Mui Psalm 132
132
1Lord, oke neisae ana David: ana siohaana e taataala kau;
2Ana e ere ni haapunge takoia Lord: na e haalu hunie Ini e Ramo a Jacob.
3Uri, Toohu nou saa lai sili i nume ineu: nou saa roroa hane wau ana huliteku;
4Nou saa toliasie maahunge hunie maaku: wa mamauruanga hunie hinuhinui maaku;
5Lai hule ana neke haro lio odoie leu nana Lord: leu ni ioio oto nana Ini e Ramo a Jacob.
6Lokau, emi rongo odoie i Ephrata: emi si lio odoie ana mu leu e manusada laona mausu.
7Kie ke hane wau ana mu nume susulu ingeie: kie ke qautou hahie uriurite ingeie.
8Oke taelai, Lord, oke lae takoie leu ni haamamalo ioe: ioe na duru ni ramolamu.
9Mu priest ioe ke tooni ahuire ani odotainge: na muini maai ioe ke mawa ani saediananga.
10Itehulaana a David mwane ioe: mwane o hirusie maana a mwane ioe kire suuhie.
11A Lord e ere ni haapunge hunia David ani walaimolinge, na saa liu aopa mwaanie: e teuri, Ini ke hute amu neke haaiosie ana naunekume ni alaha ioe.
12Uri ana mu kalemu kei kinetainie haalunge ineu, na mu haatolanga lou ineu neke haausulire ani: nge mu kaleda lou kei io oto hu ilengine naunekume ioe.
13Aena ana a Lord e lio hunie Sion: e harihunie huni ke nei nume ingeie oto.
14E teuri, Ngeii ienini oto leu ni haamamalo hu ineu: neke io oto nakue ileu, ana nou la otoi sae tooana.
15Neke haadianaa siokoninge ingeie: neke haapotera ani bread muini ingeie e maitale.
16Neke tooni hahie mu priest ingeie ani haauringe: na muini maai ingeie kei mawa ani saediananga.
17Neke qaoa rarangoi ola hunie ke pasu nana David: nou menireinie oto sine nana ini ineu kire suuhie.
18Neke tooni hahie mu maeloonga ingeie ani masanga: tae rorodara ingeie neilana oto hahie kei rangariroa oto.
اکنون انتخاب شده:
Mui Psalm 132: apbPSA
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
First published as part of the Anglican Prayer Book by the Melanesian Press, 1946.