Salmos 39
39
Salmo 39
Sukan‑ni kúu o ja vee o ñuu ñayivi ya
1Ni jani ini sa: Katanuu o kondikin o ichi Su'si o a,
sukan‑va'a ma ka'an o ni‑in ja u'vi ma.
Te kasiyu'u vava'a o,
sukan‑va'a nú iyo in ñayii ñatuu sa'a sukan játna ini Su'si ma
nuu iyo o a,
te ñatuu nawa kondekuechi yu'u o a.
2Ni jasiyu'u vava'a sa,
te ñatuu ni ka'an sa ni a in tnu'u kini xi tnu'u va'a,
te chukan kúu ja su'va ndó'o néni‑ka sa nkuu.
3Te ûni ndó'o xeen ini anua sa ya,
ja ñatuu ni ka'an sa ni‑in tnu'u jani ini sa ma,
kovaa ñatuu kúndee‑ka ini sa,
te kuiti va'a‑ka ni jiña'a sa ya:
4“Iya Tátnuni, sa'a ni ja jaku'ni ini sa nawa iyo‑ka ja ndo'o neni sa,
te nde saa‑ka kivi koteku sa ñuu ñayivi a,
te sa'a ni ja jaku'ni ini sa ja másu ni‑kani ni‑jika koo sa
ñuu ñayivi ya.
5Vaa jaku‑ni kivi ni taa ni ja koteku sa ñuu ñayivi ya.
Te kuiya ni taa ni ja koo sa ñuu ñayivi ya
chi vala ñii‑ni kúu nuu maa ni a.
Te ja ndaa ndija kúu ja ndaka ñayii ma
chi nunuu‑ni kúu ja téku i ñuu ñayivi a.
6Vaa sukan kúu kuanda'vi ma‑ni, sukan‑ni kúu ñayii ma.
Te chukan kúu ja másu nde jiniñu'u
ja xtutu kua'a xeen i xu'un ja koneva'a i ma,
vaa masu nde jini i na in kendoo ji'in ja ni xtutu i ma.
7Te nú sukan, vi Su'si Iya Tátnuni,
¿na nde a kúu ja kondetu sa ñuu ñayivi ya?
Te chukan kúu ja va'a‑ka ja nuu maa ni kúkanu ini sa
chi koo va'a‑ka sa.
8Te sakanu ini ni ndaka kuechi sa ma,
te kaku sa nuu ja u'vi ma,
sukan‑va'a máko jin jakundee ña'a
ñayii ñatuu ka jaku'ni ini ma.
9’Ni jasiyu'u sa, te ñatuu ni ka'an sa,
vaa sukan ni kuni maa ni, vi Su'si.
10Te nuu nda'a maa ni iyo sa, te xndo'o xneni ña'a ni.
Kovaa xtandiyo tna ni ja xndo'o xneni ña'a ni a,
vaa jâ ni kuita kuiti sa.
11Vaa ndijin chi xndo'o xneni ni ñayii sa'a ja u'vi ma,
sukan‑va'a ndasa'a i kuenda te nukuiñi ndaa i nuu ni.
Te ndaka ja neva'a i ma te kútoo xeen i ma
chi xnaa ni sukan xnaa tikixin ma nawa ní'i ti ma.
Vaa ja ndaa ndija kúu ja ñayii ma
chi nunuu‑ni kúu ja koo i ñuu ñayivi a.
12’Iya Tátnuni, koniniso'o ñukuun ni
ja jikan‑ta'vi jikan‑ta'vi sa nuu ni a,
te máko sa'a ni ja ñatuu jini ni ja ndá'yu sa ya,
vaa saña chi ñayii iyo nunuu‑ni kúu sa ñuu ñayivi a,
sukan‑ni ni ka yo kuu ndaka tna'a sa ñayii jana'a ma.
13Te má konde'ya‑ka ni kuechi ni yo sa'a sa ma,
su'va chindee ña'a ni ja na naa,
te ndátnii sa tnu'u ndee tnu'u ndatnu,
nasa yukan, te skenaa sa maa sa, vi Su'si”,
kuu sa jiña'a sa ya.
اکنون انتخاب شده:
Salmos 39: xtm
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2013, Wycliffe Bible Translators, Inc. All rights reserved.