Roma 11
11
O le Alofa Mutimutivale o le Atua ‘iā Isaraelu
1O lenei, ‘ou te fai atu, ‘Ua lafoa‘iina ‘ea e le Atua lona lava nu‘u? ‘Aua ne‘i fa‘apea; auā fo‘i i o le Isaraelu a‘u nei, o le fānau a Aperaamo, o le itū‘āiga o Peniamina.#Sala 94.14; 1 Samu 12.22; Iere 31.37; Fili 3.5 2E le‘i lafoa‘iina e le Atua lona nu‘u na ia silafia anamua. ‘Ua ‘outou lē iloa ‘ea le mea ‘ua fai mai ai le Tusi i le tala ‘iā Elia? ‘Ina ‘ua momoli atu e ia ‘iā Isaraelu i le Atua, ‘ua fa‘apea atu,#1 Tu 19.10, 14 3“Le Ali‘i e, ‘ua fasiotia e i latou ‘au perofeta, ma ‘ua sōloia ou fatafaitaulaga; na o a‘u lava ‘ua toe, ‘ua latou sā‘ili fo‘i e fasioti ‘iā te a‘u.” 4A ‘ua fa‘apefea ‘ea le tali mai a le Atua ‘iā te ia? “‘Ua ‘ou fa‘atoe mo‘u e to‘afitugaafe o tagata, o ē ‘ua lē to‘otuli lava ‘iā Paala.” #1 Tu 19.18 5O lenei, e fa‘apea fo‘i i nei ona po, ‘ua i ai ē ‘ua totoe e tusa ma le filifiliga o le alofa tunoa. 6‘Āfai fo‘i o le alofa tunoa, ‘ua lē o galuega; ‘ana fa‘apea, po ‘ua lē toe ta‘ualofatunoaina le alofa tunoa.#Kala 3.18
7O lenei, pe fa‘apefea ‘ea? E le‘i maua e Isaraelu le mea ‘ua ia sā‘ilia, a ‘ua maua e i latou ‘ua filifilia, a ‘ua fa‘ama‘a‘aina loto o ē ‘ua totoe. 8Pei ‘ona tusia,
“‘Ua tu‘u atu e le Atua ‘iā te i latou le loto moe gase,
o mata latou te lē va‘ai ai,
ma taliga latou te lē fa‘alogo ai,
‘ua o‘o i ona po nei.”#Isai 29.10; Teu 29.4
9‘Ua fai mai fo‘i Tavita,#Sala 69.22, 23; 35.8
“‘Ia liua lo latou laulau ma mailei,
ma matāsele ma mea e tausuai ai, ia fai fo‘i ma taui ‘iā te i latou.
10‘Ia fa‘apouliuligia o latou mata ‘ina ‘ia lē va‘ai,
ia fa‘ano‘uno‘u o latou tua e lē aunoa.”
11O lenei, ‘ou te fai atu, ‘Ua tausuai ‘ea i latou ‘ina ‘ia latou pa‘u‘ū? ‘Aua ne‘i fa‘apea; a o la latou agasala, ‘ua o‘o ai le ola i nu‘u ‘ese, e fa‘atupu ai lo latou losilosi.#Teu 32.21; Galu 13.46; Roma 10.19 12‘Ae ‘āfai ‘ua fai la latou agasala ma tamao‘āiga o le lalolagi, ‘āfai fo‘i ‘ua fai le fa‘amativaina o i latou ma tamao‘āiga o nu‘u ‘ese, o le atili ai ‘ea ‘ona fa‘apea o lo latou manuia?
O le Fa‘aolataga mo Nu‘u ‘Ese
13Auā ‘ou te fai atu ‘iā te ‘outou o nu‘u ‘ese, auā o a‘u o le ‘aposetolo o nu‘u ‘ese, ‘ou te vivi‘i i lo‘u faiva; 14pe mafai ‘iā te a‘u ‘ona fa‘atupuina le losilosi i lo‘u ‘āiga, ma ‘ou fa‘aolaina nisi o i latou.#1 Timo 4.16 15Auā ‘āfai ‘ua maua le leleiga e le lalolagi ‘ina ‘ua lafoa‘iina i latou, pe fa‘apefea lo latou ‘amiga? E lē o le ola ‘ea lea nai ē ‘ua oti?
16‘Āfai fo‘i e pa‘ia mea fa‘apolopoloina, e fa‘apea fo‘i le paluga uma; a pa‘ia le pogai, e fa‘apea fo‘i ‘ona la.#Nume 15.17-21 17‘Āfai fo‘i na gaui ‘ese nisi ‘ona la, a o oe o le olive vao, ‘ua fa‘apipi‘iina oe ia fa‘atasi ma i latou ma ‘ua tofu fa‘atasi ma i latou i le pogai ma le sua o le olive,#Efe 2.11-19 18‘aua ‘e te fa‘asiasia i ‘ona la; ‘āfai fo‘i ‘e te fa‘asiasia, ia ē manatu ‘ua lē ola le pogai ‘iā te oe, a ‘ua e ola i le pogai.
