Иоанн 3
3
1 # Ин. 7:50; 19:39Иудейлерниң даргаларының бирээзи болур, Никодим деп аттыг, фарисейлер бөлүүнге хамааржыр кижи турган. 2Никодим бир-ле дүне Иисуска келгеш, Аңаа мынча дээн: «Башкы! Силерни Бурганның бисче чорутканы башкы деп билир бис. Чүге дээрге Бурганның дузазы чокта, кым-даа Силерниң кылып турарыңар дег кайгамчык чүүлдер кылып шыдавас».
3Иисус аңаа: «Алыс шынны сеңээ чугаалап тур мен: чүгле катап төрүттүнген#3:3, 7 Грек дылда «Катап төрүттүнген» болгаш «Өрүтен төрүттүнген» деп уткаларны чаңгыс ол сөс илередир. кижи Бурганның Чагыргазын көрүп шыдаар» – деп харыылаан.
4«Кырый берген кижи канчап катап төрүттүнерил? – деп, Никодим Аңаа чугаалаан. – Таанда-ла ол иезиниң иштинче дедир киргеш, катап төрүттүнүп кээр бе?»
5 # Мк. 16:16; Аж.-ч. 2:38 || Мф. 5:20; 1 Кор. 15:50Иисус мынча деп харыылаан: «Алыс шынны сеңээ чугаалап тур мен: чүгле суг биле Сүлдеден төрүттүнген кижи Бурганның Чагыргазынче кирип шыдаар! 6Кижи мага-боттуң амыдыралын ада-иезинден алыр, а Сүлдеге башкарткан амыдыралды чүгле Бурганның Сүлдезинден алыр.
7Мээң сеңээ: „Силер катап төрүттүнер ужурлуг силер“ – дээнимни элдепсинип кайгава. 8Хат#3:8 Хат – грек дылда «хат» биле «сүлде» деп сөстерни бижиири дөмей болгаш, чаңгыс ол сөс ийи уткалыг болур. бодунуң туралаан черинге хадыыр. Сен ооң шимээнин дыңнап турар сен, ынчалза-даа ооң кайыын келгенин база кайнаар барганын билбес сен. Сүлдеге башкарткан амыдыралдыг кижи бүрүзү-биле база шак ындыг болур».
9Никодим Оон: «Ол канчап ындыг болур чүвел?» – деп айтырган.
10«Сен, Израильдиң башкызы эртип, ону канчап билбезиң ол? – деп, Иисус аңаа харыылаан. – 11Алыс шынны сеңээ чугаалап тур мен: бис чүгле билир чүвевис дугайында чугаалап, көрген чүвевис дугайында херечилеп турар бис, а силер бистиң херечилеливисти хүлээп алыр хөңнүңер чок-тур. 12Мен бо делегейге хамааржыр чүүл дугайында силерге чугаалаарымга, Меңээ бүзүревейн тургаш, дээрге хамааржыр чүүл дугайында силерге чугаалаарымга, канчап Меңээ бүзүрээр силер? 13# У. ч. 30:4; Ин. 6:38; 1 Кор. 15:47; Эф. 4:9Дээрден дүжүп келген#3:13 Өске бурунгу сөзүглелдерде «Дээрден дүжүп келген» деп сөстерге «Дээрде амыдыраан» деп сөстерни немээн. Кижи амытан Оглундан өске, кым-даа дээрже көдүрлүп үнмээн-не болгай. 14# Сан. 21:9Ээн кургаг ховуга Моисейниң чыланны өрү көдүргени дег, Кижи амытан Оглу база шак ынчаар бедидир көдүртүр ужурлуг, 15# Ин. 8:28; 12:32ынчан Аңаа бүзүрээн кижи бүрүзү мөңге амыдыралдыг болур#3:15 Өске бурунгу сөзүглелдерде «Мөңге амыдыралдыг» деп сөстерге «Өлбес» деп сөстерни немээн.».
