Roma 8
8
O le Manuia o le Tagata ‘ua Ta‘uamiotonuina i le Fa‘atuatua
1O lenei, ‘ua leai se fa‘asala i ē o ‘iā Keriso Iesu, o ē le sāvavali i la le tino, ‘ae i la le Agaga; 2auā o le tulafono a le Agaga o le ola ‘ua ia Keriso Iesu ‘ua tu‘usaunoa mai lea ‘iā te a‘u#8.2 ‘iā te a‘u: O nisi o fa‘aliliuga ‘iā te oe: O isi fo‘i ‘iā te‘i tatou. nai le tulafono a le agasala ma le oti.#Roma 3.27; 7.23-24 3Auā o le mea na lē mafaia i le tulafono, ‘ina ‘ua vaivai ia ‘ona o le tino, ‘ua faia lea e le Atua i lona ‘auina mai o lona lava Alo, ‘ua tino e pei o tagata agasala, o le taulaga fo‘i mo agasala, na ia fa‘asalaina ai le agasala i le tino;#Ioane 1.14; Fili 2.7; Galu 13.38; 15.10; Epe 2.17; 4.15 4‘ina ‘ia ‘ato‘atoa ai le amiotonu i la le tulafono ‘iā i tatou, o ē le sāvavali i la le tino, ‘ae i la le Agaga.#Kala 5.16, 25 5Auā o ē i la le tino o loto atu i latou i mea a le tino; a o ē i la le Agaga e loto atu i mea a le Agaga. 6Auā o le loto i la le tino o le oti lea; o le loto i la le Agaga o le ola lea ma le manuia; 7auā o le loto i la le tino o le ita lea i le Atua; auā e lē usiusita‘i i le tulafono a le Atua, e lē mafai fo‘i i ai.#Mata 12.34; Iako 4.4; Ioane 8.43; 12.39 8O i latou fo‘i o i lā le tino, e lē mafai ‘ona fiafia i ai le Atua.
9A o ‘outou, tou te lē i la le tino, ‘ae i la le Agaga, pe ‘āfai e nofo le Agaga o le Atua i totonu ‘iā te ‘outou. ‘Ai se tasi ‘ua lē ‘iā te ia le Agaga o Keriso, e lē fai lea mōna.#1 Kori 3.16; 12.3 10‘Ae ‘āfai ‘ua i totonu ‘iā te ‘outou Keriso, ‘ua oti ai le tino ‘ona o le agasala, a ‘ua ola le agaga ‘ona o le amiotonu.#Kala 2.20; Fili 1.21; 1 Pete 4.6 11‘Ae ‘āfai e nofo i totonu ‘iā te ‘outou le Agaga o lē na toe fa‘atū mai ‘iā Iesu nai ē ‘ua oti, e fa‘aola mai fo‘i o ‘outou tino ‘auga vale e lē na toe fa‘atū mai ‘iā Keriso nai ē ‘ua oti, e lona Agaga o lo‘o nofo i totonu ‘iā te ‘outou.#1 Kori 3.16
12O lenei, le ‘au uso e, ‘ua ‘iā te i tatou e taui atu, ‘ae lē o le tino, tatou te amio ai i la le tino;#Roma 6.7, 18 13auā ‘āfai tou te amio i la le tino, e oti ai ‘outou; ‘ae ‘āfai e fasiotia e ‘outou amioga a le tino e le Agaga, tou te ola ai. 14Auā o i latou uma ‘ua ta‘ita‘iina e le Agaga o le Atua, o atali‘i i latou o le Atua.#Kala 6.8; Efe 4.22-24 15Auā ‘ua ‘outou lē maua le agaga o le pologa, e toe fefefe ai; a ‘ua ‘outou maua le Agaga o tamafai, tou te vala‘au atu ai, “Ava, le Tamā e.”#8.15-17; Kala 4.5-7 16O lo‘o molimau mai lea lava Agaga i o tatou agaga, o fānau i tatou a le Atua. 17‘Āfai fo‘i o fānau i tatou, o suli fo‘i, o suli lava o le Atua, o suli fa‘atasi ma Keriso; pe ‘āfai tatou te tigā fa‘atasi ma ia, ‘ina ‘ia fa‘amanuiaina fo‘i i tatou fa‘atasi ma ia.#Kala 4.7; Fa‘aa 21.7
O le Mamalu e Fa‘avavau
18Auā o lo‘u manatu e lē tatau ‘ona fa‘atusaina le tigā i nei ona po ma le manuia atalī e fa‘aalia mai ‘iā te i tatou.#2 Kori 4.17; Roma 5.2 19Auā o lo‘o fa‘atalitali mea uma na faia ma le naunau i le fa‘aalia mai o atali‘i o le Atua.#Kolo 3.4 20Auā ‘ua fa‘ato‘ilaloina mea uma na faia i le i‘u vale, e lē o lona loto lea, ‘ae peita‘i ‘ona o ia na na fa‘ato‘ilaloina ai,#Kene 3.17-19 21ma le fa‘amoemoe ia tu‘usaunoa ia lava mea na faia ia lē fa‘apologaina e le i‘u vale, ‘ae o‘o i le sa‘olotoga o le fānau a le Atua e manuia ai.#2 Pete 3.13; 1 Ioane 3.2 22Auā ‘ua tatou iloa, ‘ua ōi fa‘atasi, ma ‘o‘ono fa‘atasi mea uma lava na faia, ‘ua o‘o mai lava i ona po nei. 23E lē gata fo‘i i lea, a o i tatou lava ‘ua i ai mea fa‘apolopolo a le Agaga, tatou te feoi, o i tatou lava i totonu ‘iā te i tatou, o lo‘o fa‘atalitali atu ‘ia ‘avea ma tamafai, o le fa‘aolaina lea o tatou tino.#2 Kori 5.2-4 24Auā e fa‘aolaina i tatou i le fa‘amoemoe; a o le fa‘amoemoe ‘ua va‘aia, e lē o le fa‘amoemoe lea; auā pe fa‘apefea ‘ona toe fa‘amoemoe se tasi i le mea ‘ua va‘aia?#2 Kori 5.7 25‘Ae peita‘i a tatou fa‘amoemoe i le mea ‘ua lē va‘aia, tatou te fa‘atalitali atu i ai ma le ‘onosa‘i.
