Job 3
3
Nacekusqan punchawta Job ñakasqanmanta
1 #
Jer 20.14-18. Jobmi rimarispan nacesqan punchawta ñakaspan 2kaynata nirqa:
3¡Ñakasqayá kachun
nacesqay punchawqa!
¡Ñakasqayá kachun
qari wawam nacerun nisqanku tutaqa!
4¡Ima allincha kanman karqa
chay punchaw tutayaruptinqa,
Diospuni chay punchawta
manaña kaqpaqpas hapiptinqa,
chay punchaw manaña achikyariptinqa!
5¡Ima allincha kanman karqa
chay punchawta wañuypa llantuynin pampaykuptinqa,
yanay-yanay puyu wankuykuptinqa,
manchakuypaq tutayay munaychakuruptinqa!
6¡Ima allincha kanman karqa
chay tutata yanay-yanay tutayay munaychakuruptinqa,
chay punchawta watapa punchawninkunapi
killapa punchawninkunapi mana yuyaptinkuqa!
7¡Ima allincha kanman karqa
chay tutapi mana pipas wiksayakuptinqa,
kusikuymanta mana pipas chay tutapi qapariptinqa!
8¡Ima allincha kanman karqa
chay punchawta ñakaqkuna ñakaptinkuqa,
# 3.8 Leviatanqa manchakuypaq animalmi karqa. Leviatanta rikcharichiy yachaqkuna ñakaptinkuqa!
9¡Ima allincha kanman karqa
chay punchawpaq achikyaq chaskakunapas
mana kanchaptinqa,
suyasqanku achikyaypas manaña chayamuptinqa,
chay punchaw manaña achikyarimuptinqa!
10Ñakasqayá kachun nacesqay tutaqa,
ñakasqayá kachun kayna sasachakuykuna
qawanayta mana harkakusqanmanta.
11¿Imanasqataq mamaypa wiksallanpiraq mana wañururqanichu?
¿Imanasqataq mamaypa wiksanmanta lloqsimuchkaspay mana wañururqanichu?
12¿Imapaqtaq millqaypipas chaskiwarqaku?
¿Imapaqtaq ñuñutapas qowarqaku?
13Mana chayqa wañukuspaychá
hawkaña samakuchkayman karqa,
puñukuspaycha hawkaña kakuchkayman karqa,
14reykunawan, consejaqkunawan kuska;
(paykunam kikinkupaq suma-sumaq wasikunata ruwakurqaku).
15Qorita qollqeta wasinman huntachikuq
kamachikuqkunawan kuska.
16¿Imanasqataq sullusqa wawata hina,
kay achkiy pachata mana rikuq wawata hina
mana pamparuwarqakuchu?
17Wañuqkunapa kasqanpiqa mana allin ruwaqkunapas
manañam imanatapas ruwankuñachu,
mana kallpayuqkunapas chaypiqa samakunkuñam.
18Chaypiqa presokunapas samakunkuñam,
capatazpa qaqchakuynintapas manam uyarinkuñachu.
19Chaypiqa taksapas hatunpas kuskam kachkanku,
esclavopas patronninmanta libreñam kachkan.
20¿Imanasqataq ñakariqman
Diospas achkiyta qawachin?
¿Imanasqataq llakipa huntasqanman
kawsayta qonraq?
21 #
Ap 9.6. Wañuyta munaptinpas
manam chayamunchu,
pakata hinaña maskaspankupas
manam tarinkuchu.
22Paykunamanqa kusikuypas chayamunqa
sepulturaman uraykuptinñam.
23¿Imanasqataq Dios kawsachin
maymanpas risqanta mana yachakuq runata?
¿Imanasqataq Dios kawsachin
qenchawan hina wichqarusqan runata?
24Ñoqapa mikunayqa llakillañam,
tomanaypas nanaywan ñakariyllañam.
25Imam manchakusqayraqmi chayaramuwan,
aswan manchakusqayraqmi hamuruwan.
26Manam samariytapas hawkayaytapas tariniñachu
hawkayaypa rantinpipas ñakariyllatam tarini.
Chuya Qellqa Revisión @ Sociedad Bíblica Peruana, 2012