Жаратылыу 1
1
Аллах дунияны жаратады
1Ауалда Аллах кёклени бла жерни жаратханды. 2Жер башы кёрюмсюз эм бош эди, терен тенгизлени юсю къаппа-къарангы эди, Аллахны Руху да сууланы юсюнде къалкъа эди.
3Аллах: «Жарыкъ болсун», – дегенди да, жарыкъ болуп къалгъанды. 4Аллах жарыкъны кёрюп, анга ыразы болгъанды, жарыкъны бла къарангыны бир-бирден айыргъанды. 5Жарыкъгъа Аллах «кюндюз» деп, къарангыгъа уа «кече» деп атагъанды. Ингир ётгенди, эрттенлик озгъанды: бу бир кюн болгъанды.
6Сора Аллах: «Сууланы арасында кёкню жайылгъаны болсун, сууланы сууладан айырсын», – дегенди. 7Аллах кёкню жайылгъанын болдургъанды да, кёкню жайылгъаныны тюбюнде болгъан сууланы бла кёкню жайылгъаныны башында болгъан сууланы бир-бирден айыргъанды. Алай бла Аллах айтхан кибик болуп къалгъанды. 8Аллах кёкню жайылгъанына «кёк» деп атагъанды. Ингир ётгенди, эрттенлик озгъанды: бу экинчи кюн болгъанды.
9Сора Аллах: «Кёкню тюбюндеги суула бир жерге жыйылсынла, къургъакъ жер кёрюнсюн», – дегенди да, алай болуп къалгъанды. 10Аллах къургъакъ жерге «жер» деп атагъанды, сууланы жыйылгъанына уа «тенгизле» деп атагъанды. Аллах аны кёрюп, анга ыразы болгъанды. 11Сора Аллах: «Жер битимле ёсдюрсюн: урлукъ сепген хансланы эм кёгетинде урлугъу болгъан кёгет тереклени хар тюрлюсюн», – дегенди да, алай болуп къалгъанды. 12Жер битимле чыгъаргъанды: урлукъ сепген тюрлю-тюрлю хансны эм кёгетинде урлугъу болгъан кёгет тереклени хар тюрлюсюн. Аллах аны кёрюп, анга ыразы болгъанды. 13Ингир ётгенди, эрттенлик озгъанды: бу ючюнчю кюн болгъанды.
14Сора Аллах: «Кёкню жайылгъанында жарыкъ бериучюле болсунла. Ала кюндюзню бла кечени бир-бирден айырсынла эмда, белгиле болуп, кезиулени, кюнлени, жылланы кёргюзтсюнле. 15Ала жер башын жарытыр ючюн, кёкню жайылгъанында жарыкъ бериучюле болсунла», – дегенди да, алай болуп къалгъанды. 16Аллах эки уллу жарыкъ бериучю зат болдургъанды: абаданын – кюндюзню жюрютюр ючюн, гитчерегин да – кечени жюрютюр ючюн. Жулдузланы да болдургъанды. 17Аллах аланы кёкню жайылгъанында, ала жер башын жарытыр ючюн, салгъанды, 18ала кечени бла кюндюзню жюрютюр ючюн эм жарыкъны бла къарангыны бир-бирден айырып турур ючюн. Аллах аны кёрюп, анга ыразы болгъанды. 19Ингир ётгенди, эрттенлик озгъанды: бу тёртюнчю кюн болгъанды.
20Сора Аллах: «Суула хар тюрлю жанлы затладан толсунла, жер башында да, кёкню жайылгъанында къанатлыла учуп айлансынла», – дегенди. 21Аллах уллу суу жаныуарланы, сууда айланнган жанлы затланы хар тюрлюсюн къанатлыланы да хар тюрлюсюн жаратханды. Аллах аны кёрюп, анга ыразы болгъанды. 22Аллах алагъа алгъыш этгенди: «Къозлап кёп болугъуз, жайылыгъыз эм тенгизледе сууланы толтуругъуз, къанатлыла да жер башында кёбейсинле», – дегенди. 23Ингир ётгенди, эрттенлик озгъанды: бу бешинчи кюн болгъанды.
