TIPISALEMA 98

Risimu ra ku hlayiseka ka Xikwembu.

1Yimbelelelani Yehovha risimu lerintshwa,

Hikuva u endlile swilo leswi hlamarisaka;

Voko ra yena ra xinene lero kwetsima ri n'wi pfunile.

2Yehovha u kombisile ku hlayiseka ka yena,

U anekile ku lulama ka yena emahlweni ka matiko,

3U anakanyile tintswalo ta yena,

Ni vunene bya yena eka yindlu ya Israele;

Makumu hinkwawo ya misava ma vonile ku hlayiseka ka Xikwembu xa hina.

4N'wina hinkwenu vaaki va misava,

Tlakuselani eka Yehovha huwa ya ku tsaka.

Banani huwa ya n'wina, mi yimbelela,

5Dzunisani Yehovha hi haripa,

Hi haripa ni marito ya tinsimu,

6Hi tinanga ni timhalamhala,

Mi huwelela hi ku tsaka emahlweni ka Hosi Yehovha.

7Lwandle a ri bobome, ni hinkwaswo leswi nga eka rona,

Na yona misava, ni vaaki hinkwavo va yona;

8Milambu a yi phokotele mavoko,

Tintshava hinkwato a ti be mikulungwana hi ku tsaka,

9Emahlweni ka Yehovha!

Hikuva wa ta ku avanyisa misava;

U ta avanyisa misava hi ku lulama,

Ni matiko hi vunene bya yena.

اکنون انتخاب شده:

TIPISALEMA 98: TSO29

های‌لایت

به اشتراک گذاشتن

مقایسه

کپی

می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید

در مورد Xitsonga (Bibele) اطلاعات بیشتر کسب کنید