روملولارا 4
4
ائبراهئمئن ائمانی
1بس جئسمانی آتامیز ائبراهئم حاقّیندا نه دئیک؟ او، نه تاپدی؟ 2اگر ائبراهئم اؤز عمللری ائنن صالح ساییلسایدی، فخر الهمهیه بئر شیی وار؛ آمّا تارینین حوضوروندا یوخ. 3موقدّس یازی نه دیئر؟ «ائبراهئم تارییا ائمان گتئردی، بو دا اونا صالحلئک ساییلدی.»
4ائشلهین بئر آدامین اوجرتی اونا هدئیّه ساییلماز، بو اونون حاقّیدیر. 5آمّا ائشلهمهین بئر آدام کی، پئس آداملاری صالح سایانا ائمان گتئرئر، ائمانی اونا صالحلئک ساییلیر. 6نجه کی، داوود دا او آدامین بختورلئیئندن دانیشیر کی، تاری اونون عملئنه باخمادان، اونی صالح ساییر.
7«خوش او آداملارین حالینا کی، عوصیانلاری باغیشلانیر،
گوناهلاری عفو اولونور.
8خوش او آدامین حالینا کی، رب اونون گوناهینی حسابا گتئرمز.»
9آیا بو بختورلئک فقط ختنه اولونانلارادیر، یوخسا ختنه اولونمایانلارا دا عاییددیر؟ چونکی دیئرئک کی، ائبراهئمئن ائمانی اونا صالحلئک ساییلدی. 10نه شرایئطده ساییلدی؟ ختنه اولاندان سورا ائدی، یوخسا قاباق؟ ختنه اولاندان سورا یوخ، قاباق ائدی. 11و ختنهنئن علامتئنی آلدی، ائماندان گلن صالحلئیئن مؤهورونی کی، ختنه اولونمامیشدان دا وار ائدی، اِله کی، او، بوتون او آداملارین دا آتاسی اولسون کی، ختنه اولونمادیقلاری حالدا ائمان گتئرئرلر کی، اولار دا صالح ساییلسینلار. 12بله ده آتامیز ائبراهئم ختنه اهلئنه ده آتا دیر، یعنی نه فقط اولارا کی ختنه اولوبلار بلکی اولارا دا کی، ائمان یولوندا یرئیئرلر. اله او یول کی بئزئم آتامیز ائبراهئم ده ختنه اولونماسیندان قاباق یرئیئردی.
13شرئعتئن واسئطهسی ائنن دیئلدی کی، ائبراهئم و اونون نسلئنه دونیانی مئراث آلاجاقلاری وعده ورئلدی، بلکه بو اونون اوچون ائدی کی، ائمان واسئطهسی ائنن صالح ساییلدیلار. 14چونکی اگر شرئعت ائنن یاشایانلار وارئث اولسالار، ائمان بوش اولار، وعده ده باطئل! 15بونا گؤره کی شرئعت تارینین قضبئنی گتئرئر؛ آمّا شرئعت اولمایان یرده، اونی آیاق آلتینا قویان دا اولماز.
16بونون اوچون ده، وعده ائمان واسئطهسی ائنن گلئر اله کی، اونون فیضی اوستونده اولسون و ائبراهئم پیغمبرئن بوتون نسلئنی بوروسون؛ یعنی نه فقط شرئعت طرفدارلارینا، بلکی اولارا دا کی ائبراهئمئن ائمانیندا شرئکدئرلر، اله او ائبراهئم کی هامیمیزین آتاسیدیر. 17نجه کی، یازیلیب؛ «سنی بئر چوخ خالقلارین آتاسی الهدئم.» و تارینین حوضوروندا دا اله دئر، او تاری کی ائبراهئم اونا ائناندی، او کی، اؤلولره حیات ورئر و اولمایان شیلری وارلیغا چاغیریر.
18اومئد اصلا یوخ اولاندا، ائبراهئم اومئد ائنن ائمان گتئردی و بله ده بئر چوخ خالقلارین آتاسی اولدی، نجه کی، اونا دیئلمئشدی ده کی، «سنئن نسلئن بله اولاجاق.» 19او ائمانیندا ضعئفلهمهدی و اؤزونون تخمئنَن یوز یاشلی بدنئنئن اؤلموش کئمی اولدوغونا اهمئیّت ورمهدی، سارانین دا بطنئنئن قیصیرلیغینا اهمئیّت ورمهدی. 20ائبراهئم تارینین وعدهسئنه ائمانسیزلیق ائنان شک الهمهدی، بلکی ائمانیندا مؤحکم اولوب تارینی جلال وردی. 21او آرخایین ائدی کی، تاری، وردئیی وعدهنی یرئنه یتئرمهیه قادئردئر. 22بونا گؤره ده، ائمانی اونا صالحلئک ساییلدی. 23«صالحلئک ساییلدی» سؤزلری آنجاق اونون اوچون یازیلمادی، 24بئزئم اوچون ده یازیلدی کی، تاری بئزه صالحلئک سایاجاق؛ بئزه ده کی، ربّئمئز عئسانی اؤلولردن دئرئلدهنه ائمان گتئرمئشئک؛ 25اله او عئسا کی، بئزئم گوناهلاریمیزدان اؤتری اؤلومه تسلئم اولوندی و بئزئم صالح ساییلماغیمیز اوچون دئرئلدئلدی.