24Сора Аллах: «Жер жанлы затланы хар тюрлюсюн чыгъарсын: юй хайыуанланы, жерде сюркелгенлени эм кийик жаныуарланы», – дегенди да, алай болуп къалгъанды. 25Алай бла Аллах кийик жаныуарланы бла юй хайыуанланы хар тюрлюсюн, жерде сюркелгенлени да хар тюрлюсюн болдургъанды. Аллах аны кёрюп, анга ыразы болгъанды.
26Сора Аллах: «Бизден юлгю алып, Бизге ушаш адам болдурайыкъ. Ол, тенгиздеги чабакълагъа, кёкдеги къанатлылагъа, юй хайыуанлагъа, битеу жерге эм жерде сюркелген хар жанлыгъа иелик этсин», – дегенди.
27Аллах Кесинден юлгю алып адам жаратханды,
аны Аллахны юлгюсюне кёре жаратханды;
эр киши бла тиширыу этип жаратханды.
28Аллах алагъа алгъыш этип: «Кёп болугъуз, жайылыгъыз. Жерни толтуруп, аны кесигизге бойсундуругъуз. Тенгизде жюзген чабакълагъа, кёкде учхан къанатлылагъа эм жер юсюнде сюркелген хар жанлыгъа да иелик этигиз», – дегенди.
29Сора Аллах: «Ма, Мен битеу жер башында урлукъ себиучю хансланы бла кёгетлеринде урлукълары болгъан тереклени барын да сизге береме: ала сизге аш болсунла. 30Битеу жер юсюндеги жаныуарлагъа, битеу кёкдеги къанатлылагъа эм жерде сюркелгенлеге – битеу жанлылагъа – Мен ашха битеу жашил ёсюмлюклени бергенме», – дегенди. Ол да алай болуп къалгъанды.
31Сора Аллах Кеси болдургъан хар затха къарагъанды да, барына да бек ыразы болгъанды. Ингир ётгенди, эрттенлик озгъанды: бу алтынчы кюн болгъанды.
اکنون انتخاب شده:
Жаратылыу 1: МалкъСК
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Институт перевода Библии, 2020-2024
Жаратылыу 1
1
Аллах дунияны жаратады
1Ауалда Аллах кёклени бла жерни жаратханды. 2Жер башы кёрюмсюз эм бош эди, терен тенгизлени юсю къаппа-къарангы эди, Аллахны Руху да сууланы юсюнде къалкъа эди.
3Аллах: «Жарыкъ болсун», – дегенди да, жарыкъ болуп къалгъанды. 4Аллах жарыкъны кёрюп, анга ыразы болгъанды, жарыкъны бла къарангыны бир-бирден айыргъанды. 5Жарыкъгъа Аллах «кюндюз» деп, къарангыгъа уа «кече» деп атагъанды. Ингир ётгенди, эрттенлик озгъанды: бу бир кюн болгъанды.
6Сора Аллах: «Сууланы арасында кёкню жайылгъаны болсун, сууланы сууладан айырсын», – дегенди. 7Аллах кёкню жайылгъанын болдургъанды да, кёкню жайылгъаныны тюбюнде болгъан сууланы бла кёкню жайылгъаныны башында болгъан сууланы бир-бирден айыргъанды. Алай бла Аллах айтхан кибик болуп къалгъанды. 8Аллах кёкню жайылгъанына «кёк» деп атагъанды. Ингир ётгенди, эрттенлик озгъанды: бу экинчи кюн болгъанды.
9Сора Аллах: «Кёкню тюбюндеги суула бир жерге жыйылсынла, къургъакъ жер кёрюнсюн», – дегенди да, алай болуп къалгъанды. 10Аллах къургъакъ жерге «жер» деп атагъанды, сууланы жыйылгъанына уа «тенгизле» деп атагъанды. Аллах аны кёрюп, анга ыразы болгъанды. 11Сора Аллах: «Жер битимле ёсдюрсюн: урлукъ сепген хансланы эм кёгетинде урлугъу болгъан кёгет тереклени хар тюрлюсюн», – дегенди да, алай болуп къалгъанды. 12Жер битимле чыгъаргъанды: урлукъ сепген тюрлю-тюрлю хансны эм кёгетинде урлугъу болгъан кёгет тереклени хар тюрлюсюн. Аллах аны кёрюп, анга ыразы болгъанды. 13Ингир ётгенди, эрттенлик озгъанды: бу ючюнчю кюн болгъанды.