16 # Рим. 5:8; Эф. 2:4; 1 Ин. 3:1; 4:10Аңаа бүзүрээн кижи бүрүзү өлбезин, харын мөңге амыдыралдыг болзун дээш, Бурган Бодунуң эр чаңгыс Оглун берипкен. Ол бо делегейниң улузунга ол хире ынак болган-дыр. 17# Ин. 8:15; 12:47Бурган Бодунуң Оглун бо делегейже айбылап чорударда, бо делегейни шиидер дээш эвес, харын Ону дамчыштыр бо делегейни камгалаар дээш чоруткан болгай. 18# Мк. 16:16Бурганның Оглунга бүзүрээр кижи шииттирбес, а бүзүревес кижи – эрте дээре-ле шииттирип алган болур, чүге дээрге Бурганның эр чаңгыс Оглунуң адынга бүзүревейн барган-дыр. 19# Ин. 1:4; 8:12 || Ин. 7:7Оларның шииттирер ужуру чүдел: бо делегейже Чырык чедип кээрге, кижилер ол Чырыкка көөрде, караңгыга артык ынак болганнар-дыр, чүге дээрге оларның үүлгеткен херектери бузуттуг-дур. 20# Эф. 5:13Бузут үүлгедип турар кижи бүрүзү чырыкты көөр хөңнү чок болур база ооң үүлгеткени бузуттуг херектер илерей бээринден корткаш, чырыктан дезе бээр. 21А алыс шынның аайы-биле чурттап чоруур кижи ындыг эвес. Ооң ажыл-херээ Бурганга чүүлдежип турарын Чырык көргүссүн дээш, ол Чырыкче бар чыдар.
Иисус биле Иоанн Медеглекчи
22 # Ин. 4:1-2Иисус ооң соонда өөреникчилери-биле Иудеяже чедип келгеш, олар-биле кады аңаа элээн өйде артып калгаш, улусту сугже суп турган. 23А Иоанн база-ла ол өйде Салимниң чоогунда суу элбек Енон деп черге улусту сугже сугарын уламчылаан. Улус аңаа сөктүп кээп турган, а ол оларны сугже суп турган. 24# Мф. 11:2; Мк. 6:17-18; Лк. 3:19-20(Ол үеде Иоанн ам-даа кара-бажыңнатпаан турган чүве-дир).
25 # Ин. 2:6Бир-ле катап Иоанның өөреникчилери биле бир иудейниң#3:25 Өске бурунгу сөзүглелдерде «Бир иудей» деп эвес, а «Чамдык иудейлер» деп бижээн. аразынга арыглаашкын ёзулалы дугайында маргылдаа үнүп келген. 26# Ин. 1:7; 5:33Олар Иоаннга чедип келгеш, мынча дээннер: «Башкы, Иорданның ол чарыынга кады турганыңар база Ооң дугайында херечилеп чугаалааныңар Кижини сактыр-дыр силер бе? Ынчаарга Ол база улусту сугже суп тур, а хамык улус Олче сөктүп кээп туруп берди».
27 # 1 Кор. 4:7Иоанн мынча деп харыылаан: «Кижи чүгле дээрниң аңаа даандырып берген чүвезин кылып шыдаар. 28# Мал. 3:1; Мк. 1:2; Ин. 1:20„Мен Христос эвес-тир мен, ынчалза-даа Бурган мени Ону мурнай чоруткан“ – дээнимни боттарыңар бадыткап болур силер. 29# Мф. 9:15; 25:1-13; Ажыд. 19:7; 21:2 || Мф. 9:15; Мк. 2:19Душтук кыс күдээ оолга хамааржыр. А күдээниң эжи оол ооң чанынга турар, ынчангаш күдээниң чугаазын дыңнааш, өөрүүр боор чүве. Меңээ база шак ындыг өөрүшкү ам-на келгени бо-дур. 30Ол ам өзер ужурлуг, а мээң үүлем – бичиилеп чидери-дир».
31Кым өрүтен келгенил, Ол өске бүгү улустан өндүр улуг болур. А черден тывылган кижи – боду чернии болур база черде дег кылдыр чугаалаар. Ынчалза-даа кым дээрден кээрил, Ол өске бүгү улустан өндүр улуг. 32Ол Бодунуң көрген болгаш дыңнаан чүвезин херечилеп чугаалап турар, чүгле кым-даа Ооң херечилелин хүлээп албас-тыр. 33# Ин. 8:26А Ооң херечилээн сөстерин хүлээп алган кижи Бурганның алыс шынныын бадыткап турары ол. 34Бурганның айбылап чоруткан Кижизи Бурганның сөстерин чугаалаар, чүге дээрге Бурган Аңаа Сүлдени хемчээл чогу-биле берип турар. 35# Мф. 3:17; 17:5; Ин. 5:20Бурган Ада Оглунга ханы ынак-тыр база бүгү чүвени Ооң холунга тыпсып берген-дир. 36# Ин. 5:24; 6:40; 1 Ин. 5:12-13Оглунга бүзүрээн кижи мөңге амыдыралдыг болур. А Оглун тооп дыңнаваан кижи мөңге амыдыралды көрбес, харын Бурганның килеңи ооң-биле артып каар.
