Mui Psalm 96
96
1Omu ke sulu kana haalu nana a Lord: ahutana walumalau omu ke mani alele hunia Lord.
2Omu ke alele nana Lord, omu ke sai diana ana satana: omu ke laladoa satana Lord suli heidinge.
3Omu ke tarohainie nana mwala uri ingeie Inemauri: na hunie taenanga hanue ana mui anoa e daui.
4Oto ingeie a Lord e alaha omu ke sai diana ana: omu ke haamau ana mwaanie mui lioa.
5Oto mui akalo ikire mwala haike: tae a Lord e haahola salo.
6Sakanga na alahanga ke io oto inaona: na diananga ke io i nume maai ingeie.
7Omu ke unue hunia Lord, taena nga komu: omu ke unue a Lord uri ingeie e diana, na e ramo.
8Omu ke unue huhia, Lord uri satana e manikulue: omu ke lai area i nume ingeie.
9Omu ke poruru hahie a Lord, pei tooni eni tooni maai: walumalau omu ke masa i maana.
10Omu ke lalado nana mwala ana Lord uri ingeie inemauri: na e haauresie walumalau e saa asu oloolo, ana kei lei odotai ana taenanga inoni.
11Salo ke sulu kana; walumalau ke ileilenimwae: asi, ke sungie mawata.
12Mu hohola ke ileilenimwae na waluola laloni: mu dango omu ke lae peie mawata inaona Lord.
13Ana kei lae mai, huni leie walumalau, na mui inoni ani walaimolinge.
اکنون انتخاب شده:
Mui Psalm 96: apbPSA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
First published as part of the Anglican Prayer Book by the Melanesian Press, 1946.