Deuteronomio 25
25
1Umi ojoavýva toho oñondive mbojovakehára rendápe. Mbojovakehára he'íta mávapa ojavy. 2Pe ojavýva oñenupã vaerã ramo, mbojovakehára tomoñeno, toinupãuka henondépe ha te'i mboy jevýpa oñenupã vaerã, oma'ẽvo hembiapo vaikuére. 3Ñenupã tohupyty 40 pevénte.#2 Co 11.24. Upéva ohasárõ, oheja vai ha omyerakuã vaítama pe kuimba'épe.
4Pene rymba guéi ani pejuru jokua pemomba'apo ramo trígo jejykýipe.#1 Co 9.9; 1 Tit 5.18.
Rejapo vaerã nde ryvy térã nde ryke'y omano vaekue rehe
5Tyvýra ha tyke'ýra oiko ramo oñondive ha omano peteĩ ha'e kuérava ita'ýra'ỹre, hembirekore omenda vaerã pe hovaja rehe ha ndaikatúi omenda jey hovaja'ỹvare. Ha hovaja omenda vaerã hese he'iháicha tembiapoukapy tovaja rehegua.#Israelgua apytépe, oĩ ramo kuña iména manóva imemby mboyve, hovaja peteĩva omenda vaerã hese omoñemoñare haguã chupe. 6Pe ta'ýra ypykuépe, ãvagui osẽva, toñemoĩ pe ména amyrỹi réra ha ani héra.#Mt 22.24; Mc 12.19; Lc 20.28. 7Ha omendase'ỹ ramo hese hovaja, pe kuña toho upe táva ruvicha rendápe ha te'i upéicha:
—Che rovaja ndojaposéi che ndive tovaja rembiapo, ikatu haguã opyta che ména amyrỹi réra Israélpe.#Rt 4.7-8.
8Táva ruvicha kuéra tohenoika pe kuimba'épe, toñemoñe'ẽ chupe, ha ha'e he'i ramo nomenda mo'ãiha hese, 9pe kuña iména manóva oñembojávo hovajáre, mburuvicha kuéra renondépe, toipe'a chugui ipy rehegua, tondyvu hova rehe ha te'i: “Péicha tojehu kuimba'épe ome'ẽse'ỹva tyvýra térã tyke'ýra teépe ita'ýrarã. 10Umi hogagua opa Israélpe tojehero: pynandi ra'y”.
Tembiapoukapy opaichagua
11Mokõi kuimba'e oñorãirõ ramo ha pe peteĩva rembireko, oipytyvõségui iménape, oipyhy ramo ha'ỹigui pe ambuépe, 12peikytĩ ipo pe kuñáme, peiporiahurereko'ỹ rehe chupe.
13-14Peñemu ramo, ani peiporu kílo térã métro japu. 15Pe kílo ha métro ta heko pegua ikatu haguã peikove puku pe yvýpe Tupã Ñandejára ome'ẽtava peẽme. 16Tupã Ñandejára ndaija'éi pe japúre.#Lv 19.35-36; Pr 11.1; 20.10; Am 8.5; Miq 6.11.
Amalecgua pejukapaite
17Pene mandu'áke ojapo vaekue rehe Amalecgua peẽ pejúvo Egíptogui. 18Tupãme umíva ndojapói vaekue mba'eve ramo ha pende rehe ondyry vaekue pende atukupe guio pene kane'õ ha pene kangy ramo. 19Tupã Ñandejára ome'ẽ rire peẽme pe yvy ha ndaiporivéi ramo pende jerére tetã opu'ãva pende rehe, pesẽ pejukapaite Amalecgua ha toikove'ỹ mandu'a hese kuéra araka'eve. Aníke pende resarái!#Ex 17.8-14; 1 S 15.2-9.
اکنون انتخاب شده:
Deuteronomio 25: GPC2006
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Guarani DC Bible © Sociedad Bíblica Paraguaya, 1996.