اکنون انتخاب شده:
Иоанн 3: Ы.Б.2025
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Институт перевода Библии, 2025
Иоанн 3
3
1 # Ин. 7:50; 19:39Иудейлерниң даргаларының бирээзи болур, Никодим деп аттыг, фарисейлер бөлүүнге хамааржыр кижи турган. 2Никодим бир-ле дүне Иисуска келгеш, Аңаа мынча дээн: «Башкы! Силерни Бурганның бисче чорутканы башкы деп билир бис. Чүге дээрге Бурганның дузазы чокта, кым-даа Силерниң кылып турарыңар дег кайгамчык чүүлдер кылып шыдавас».
3Иисус аңаа: «Алыс шынны сеңээ чугаалап тур мен: чүгле катап төрүттүнген#3:3, 7 Грек дылда «Катап төрүттүнген» болгаш «Өрүтен төрүттүнген» деп уткаларны чаңгыс ол сөс илередир. кижи Бурганның Чагыргазын көрүп шыдаар» – деп харыылаан.
4«Кырый берген кижи канчап катап төрүттүнерил? – деп, Никодим Аңаа чугаалаан. – Таанда-ла ол иезиниң иштинче дедир киргеш, катап төрүттүнүп кээр бе?»
5 # Мк. 16:16; Аж.-ч. 2:38 || Мф. 5:20; 1 Кор. 15:50Иисус мынча деп харыылаан: «Алыс шынны сеңээ чугаалап тур мен: чүгле суг биле Сүлдеден төрүттүнген кижи Бурганның Чагыргазынче кирип шыдаар! 6Кижи мага-боттуң амыдыралын ада-иезинден алыр, а Сүлдеге башкарткан амыдыралды чүгле Бурганның Сүлдезинден алыр.
7Мээң сеңээ: „Силер катап төрүттүнер ужурлуг силер“ – дээнимни элдепсинип кайгава. 8Хат#3:8 Хат – грек дылда «хат» биле «сүлде» деп сөстерни бижиири дөмей болгаш, чаңгыс ол сөс ийи уткалыг болур. бодунуң туралаан черинге хадыыр. Сен ооң шимээнин дыңнап турар сен, ынчалза-даа ооң кайыын келгенин база кайнаар барганын билбес сен. Сүлдеге башкарткан амыдыралдыг кижи бүрүзү-биле база шак ындыг болур».
9Никодим Оон: «Ол канчап ындыг болур чүвел?» – деп айтырган.
10«Сен, Израильдиң башкызы эртип, ону канчап билбезиң ол? – деп, Иисус аңаа харыылаан. – 11Алыс шынны сеңээ чугаалап тур мен: бис чүгле билир чүвевис дугайында чугаалап, көрген чүвевис дугайында херечилеп турар бис, а силер бистиң херечилеливисти хүлээп алыр хөңнүңер чок-тур. 12Мен бо делегейге хамааржыр чүүл дугайында силерге чугаалаарымга, Меңээ бүзүревейн тургаш, дээрге хамааржыр чүүл дугайында силерге чугаалаарымга, канчап Меңээ бүзүрээр силер? 13# У. ч. 30:4; Ин. 6:38; 1 Кор. 15:47; Эф. 4:9Дээрден дүжүп келген#3:13 Өске бурунгу сөзүглелдерде «Дээрден дүжүп келген» деп сөстерге «Дээрде амыдыраан» деп сөстерни немээн. Кижи амытан Оглундан өске, кым-даа дээрже көдүрлүп үнмээн-не болгай. 14# Сан. 21:9Ээн кургаг ховуга Моисейниң чыланны өрү көдүргени дег, Кижи амытан Оглу база шак ынчаар бедидир көдүртүр ужурлуг, 15# Ин. 8:28; 12:32ынчан Аңаа бүзүрээн кижи бүрүзү мөңге амыдыралдыг болур#3:15 Өске бурунгу сөзүглелдерде «Мөңге амыдыралдыг» деп сөстерге «Өлбес» деп сөстерни немээн.».
