Salmos 3
3
Tayta Diospa yanapakuyninta David mañakusqanmanta
Churin Absalonpa qayllanmanta David lluptispan takisqanmanta
1 # 2 S 15.13—17.22. Dios Taytalláy,
enemigoykunam anchallataña mirarun,
achkallañam contraypi hatarirunku.
2Achkallañam ñoqamanta kaynata ninku:
“Paytaqa Diospas manam salvanqachu”, nispanku.
3Dios Taytalláy,
qanmi ichaqa muyuriykuwaspa pakaykuwanki,
hatunchawaspam atiynikiwan kallpanchawanki.
4Qapariywanmi Tayta Diosta mañakullani,
payñataqmi sapaqchakusqan orqomanta uyariykamullawan.
5Tayta Dios yanapawasqanraykum
hawkalla siriykunipas, puñuykunipas, hatarinipas.
6Wañuchiwananpaq achkallaña tropakuna muyuruwaptinpas
manam manchakunichu.
7Dios Taytalláy ¡hatariy!
Diosnilláy ¡Salvaykullaway!
Qanmi enemigoykunata uyanpi takanki,
mana allin runakunapa kiruntam challunki.
8Dios taytalláy, qamllam salvakuqqa kanki,
Diosnilláy, llaqtaykitayá bendeciykuy.
Chuya Qellqa Revisión @ Sociedad Bíblica Peruana, 2012