Isaías 20
20
Egiptotawan Etiopiata Asiria nación vencesqanmanta
1Huk kutipim Asiria nacionpa reynin Sargón, llapallan tropankunapa capitanninta Asdod llaqtaman kacharqa, hinaptinmi chay llaqtapa contranpi peleaspan vencerurqa. 2Chay watapim Amozpa churin Isaiasta Tayta Dios kaynata kamachirqa:
Qachqa pachaykitawan usutaykita chustukuy, nispa.
Hinaptinmi Isaiasqa chaynata ruwaspan mana pachayuq chaynataq qala chakilla purirqa. 3Chaymi Tayta Dios nirqa:
Serviqniy Isaiasmi mana pachayuq chaynataq qala chakilla kimsa watapuni purirqa. Chaytam ruwarqa Egipto nacionta chaynataq Etiopía nacionta imam pasananmanta qawachinanpaq. 4Chaynatam Asiria nacionpa reyninpas Egipto nacionpi runakunatawan Etiopía nacionpi kaqkunata presota apanqa; joventapas, sipastapas mana pachayuqta, qala chakillata hinaspa qalallatam apanqa, chaynapi Egipto nacionqa penqaypi kananpaq. 5Hinaptinmi Etiopía nacionpi hapipakuqkunawan Egipto nacionmanta alabakuqkunapas mancharikuspanku penqakuywan kanqaku. 6Chay tiempopim lamar qochapa patanpi yachaqkuna ninakunqaku:
Hapipakusqanchik nacionta qawaychik. Asiria nacionpi reymanta librawananchikpaqmi chay nacionman hapipakuq kallpaq kanchik, ¿imaynatataq kunanqa lluptisunchik? nispanku.
Chuya Qellqa Revisión @ Sociedad Bíblica Peruana, 2012