Salmos 2
2
Tayta Diospa churin munaychakunanmanta
1¿Imanasqataq nacionkuna piñakuywan hatarinku?
¿Imanasqataq runakuna yanqakunata tanteanku?
2 #
Hch 4.25-26. Kay pachapi reykunam hoqarikurunku,
kamachikuqkunam Tayta Diospa contranpi hoqarikurunku,
sapaqchakusqan reypa contranpi kaynata tanteanakurunku:
3“Atiyninta tuñirachisun,
munaychakuyninmanta librakusun”, nispanku.
4Hanaq pachapi kawsakuqmi paykunamanta asikunqa,
Tayta Diosmi paykunamanta burlakunqa.
5Hinaspam piñakuyninwan paykunata qaqchanqa,
rabiakuyninwanmi paykunata ninqa:
6“Ñoqaqa akllakusqay reytam
chuya Sión moqopi churani”, nispa.
7 #
Hch 13.33; Heb 1.5; 5.5. Tayta Diospa yachachikuyninkunatam willakusaq,
paymi niwarqa:
“Churiymi qamqa kanki, kunanmi ñoqa churyarqayki;
8mañakuwaptikiqa nacionkunatam herenciaykipaq qosqayki,
tukuy kay pacham qampaqña kanqa.
9 #
Ap 2.26-27; 12.5; 19.15. Fierromanta tawnawan hinam paykunata pakinki,
allpa mankata hinam paykunata ñutunki”, nispa.
10Kay pachapi llapallan reykuna,
uyarikuqyá kaychik.
Kay pachapi kamachikuqkuna,
qaqchasusqaykichiktayá uyariychik.
11Uchuychakuspayá Tayta Diosta serviychik,
kusikuywanyá payta yupaychaychik.
12Diospa churintayá ama piñakunanpaq yupaychaychik,
yanqañataq ñan risqaykichikpi wañuruwaqchik,
payqa chaylla piñakuruqmi.
¡Mayna kusisqam paypi hapipakuq runakunaqa!
Chuya Qellqa Revisión @ Sociedad Bíblica Peruana, 2012