26E fa‘apea fo‘i le Agaga ‘ona fesoasoani mai i lo tatou vaivai; auā tatou te lē iloa mea tatou te ole atu ai ma le tusa, ‘ae peita‘i o le Agaga, e fautua o ia mo i tatou i lē ōi e lē mafai ‘ona talatalaina. 27A o lē su‘esu‘e i loto, ‘ua silafia e ia le finagalo o le Agaga; auā o lo‘o fautua o ia mo le ‘au pa‘ia e tusa ma le finagalo o le Atua.#Sala 139.1; 1 Kori 4.5
28‘Ua tatou iloa fo‘i e galue le Atua i mea uma lava mo le lelei fa‘atasi ma i latou o ē ‘ua alolofa atu ‘iā te ia, o ē ‘ua vala‘auina i lona finagalo.#Efe 1.11; 3.11 29Auā o ē na silafia e ia anamua, na ia tofia anamua fo‘i, ia foliga i latou i lona Alo, ia foliga ‘iā te ia, ‘ina ‘ia ‘avea o ia ma ulumatua o le ‘au uso e to‘atele.#Kolo 1.18; Epe 1.6 30O ē na tofia anamua e ia, ‘ua vala‘auina fo‘i i latou e ia; o ē ‘ua vala‘auina e ia, ‘ua ta‘uamiotonuina fo‘i i latou e ia; o ē ‘ua ta‘uamiotonuina e ia, ‘ua fa‘amanuiaina fo‘i i latou e ia.
O le Alofa o le Atua ‘iā Keriso Iesu
31O lenei, se a sa tatou ‘upu i nei mea? ‘Āfai ‘ua ‘au ma i tatou le Atua, o ai sē fa‘asaga tau mai ‘iā i tatou?#Sala 118.6; Mata 1.23 32O ia lava sa na lē fa‘asaoina lona lava Alo, a ‘ua tu‘uina mai o ia ‘ona o i tatou uma lava, e lē foa‘i fua mai ‘ea e ia ‘iā te i tatou mea uma lava fa‘atasi ma ia i se a? 33O ai sē na te molia le ‘au filifilia a le Atua? O le Atua o lē ta‘uamiotonuina mai,#Isai 50.8 34o ai sē na te fa‘asalaina mai? O Keriso o ia na maliu, a ‘ua toetū mai lava o ia; o lo‘o i le itū taumatau fo‘i o le Atua, o lo‘o fautua fo‘i o ia mo i tatou.#Sala 110.1; 1 Ioane 2.1 35O ai sē na te fa‘ate‘a‘eseina mai i tatou i le alofa o Keriso? O le puapuagā ‘ea, po o le atuatuvale, po o le sauā, po o le oge, po o lē lavalavā, po o le pagātia, po o le pelu? 36Fa‘apei ‘ona tusia,#Sala 44.22
“‘Ona o oe na fasiotia ai i matou i aso uma,
‘ua fa‘atatauina i matou e pei o mamoe ā fasia.”
37A ‘ua tatou manumālō a‘ia‘i i nei mea uma lava, ‘ona o ia ‘ua alofa mai ‘iā te i tatou.#Ioane 16.33 38Auā ‘ua ‘ou mautinoa, e lē mafaia e le oti, po o le ola, po o agelu, po o ali‘i, po o ē malolosi, po o mea i nei ona po, po o mea atalī, 39po o le maualuga, po o le loloto, po o se tasi mea na faia, e lē mafaia e ia mea ‘ona fa‘ate‘a‘eseina mai i tatou i le alofa o le Atua, o lo‘o ‘iā Keriso Iesu lo tatou Ali‘i.
اکنون انتخاب شده:
Roma 8: RSCB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Revised Samoan Catholic Bible © Bible Society of the South Pacific, 2010.