Mui Psalm 92
92
1Ie e diana kie ke palahea a Lord: kie ke alele ni kana ni lahelana satana ini e liuta.
2Eunu tahangainie tolahai manata diananga ingeie i hoowa: na tolahana e loko kie suli hei dinge.
3Awaawatana mui eu na mu eu hungehungaa, na mu heu tete: na awaawatana mui eu wale e tohungei maai.
4Ana ioe, Lord, o da saeku ke ilenimwae ana asunge ioe: nge nekei maomao oto hahie nimemu.
5Tai oe o liuta, Lord, e uri ta ana mu palonga ioe: mui neisaenga ioe e lai asa hitoo.
6Inoni qeuqeuaa e saa saie ike: ini e herohero e saa neisae susulie.
7Kira orahaa kire karaini oto mai mala hahalisi, na muini ko esu takalo ko sae mango: aena ana kire ano talihu oto.
8Tae ioe, Lord: o liuta oto di oto di.
9Ana lio kau, mui maeloonga ioe, Lord; ana lio kau, mui maeloonga ioe kei eia oto; kira palo takalo kei tatanga mola.
10Tae maurihaaku o hele alaa ana mala rarangoi Cow mwane ni meesu: o suuhieu ana rumu haalu.
11Maaku lou nou lio toli mola ana mwala ko maeloongaku: alingeku e rongo kawaie muini ko ruru walaku.
12Ini odotai kei ure halahala mala ee e mwaora: kei meumeuri tarau mala ailemu ni Lebanon.
13Muini, e hasire oto i nume a Lord: kire kei taelai peie mawata ilaona lolata maai a God ikie.
14Nge kire kei hunguhungu hule ana repo haada: kire kei qieqiala ani sape iroiro nuenue oto mola haleite.
15Huni unu tahangainie uri nge a Lord e lalaai ilengi: hau susu ineu oto na, nga meola e kaa takalo oto oo ana.
اکنون انتخاب شده:
Mui Psalm 92: apbPSA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
First published as part of the Anglican Prayer Book by the Melanesian Press, 1946.