Mui Psalm 97
97
1A Lord inemauri; walumalau, omu ke ileilenimwae: mu malau moumou, omu ke sungie mawata.
2Salo na rodohono e dau keli ana: odotainge na leinge e lilikeli ana naunekume ingeie.
3Qaulei dunge ko iopo inaona: ko weru tarau honose mu maeloonga ingeie.
4Waariri ingeie kei raangie walumalau: walumalau kei leese oto kire kei eriri.
5Mui toloi henue e asoso mwaanie naona Lord: mwaanie naona Lord honose ahutana walumalau.
6Salo kei unue odotainge ingeie: na mu inoni kei leese rarangamu.
7Mwala ko haahaamau ana mui nunui ola kei masa, na kira norutoo ana mu akalo eroere: omu ke poruru honose taingeie oto.
8Sion e rongo oto e ilenimwae i nunuhaana: keni kalei Judah e saesae diana hahie wala ni leinge a Lord.
9Oto Ioe, Lord, o lengilengie liuta ana walumalau O liuta lou mwaanie mu akalo.
10Kira sae paine ana Lord, omu ke ngiduupu hunie orahaa: kakalihe honotana mui inoni maai ingeie o haaisitangainire mwaanie nimada orahaa.
11E neie atowa isulie mu inoni odotai: mwasila ko totola ana muini saeda e manuodo.
12Kira odotai kei ileilenimwae nana Lord: omu ke sai diana ana satana e maai.
اکنون انتخاب شده:
Mui Psalm 97: apbPSA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
First published as part of the Anglican Prayer Book by the Melanesian Press, 1946.