19‘Anei ‘e te fa‘apea mai, ‘Ua gaui‘eseina ‘ona la, ‘ina ‘ia fa‘apipi‘iina ai a‘u. 20Mālie; a ‘ua gaui‘eseina i latou ‘ona o le lē fa‘atuatua, a o lo‘o tumau oe ‘ona o le fa‘atuatua; ‘aua ‘e te fa‘amaualuga, a ‘ia e fefe.#Roma 12.16 21Auā ‘āfai ‘ua lē fa‘asaoina e le Atua o la na tupu mai ai, o le a lē fa‘asaoina fo‘i oe. 22Fa‘auta fo‘i i le agamalū ma le to‘asā o le Atua; o ē na pa‘u‘ū e o‘o ai le to‘asā; ‘ae o‘o ‘iā te oe le agamalū, pe ‘āfai ‘e te tumau pea i lona agamalū; a lē fa‘apea e gaui‘eseina oe.#Ioane 15.2, 4; Epe 3.14 23O i latou fo‘i pe ‘āfai e lē tumau pea i le lē fa‘atuatua, e toe fa‘apipi‘iina i latou; auā e mafaia e le Atua ‘ona toe fa‘apipi‘iina i latou.#2 Kori 3.16 24Auā ‘āfai ‘ua sala‘eseina oe nai le olive vao, na e tupu mai ai, ma ‘ua fa‘apipi‘iina oe i le olive lelei, na e lē tupu mai ai, o le a atili ai toe fa‘apipi‘iina gofie o la na tupu mai ai i lo latou lava olive.
O le Alofa o le Atua mo Tagata Uma
25Auā le ‘au uso e, ‘ou te loto ‘ina ‘ia ‘outou iloa lenei mea lilo, ‘ina ne‘i tou fa‘afiapopoto; ‘ua fa‘ama‘a‘aina loto o isi Isaraelu, se‘ia o‘o ‘ina ulufale mai le ‘ato‘atoa o nu‘u ‘ese;#Luka 21.24; Ioane 10.16; Roma 12.16 26‘ona fa‘aolaina lea o Isaraelu ‘atoa uma, pei ‘ona tusia,#Mata 23.39; Sala 14.7; Isai 59.20; 27.9
“E maliu mai le Fa‘aola mai Siona,
na te fa‘ate‘a‘eseina le amio fa‘alēmata‘u ‘iā Iakopo.”
27“O la‘u fo‘i lenei feagaiga ma i latou,#Iere 31.33-34; Isai 27.9
pe a ‘ave‘eseina e a‘u a latou agasala.”
28O fili i latou i la le tala lelei, ‘ona o ‘outou; a ‘ua alofaina i latou i la le filifiliga, ‘ona o tupuga. 29Auā e lē salamō lava le Atua i ana mea e foa‘ifuaina mai ma lana vala‘au. 30Auā fa‘apei o ‘outou fo‘i, sa ‘outou lē fa‘alogo anamua i le Atua, a o lenei, ‘ua alofaina ‘outou ‘ona ‘ua latou lē fa‘alogo. 31E fa‘apea fo‘i i latou ‘ua latou lē fa‘alogo i nei ona po, ‘ina ‘ia alofaina i latou fo‘i ‘ona o le alofaina o ‘outou. 32Auā ‘ua punitia e le Atua tagata uma lava i le lē fa‘alogo, ‘ina ‘ia alofaina e ia tagata uma lava.#Kala 3.22; 1 Timo 2.4
O le Vi‘iga i le Atua
33Auē! le loloto o le tamao‘āiga o le poto ‘atoa ma le silafaga a le Atua. E lē masu‘esu‘eina ana fa‘amasinoga. E lē mafai fo‘i ‘ona iloa ona ala.#Roma 9.23; 10.12; Isai 45.15
34“Auā o ai ‘ea se ‘ua iloa le finagalo o le Ali‘i?”
Po o ai fo‘i se ‘ua pulega fa‘atasi ma ia?#Isai 40.13; Iopu 15.8; Iere 23.18; 1 Kori 2.16
35“Po o ai sē ‘ua mua‘i avatua ni mea ‘iā te ia,
a o tauia mai ai ‘iā te ia?”
36Auā ‘ua fua mai ‘iā te ia, ma ‘ua faia e ia, e i‘u atu fo‘i ‘iā te ia mea uma; ‘ia ‘iā te ia le vi‘iga e fa‘avavau lava. Amene.
اکنون انتخاب شده:
Roma 11: RSCB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Revised Samoan Catholic Bible © Bible Society of the South Pacific, 2010.