Mui Psalm 143
143
1Lord, oke rongoisulie walaku; oke hahurei elinge takoie aitanainge ineu: oke alamieu ana walaimolinge na ana odotainge ioe.
2Mwane o leieu a mwane ioe hunie ke malisine iolaku: aena ana ngaini oto saa haaodoodoa ike i naomu.
3Ana mu maeloonga e tauteungeinie saeku; kire pilingie maurihaaku hai ano: kire qaoau neke io ana leu e rorodoa domana muini e upuni mae oto.
4Aena urinena saeku e mouholo oto ilalo aku: laloku e talei iolaha oto.
5Noko neineisae ana moola inao, noko talei lolodo sae ana walutana nga ola o qaoa kau: noko looloonai ana helelana nimemu.
6Noko susueinie taau nimeku takoio: maurihaaku e marou emu domana nga hanue ana ira ni sato.
7Lord, lauae mai oke alamieu, mangoku ko lai oto i suu: mango o mumunieu maamu mwaanieu, mwane da na neke sada peie muini ko siho toli hao laona kalinge.
8Oke qaoau neke rongoa saediananga ioe oto i hoowa; ana noko noorutoo amu: oke qaoau neke manatainie tala neke laelae ana; ana noko suluie maurihaaku takoio.
9Lord, oke haaurieu mwaanie mu maeloonga ineu: noko tehi taau siemu hunie neke mumunieu oto.
10Oke haausulieu, neke si sulu isulie saemu, ana ioe a God ineu: Lioa diana ioe hunie ke nao nakue ana hanue e apesada.
11Lord, oke haaurieu itehulaana Satamu: ani odotainge ioe oke tola haadai ana maurihaaku mwaanie mu maelaa.
12Isulie amasinge ioe oke saunie mu maelaanga ineu: oke horo suuheinie nga muini ko talei teungeinie maurihaaku; ana ineu mwane ioe otona.
اکنون انتخاب شده:
Mui Psalm 143: apbPSA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
First published as part of the Anglican Prayer Book by the Melanesian Press, 1946.