Mataio 11
11
O le Fe‘au a Ioane ‘iā Iesu ma lana tali ‘iā te Ia
(Luka 7.18-35)
1‘Ua uma ‘ona poloa‘i e Iesu i ona so‘o e to‘asefulu ma le to‘alua, ‘ona maliu ‘ese ai lea o ia i lea mea, e a‘oa‘o atu ma tala‘i atu i o latou ‘a‘ai.
2‘Ua fa‘alogo o Ioane i le fale puipui i galuega a Keriso, ‘ona ‘a‘auina mai ai lea e ia ni ona so‘o se to‘alua, 3‘ua fa‘apea mai ‘iā te ia, “O oe ‘ea lē maliu mai, pe matou te fa‘atali i se tasi?”
4‘Ona tali atu ai lea o Iesu, ‘ua fa‘apea atu ‘iā te i lā‘ua, “‘Inā ō atu ia ‘oulua ma fa‘ailoa atu ‘iā Ioane o mea nā ‘oulua fa‘alogo i ai ma va‘ai i ai; 5‘ua pupula tauaso ma ‘ua sāvavali pipili, ‘ua fa‘amamāina lepela ma ‘ua logo tutuli, ‘ua fa‘atutūina o ē na oti ma ‘ua folafolaina fo‘i le tala lelei i ē matitiva.#Isai 35.5-6; 61.1 6E manuia fo‘i sē lē tausuai ‘ia te a‘u.”
7‘Ua la ō, ‘ona o‘o ane lea o le lauga a Iesu i le motu o tagata ‘iā Ioane, “Na ‘outou ō atu ‘ea i le vao e matamata i ni ā? O lē ū ‘ea ‘ua lūlūina e le matagi? 8Pe na ‘outou ō lava e matamata i ni ā? O le tagata ‘ea ‘ua ‘ofu i ‘ofu malūlū? Fa‘auta, o ē ‘o‘ofu i ‘ofu malūlū o i maota o tupu i latou. 9A o le a ‘ea na ‘outou ō atu e matamata i ai? O le perofeta ‘ea? E moni, ‘ou te fai atu ‘iā te ‘outou, E sili lava ia i le perofeta. 10Auā o ia lea ‘ua tusi mai i ai,
‘Fa‘auta, ‘ou te ‘auina atu la‘u sāvali i ou luma,
o lē na te teuteua lou ala i ou luma.’#Mala 3.1
11E moni, ‘ou te fai atu ‘iā te ‘outou, e le‘i tu mai i ē na fānanau i fafine sē sili ‘iā Ioane le papatiso; a o lē aupito itiiti i le mālō o le lagi, e sili lea ‘iā te ia. 12Na āfua mai i ona po o Ioane le papatiso, ‘ua o‘o i nei ona po, ‘ua taufaoa ai le mālō o le lagi, o lo‘o ‘ua ‘avea fa‘amalosi fo‘i e i latou o taufao. 13Auā ‘ua vavalo mai le ‘au perofeta uma ma le tulafono, ‘ua o‘o lava ‘iā Ioane. 14‘Āfai fo‘i tou te loto ‘ina talia, o Elia lava lea na tu‘u e sau.#Mala 4.5; Mata 17.10-13; Mare 9.11-13 15O lē ‘ua i ai taliga e fa‘alogo ai, ‘inā fa‘alogo mai ia o ia.
16“‘Ou te fa‘atusaina i ni ā lenei tupulaga? E tusa ia ma tamaiti ‘ua nonofo i malae ma vala‘au atu ‘iā latou aumea,
17‘ua fa‘apea atu, ‘‘Ua matou fa‘aili atu ‘iā te ‘outou, ‘ae tou te le‘i sa‘asa‘a mai;
‘ua matou tagi auē ‘iā te ‘outou, ‘ae tou te le‘i taufaitagitu‘i mai.’
18Auā na sau Ioane, e le‘i ‘ai e le‘i inu fo‘i ia; ‘ona latou fai ane ai lea, ‘‘Ua ‘iā te ia le temoni.’ 19‘Ua sau fo‘i le Atali‘i o le tagata, ‘ua ‘ai o ia ma inu; ‘ona latou fai ane ai lea, ‘Fa‘auta, o le tagata ‘ai tele ma le inu uaina, o le uō a tagata ao lafoga ma ē agasala.’ ‘Ae ta‘uamiotonuina le poto e ana galuega.”
O ‘A‘ai lē Fa‘atuatua
(Luka 10.13-15)
20‘Ona to‘atama‘i#11.20‘Ona to‘atama‘i ai lea o ia: O le fa‘aliliuga tuai; ‘Ona fa‘asa‘i atu lea o ia; ai lea o Iesu i ‘a‘ai na fai ai le tele o ona vāvega, auā latou te le‘i salamō. 21“‘Oi talofa ‘iā te oe Koasini! ‘oi talofa ‘iā te oe Petesaita! auā ‘ana faia i Turo ma Saitonu o vāvega na faia ‘iā te ‘outou, po ‘ua leva ‘ona latou salamō i le ‘ie talatala ma le lefulefu.#Isai 23.1-18; Eseki 26.1—28.26; Ioe 3.4-8; Amo 1.9-10; Saka 9.2-4 22O lea ‘ou te fai atu ai ‘iā te ‘outou, E feoloolo Turo ma Saitonu i le aso fa‘amasino ‘iā te ‘outou. 23O oe fo‘i Kapanaumi, ‘ua fa‘aeaina e o‘o i le lagi e lafotūina oe i lalo lava i seoli; auā, ana faia i Sotoma o vāvega na faia ‘iā te oe, po ‘ua tumau ia ‘ua o‘o i nei ona po. 24O lea fo‘i ‘ou te fai atu ai ‘iā te ‘outou, E feoloolo le nu‘u o Sotoma i le aso fa‘amasino ‘iā te oe.”#Mata 10.15; Luka 10.12
Ō mai ‘iā te a‘u Tou te Mālōlō Ai
(Luka 10.21-22)
25O lea lava itū aso ‘ua fetalai atu ai Iesu, ‘ua fa‘apea atu, “‘Ou te fa‘afetai ‘iā te oe, lo‘u Tamā e, le Ali‘i o le lagi ma le lalolagi, ‘ina ‘ua e nanā ia mea i ē popoto ma ē atamamai, a ‘ua fa‘aalia atu ia mea i tama valevale. 26O lea lava, lo‘u Tamā e, auā o lou finagalo lava lea. 27‘Ua tu‘uina mai mea uma ‘iā te a‘u e lo‘u Tamā; e leai fo‘i se tasi ‘ua iloa le Atali‘i, ‘ua nā o le Tamā; e leai fo‘i se tasi ‘ua iloa le Tamā, ‘ua nā o le Atali‘i ma sē ‘ua loto le Atali‘i e fa‘aali atu i ai.#Ioane 3.35; 10.15
28“‘Ia ‘outou ō mai ‘iā te a‘u, o ‘outou uma o ē tigāina ma mafatia i avega, o a‘u fo‘i e mālōlō ai ‘outou. 29‘Ia ‘outou amoina la‘u amo ma ‘ia ‘outou fa‘aa‘oa‘o ‘iā te a‘u, auā o a‘u lē agamalū ma le loto maulalo; ‘ona maua lea e ‘outou o le mālōlōga mo ‘outou agaga.#Iere 6.16 30Auā e ‘avegofie la‘u amo, o la‘u avega fo‘i e māmā ia.”
اکنون انتخاب شده:
Mataio 11: RSCB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
Revised Samoan Catholic Bible © Bible Society of the South Pacific, 2010.