Rumi 10
10
1Takhukrok, Israyelrokni bagwi ani khani kuthuk muchukma tei Kaitorni dayo ani surimwng ongkha imw, bok sumsokni yoknaitwi. 2Bokni mwngoi ang i yakumu rwdok je, Kaitorni sakao bokni kuthuk khamjo tongw, matwr tama khalaywi Kaitorni yachakjuai ongmathai obwnw bok siya. 3Kaitor borognw tama khalaywi khatta kwrwi hinwi yachagwi la o kok dayw kha rwya karwi sakrokni chaitokmabai bok yachakjuai ongni naikha. Aithani bagwi Kaitor je hal bai borognw khatta kwrwi hinwi yachak obwnw bok maniyoi lajia. 4Khristose kerongnal kwplwng khalayoi bini pharan yakhakjak, Bini sakao jebwrok paitok bok Kaitorni yachakjuai ongnaitwi.
Tekhokma jothoni bagwi
5Kerongnal paleywi Kaitorni yachakjuai ongnai lagwi Mosi suikha, "Je borog kerongnalni mote tong bw obwni bisingtwi langma mannw." 6Matwr paitokmani bisingtwi tama khalaywi borog Kaitorni yachakjuai ong o kothoyw kathar elembago imwnw sajak, "Bakha bakhabai i kok tasadi, 'Swrw chukhao thangtai?'" Imwni gatha ongkha chukhani Khristonw tolao kariywi twbwni bagwi swrw chukhao thangtai?'" 7"Eba tasadi, 'Swrw thak kwrwi hakor bisingw thangnai?'" Kok ongkha Khristonw thwijak rokni bisingni tisagwi twbwni bagwi swrw thwijakrokni jegao thangjaknai? 8Kaitorni yachakjuai ongnai kothoyw elembak arw sagw, "Kaitor jebw sajak obwlai nwngbai baksase tongo, kok ongkha nini bukhugo tei nini khao tongw." Je paitokmani kok chwng pirdok obw ongkha Kaitorni o kok. 9O kok ongkha, Nwng Jisunw Subrai hinwi bukhogw yachagwi lagw tei paitogw je, Kaitor Bwnw kwthwi daini mwthangwi tisakha oswkhaise nwng sumsok daini tekhokma mannai, 10Twmwi hinba khao paitoknaini bagwi Kaitor borognw khatta kwrwi hinwi yachagwi lagw tei bukhokbai gosenani bagwi sumsokni yokrwgw. 11Kathar elembak sagw, "Jebw Bwnw paitoknai bw khabelgalak." 12Jihudi tei Bejihudini bisingw mwngsa pher kwrwi, twmwi hinba jothoni Subrai baksase. Jebwrok Bwnw ringkho Bw boknw, kabangma hamari lugwi rwgw. 13Kathar elembago tongo, "Tekhokma manni bagwi jebw Subrainw ringkho bw tekhokma mannai."
14Matwr Jeni sakagw bok paitoklaijia Bwnw tama khlayoi ringkhotai? Jebwni kothoyw bok khanajiya Bwnw tama khalayoi paitokthai? Pirnaisa kwrwi khalai bok tama khalayoi khanathai? 15Omwni bader kaisaswk hoyaklai tama khalayoi pirisairok pirthai? Kathar elembago suijak tongw, "Hamsajak bokni yathwi jebwrok hamkraini kothoma pirni phaiyw." 16Matwr jothobw o kothomao cheroma rwjiya. Diyari Jisaiyo sajak, "Subrai chwng rwnai kothomao swrw paitokha?" 17Halai nungjagw je, Kaitorni kok khananaini bagwise paitokma phaiyw, tei Khristoni kothoyw pirmani bisingtwi o koknw khanani manw, 18Matwr ang sagw, Israyeliyo rok ta o koknw khanajiya? Khamka khanajak. Kathar elembakgw sagw,
bokni ringkhonaini sarai hayungw saljagwi kalaijak,
saljagwi kalaijak bokni kok
swngsarni paithak nar jora 19Ang arwbw sagw, Israyelrok ta o koknw bijimanjiya? Pwilao Mosini bisingtwi Kaitor sajak, "Je dopha mwngsa dophaya, o dophanw rwgwi ang nini srangmungnw bacha rwgwi tisanai, kwrwngsa butua dophanw rwgwi nwnw thamchi tisanai 20Bini jerw Jisayoni bisingtwi Kaitor arw mar rwgwi sajak, "Ang bokni daywse tongjak, matwr bok mwngsa chubamwngni bagwi ani dayw phaijiya. Ang i borogroknw ani dayw kabokma rwni jur rwjak, matwr bok ani dayw mwngsa kabokmung sajiya. 21Matwr Israyelrokni kothoyw Bw sajak, "Kok khanaya tei plwingsa borogrokni aita ang jwnwmbiti ani yak barogwise tongo.
©️2025 Bible Students Fellowship of Bangladesh