14Сора Аллах: «Кёкню жайылгъанында жарыкъ бериучюле болсунла. Ала кюндюзню бла кечени бир-бирден айырсынла эмда, белгиле болуп, кезиулени, кюнлени, жылланы кёргюзтсюнле. 15Ала жер башын жарытыр ючюн, кёкню жайылгъанында жарыкъ бериучюле болсунла», – дегенди да, алай болуп къалгъанды. 16Аллах эки уллу жарыкъ бериучю зат болдургъанды: абаданын – кюндюзню жюрютюр ючюн, гитчерегин да – кечени жюрютюр ючюн. Жулдузланы да болдургъанды. 17Аллах аланы кёкню жайылгъанында, ала жер башын жарытыр ючюн, салгъанды, 18ала кечени бла кюндюзню жюрютюр ючюн эм жарыкъны бла къарангыны бир-бирден айырып турур ючюн. Аллах аны кёрюп, анга ыразы болгъанды. 19Ингир ётгенди, эрттенлик озгъанды: бу тёртюнчю кюн болгъанды.
20Сора Аллах: «Суула хар тюрлю жанлы затладан толсунла, жер башында да, кёкню жайылгъанында къанатлыла учуп айлансынла», – дегенди. 21Аллах уллу суу жаныуарланы, сууда айланнган жанлы затланы хар тюрлюсюн къанатлыланы да хар тюрлюсюн жаратханды. Аллах аны кёрюп, анга ыразы болгъанды. 22Аллах алагъа алгъыш этгенди: «Къозлап кёп болугъуз, жайылыгъыз эм тенгизледе сууланы толтуругъуз, къанатлыла да жер башында кёбейсинле», – дегенди. 23Ингир ётгенди, эрттенлик озгъанды: бу бешинчи кюн болгъанды.
24Сора Аллах: «Жер жанлы затланы хар тюрлюсюн чыгъарсын: юй хайыуанланы, жерде сюркелгенлени эм кийик жаныуарланы», – дегенди да, алай болуп къалгъанды. 25Алай бла Аллах кийик жаныуарланы бла юй хайыуанланы хар тюрлюсюн, жерде сюркелгенлени да хар тюрлюсюн болдургъанды. Аллах аны кёрюп, анга ыразы болгъанды.
26Сора Аллах: «Бизден юлгю алып, Бизге ушаш адам болдурайыкъ. Ол, тенгиздеги чабакълагъа, кёкдеги къанатлылагъа, юй хайыуанлагъа, битеу жерге эм жерде сюркелген хар жанлыгъа иелик этсин», – дегенди.
27Аллах Кесинден юлгю алып адам жаратханды,
аны Аллахны юлгюсюне кёре жаратханды;
эр киши бла тиширыу этип жаратханды.
28Аллах алагъа алгъыш этип: «Кёп болугъуз, жайылыгъыз. Жерни толтуруп, аны кесигизге бойсундуругъуз. Тенгизде жюзген чабакълагъа, кёкде учхан къанатлылагъа эм жер юсюнде сюркелген хар жанлыгъа да иелик этигиз», – дегенди.
29Сора Аллах: «Ма, Мен битеу жер башында урлукъ себиучю хансланы бла кёгетлеринде урлукълары болгъан тереклени барын да сизге береме: ала сизге аш болсунла. 30Битеу жер юсюндеги жаныуарлагъа, битеу кёкдеги къанатлылагъа эм жерде сюркелгенлеге – битеу жанлылагъа – Мен ашха битеу жашил ёсюмлюклени бергенме», – дегенди. Ол да алай болуп къалгъанды.
31Сора Аллах Кеси болдургъан хар затха къарагъанды да, барына да бек ыразы болгъанды. Ингир ётгенди, эрттенлик озгъанды: бу алтынчы кюн болгъанды.
اکنون انتخاب شده:
:
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© Институт перевода Библии, 2020-2024