اکنون انتخاب شده:
روملولارا 4: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company
روملولارا 4
4
ائبراهئمئن ائمانی
1بس جئسمانی آتامیز ائبراهئم حاقّیندا نه دئیک؟ او، نه تاپدی؟ 2اگر ائبراهئم اؤز عمللری ائنن صالح ساییلسایدی، فخر الهمهیه بئر شیی وار؛ آمّا تارینین حوضوروندا یوخ. 3موقدّس یازی نه دیئر؟ «ائبراهئم تارییا ائمان گتئردی، بو دا اونا صالحلئک ساییلدی.»
4ائشلهین بئر آدامین اوجرتی اونا هدئیّه ساییلماز، بو اونون حاقّیدیر. 5آمّا ائشلهمهین بئر آدام کی، پئس آداملاری صالح سایانا ائمان گتئرئر، ائمانی اونا صالحلئک ساییلیر. 6نجه کی، داوود دا او آدامین بختورلئیئندن دانیشیر کی، تاری اونون عملئنه باخمادان، اونی صالح ساییر.
7«خوش او آداملارین حالینا کی، عوصیانلاری باغیشلانیر،
گوناهلاری عفو اولونور.
8خوش او آدامین حالینا کی، رب اونون گوناهینی حسابا گتئرمز.»
9آیا بو بختورلئک فقط ختنه اولونانلارادیر، یوخسا ختنه اولونمایانلارا دا عاییددیر؟ چونکی دیئرئک کی، ائبراهئمئن ائمانی اونا صالحلئک ساییلدی. 10نه شرایئطده ساییلدی؟ ختنه اولاندان سورا ائدی، یوخسا قاباق؟ ختنه اولاندان سورا یوخ، قاباق ائدی. 11و ختنهنئن علامتئنی آلدی، ائماندان گلن صالحلئیئن مؤهورونی کی، ختنه اولونمامیشدان دا وار ائدی، اِله کی، او، بوتون او آداملارین دا آتاسی اولسون کی، ختنه اولونمادیقلاری حالدا ائمان گتئرئرلر کی، اولار دا صالح ساییلسینلار. 12بله ده آتامیز ائبراهئم ختنه اهلئنه ده آتا دیر، یعنی نه فقط اولارا کی ختنه اولوبلار بلکی اولارا دا کی، ائمان یولوندا یرئیئرلر. اله او یول کی بئزئم آتامیز ائبراهئم ده ختنه اولونماسیندان قاباق یرئیئردی.
13شرئعتئن واسئطهسی ائنن دیئلدی کی، ائبراهئم و اونون نسلئنه دونیانی مئراث آلاجاقلاری وعده ورئلدی، بلکه بو اونون اوچون ائدی کی، ائمان واسئطهسی ائنن صالح ساییلدیلار. 14چونکی اگر شرئعت ائنن یاشایانلار وارئث اولسالار، ائمان بوش اولار، وعده ده باطئل! 15بونا گؤره کی شرئعت تارینین قضبئنی گتئرئر؛ آمّا شرئعت اولمایان یرده، اونی آیاق آلتینا قویان دا اولماز.
16بونون اوچون ده، وعده ائمان واسئطهسی ائنن گلئر اله کی، اونون فیضی اوستونده اولسون و ائبراهئم پیغمبرئن بوتون نسلئنی بوروسون؛ یعنی نه فقط شرئعت طرفدارلارینا، بلکی اولارا دا کی ائبراهئمئن ائمانیندا شرئکدئرلر، اله او ائبراهئم کی هامیمیزین آتاسیدیر. 17نجه کی، یازیلیب؛ «سنی بئر چوخ خالقلارین آتاسی الهدئم.» و تارینین حوضوروندا دا اله دئر، او تاری کی ائبراهئم اونا ائناندی، او کی، اؤلولره حیات ورئر و اولمایان شیلری وارلیغا چاغیریر.
18اومئد اصلا یوخ اولاندا، ائبراهئم اومئد ائنن ائمان گتئردی و بله ده بئر چوخ خالقلارین آتاسی اولدی، نجه کی، اونا دیئلمئشدی ده کی، «سنئن نسلئن بله اولاجاق.» 19او ائمانیندا ضعئفلهمهدی و اؤزونون تخمئنَن یوز یاشلی بدنئنئن اؤلموش کئمی اولدوغونا اهمئیّت ورمهدی، سارانین دا بطنئنئن قیصیرلیغینا اهمئیّت ورمهدی. 20ائبراهئم تارینین وعدهسئنه ائمانسیزلیق ائنان شک الهمهدی، بلکی ائمانیندا مؤحکم اولوب تارینی جلال وردی. 21او آرخایین ائدی کی، تاری، وردئیی وعدهنی یرئنه یتئرمهیه قادئردئر. 22بونا گؤره ده، ائمانی اونا صالحلئک ساییلدی. 23«صالحلئک ساییلدی» سؤزلری آنجاق اونون اوچون یازیلمادی، 24بئزئم اوچون ده یازیلدی کی، تاری بئزه صالحلئک سایاجاق؛ بئزه ده کی، ربّئمئز عئسانی اؤلولردن دئرئلدهنه ائمان گتئرمئشئک؛ 25اله او عئسا کی، بئزئم گوناهلاریمیزدان اؤتری اؤلومه تسلئم اولوندی و بئزئم صالح ساییلماغیمیز اوچون دئرئلدئلدی.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company