Salmos 15
15
Salmo 15
Ñayii sa'a ja va'a ja ndaa ma chi koo i ji'in Su'si ma
1Iya Tátnuni, ¿nde in kuu koo nuu iyo maa ni a?,
¿na in kuu koo nuu yuku ii ni a?
2Ñayii ñatuu na kuechi ma te sa'a i ja va'a ma,
tna'a ñayii onde ini anua i ma ká'an i ja ndaa ma.
3Ñayii masu nde ká'an tnu'u i ja kuu in‑ka ñayii ma,
ni a sa'a i ja u'vi ja kuu tna'a i ma,
ni a ká'an ndeva'a i ja kuu ñayii iyo yatni ji'in i ma.
4Te suni saxiko i ñayii sa'a ja u'vi ma,
kovaa ká'an vii ká'an va'a i
ja kuu ñayii kándija tnu'u ká'an Su'si ma.
Te sa'a i ja ni skuiso i ja sa'a i ma.
Visi na ndo'o na neni i, kovaa masu ndaxsama i
ja ni jani ini i ja sa'a i ma.
5Ñayii wanuu xu'un i ma, te masu kakan i sa'ya xu'un i ma,
ni a masu nde wa'a i tnu'u ja jin ska'an ña'a ñayii ma
ja sa'a ndeva'a i ñayii va'a ini ma.
Ñayii sa'a ndaka sukan chi koo va'a i,
te masu kotuu kuiti i nuu Su'si ma.
اکنون انتخاب شده:
Salmos 15: xtm
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2013, Wycliffe Bible Translators, Inc. All rights reserved.