̀n à cee roàmbog? 43Simɔn à ɓàg Yeesus lɛ: Mɛ̀ ǹghɛɛ lɛ, roànɛ ɓɛ cenɛ̀ngà ɓyoo mɔ̀ɔ̀ni. Yeesus à kpaa nyi lɛ: Ù kpaa saaɗ. 44Fɔɔnnɛ Yeesus à lɔɔ̀ghrɛ̀ngà yɛ̀ɛ giɓ anɛ̀n, à ki kpaa ti Simɔn lɛ: Ù ghɛɛ giɓ anɛ? Màa yùu a lɔ̀ŋkɔɔ, kɔɔ̀ fa mɛ mɛ̀nig mɛ lɛ nsoò mɛ̀kòò miì; wɔ̀lɛ nyii soo mɛ̀ mɛ̀kòò rì misì mii, à ki tɔ̀si mɔ rì tyòŋ tii. 45Yɛ̀ɛ maà kpaŋi a lɔ̀ŋkɔɔ, wàa lɔ̀ri ɓi mɛ, kìɓan kifog, giɓ anɛ à fɔli ɓi loo mɛ̀ rìlɔ̀ɛ̀ɗ ɗi mɛkòò. 46Wɔ̀ wàa siŋii ɓi mɛ mɔ̀ɔ ɓi ǹto, wɔ̀lɛ nyii siŋii mɛ̀ tìrààre ɓi mɛ̀kòò. 47Giɓ anɛ à rèsii coo geesɛ̀n lɛɛ̀gwey ɓisuulɛ, gɛ ɓìɓe wiì à tì ǹcenɛn; kìɓan kìfog ŋwaànɛ ɓɛ cenɛɛ lɛsàg, à ti a rèsàg girig geesɛ̀n lɛsàg. 48Fɔɔnnɛ Yeesus à kpaaghà min giɓ anɛ̀n lɛ: Ɓìɓe ɓyɔɔ ɓi ti ɓìcenɛn. 49Nni ɓumɓɛ ɓɛ ɗiɗìghà ǹɗaŋ ri nyi ɓɛ tumɛ̀ngà rìfèg ɓi mɛ̀rem maa lɛ: Rìkuu ɗi mum aɗi ɗyɛɛ ri lɛ, ɗi ɗyɛɛ̀ ceecenɛ̀n ɓum lɛ rì ɓìɓe miì? 50Wɔ̀lɛ Yeesus à kpaaghà giɓ anɛ̀n lɛ: Rìgherɛ̀n ɗyɔɔ ɗi ghɛɓsii wɔ̀, kɛ̀na lɛ fyòoog.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Bafia Nouveau Testament © Bible Society of Cameroon, 2019.