16 # Рим. 5:8; Эф. 2:4; 1 Ин. 3:1; 4:10Аңаа бүзүрээн кижи бүрүзү өлбезин, харын мөңге амыдыралдыг болзун дээш, Бурган Бодунуң эр чаңгыс Оглун берипкен. Ол бо делегейниң улузунга ол хире ынак болган-дыр. 17# Ин. 8:15; 12:47Бурган Бодунуң Оглун бо делегейже айбылап чорударда, бо делегейни шиидер дээш эвес, харын Ону дамчыштыр бо делегейни камгалаар дээш чоруткан болгай. 18# Мк. 16:16Бурганның Оглунга бүзүрээр кижи шииттирбес, а бүзүревес кижи – эрте дээре-ле шииттирип алган болур, чүге дээрге Бурганның эр чаңгыс Оглунуң адынга бүзүревейн барган-дыр. 19# Ин. 1:4; 8:12 || Ин. 7:7Оларның шииттирер ужуру чүдел: бо делегейже Чырык чедип кээрге, кижилер ол Чырыкка көөрде, караңгыга артык ынак болганнар-дыр, чүге дээрге оларның үүлгеткен херектери бузуттуг-дур. 20# Эф. 5:13Бузут үүлгедип турар кижи бүрүзү чырыкты көөр хөңнү чок болур база ооң үүлгеткени бузуттуг херектер илерей бээринден корткаш, чырыктан дезе бээр. 21А алыс шынның аайы-биле чурттап чоруур кижи ындыг эвес. Ооң ажыл-херээ Бурганга чүүлдежип турарын Чырык көргүссүн дээш, ол Чырыкче бар чыдар.
Иисус биле Иоанн Медеглекчи
22 # Ин. 4:1-2Иисус ооң соонда өөреникчилери-биле Иудеяже чедип келгеш, олар-биле кады аңаа элээн өйде артып калгаш, улусту сугже суп турган. 23А Иоанн база-ла ол өйде Салимниң чоогунда суу элбек Енон деп черге улусту сугже сугарын уламчылаан. Улус аңаа сөктүп кээп турган, а ол оларны сугже суп турган. 24# Мф. 11:2; Мк. 6:17-18; Лк. 3:19-20(Ол үеде Иоанн ам-даа кара-бажыңнатпаан турган чүве-дир).
25 # Ин. 2:6Бир-ле катап Иоанның өөреникчилери биле бир иудейниң#3:25 Өске бурунгу сөзүглелдерде «Бир иудей» деп эвес, а «Чамдык иудейлер» деп бижээн. аразынга арыглаашкын ёзулалы дугайында маргылдаа үнүп келген. 26# Ин. 1:7; 5:33Олар Иоаннга чедип келгеш, мынча дээннер: «Башкы, Иорданның ол чарыынга кады турганыңар база Ооң дугайында херечилеп чугаалааныңар Кижини сактыр-дыр силер бе? Ынчаарга Ол база улусту сугже суп тур, а хамык улус Олче сөктүп кээп туруп берди».
27 # 1 Кор. 4:7Иоанн мынча деп харыылаан: «Кижи чүгле дээрниң аңаа даандырып берген чүвезин кылып шыдаар. 28# Мал. 3:1; Мк. 1:2; Ин. 1:20„Мен Христос эвес-тир мен, ынчалза-даа Бурган мени Ону мурнай чоруткан“ – дээнимни боттарыңар бадыткап болур силер. 29# Мф. 9:15; 25:1-13; Ажыд. 19:7; 21:2 || Мф. 9:15; Мк. 2:19Душтук кыс күдээ оолга хамааржыр. А күдээниң эжи оол ооң чанынга турар, ынчангаш күдээниң чугаазын дыңнааш, өөрүүр боор чүве. Меңээ база шак ындыг өөрүшкү ам-на келгени бо-дур. 30Ол ам өзер ужурлуг, а мээң үүлем – бичиилеп чидери-дир».
31Кым өрүтен келгенил, Ол өске бүгү улустан өндүр улуг болур. А черден тывылган кижи – боду чернии болур база черде дег кылдыр чугаалаар. Ынчалза-даа кым дээрден кээрил, Ол өске бүгү улустан өндүр улуг. 32Ол Бодунуң көрген болгаш дыңнаан чүвезин херечилеп чугаалап турар, чүгле кым-даа Ооң херечилелин хүлээп албас-тыр. 33# Ин. 8:26А Ооң херечилээн сөстерин хүлээп алган кижи Бурганның алыс шынныын бадыткап турары ол. 34Бурганның айбылап чоруткан Кижизи Бурганның сөстерин чугаалаар, чүге дээрге Бурган Аңаа Сүлдени хемчээл чогу-биле берип турар. 35# Мф. 3:17; 17:5; Ин. 5:20Бурган Ада Оглунга ханы ынак-тыр база бүгү чүвени Ооң холунга тыпсып берген-дир. 36# Ин. 5:24; 6:40; 1 Ин. 5:12-13Оглунга бүзүрээн кижи мөңге амыдыралдыг болур. А Оглун тооп дыңнаваан кижи мөңге амыдыралды көрбес, харын Бурганның килеңи ооң-биле артып каар.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Институт перевода Библии, 2025