حوارئلرئن ائشلری 15
15
اورشلئم شوراسی
1یهودئیهدن بعضی آداملار گلئب قارداشلارا تعلئم ورئردئلر کی، «اگر موسا پیغمبردن قالان رسمه گؤره ختنه اولمایاسیز، نئجات تاپا بئلمزسئز.» 2پولوس و بارنابا اولار ائنان چوخ چکئشئب بحث الهیندن سورا، بو قرار ورئلدی کی، پولوس و بارنابا و بئر نچه آیری آدام، بو مسله اوچون اورشلئمه، حوارئلرئن و آغساقّاللارین یانینا گتسئنلر. 3بله ده، کئلئسا طرفئندن گؤندَرئلئب، فئنئقئیه و سامئره منطقهلرئندن کچنده قیرییهودئلرئن ائمان گتئرمکلرئنی نقل الهدئلر و قارداشلارا بؤیوک شادلیق وردئلر. 4اورشلئمه چاتدیقلاری زامان، کئلئسا، حوارئلر و آغساقّاللار طرفئندن قبول اولوندولار و تارینین اولارین واسئطهسی ائنن الهدئیی بوتون شیلری خبر وردئلر. 5آمّا فرئسی فئرقهسئندن اولان بعضی ائمانلیلار قالخیب ددئلر: «بو اولارا لازیمدیر کی، ختنه اولسونلار و تاپشیریلسینلار کی، موسانین شرئعتئنی رئعایت الهسئنلر.»
6حوارئلر و آغساقّاللار بئر یره ییغیلدیلار کی، بو مسلهیه یِتئشسئنلر. 7و چوخ بحث الهیندن سورا، پطروس آیاغا قالخیب اولارا ددی: «قارداشلار! سئز بئلئرسئز کی، اوّلکی گونلردن، تاری منی سچدی کی، قیرییهودئلر ائنجئلئن خوش خبرئنی منئم آغزیمدان اشئدئب ائمان گتئرسئنلر. 8و اورَکلری بئلن تاری، بئزه وردئیی کئمی، اولارا دا موقدّس روحونی ورمک ائنن گؤرستدی کی، اولاری قبول الهیئب. 9تاری بئز ائنن اولارین آراسیندا هچ بئر فرق قویمادی، بلکی اولارین اورَکلرئنی ده ائمان واسئطهسی ائنن تمئزلهدی. 10ائندی نئیه تارینی ائمتاحانا چکئب، او یوغی شاگئردلرئن بوینونا قویورسوز کی، نه آتالاریمیز، نه ده اؤزوموز اونی داشییا بئلئردئک؟! 11آمّا بئز ده اولار کئمی بونا ائنانیریق کی، رب عئسانین فیضی ائنن نئجات تاپیریق.»
12بوتون جاماعات ساکئت اولدولار و بارنابا و پولوسا قولاق آسدیلار. اولار نقل الهیئردئلر کی، تاری اولارین واسئطهسی ائنن قیرییهودئلر آراسیندا نه علامتلر و عجایئبلر الهیئب. 13اولار دانیشماقدان دایاناندان سورا، یعقوب جاواب ورئب ددی: «قارداشلار! منه قولاق آسین. 14شمعون نقل الهدی کی، نجه تاری اوّلده قیرییهودئلره مرحمت گؤرستدی کی، اولارین آراسیندان اؤز آدی اوچون بئر خالق تشکئل ورسئن. 15پیغمبرلرئن سؤزلری بونی تصدئق الهیئر، نجه کی، یازیلیب:
16«”بوندان سورا، دؤنهجهیم
و داوودون ییخیلمیش چادیرینی تزهدن قوراجاغام؛
وئرانهلرئنی تزهدن بئنا الئیهجهیم
و اونی گئنه تعمئر الئیهجهیم
17اله کی قالان ائنسانلار ربّی آختارسینلار،
حتّا بوتون او قیرییهودئلر ده کی، منئم آدیم اولارین اوستوندهدئر.
بولاری رب دیئر،
18او کی، بو شیلری ازلدن بئلدئرئر.“
19«بونا گؤره، من بله مصلحت گؤرورَم کی، تارییا دؤنَن قیرییهودئلره زحمت ورمهیک. 20آمّا اولارا یازاق کی، اؤزلرئنی بوتلره تقدئم اولونان نجئس اولموش شیلردن، عئفّتسئزلئکدن، بوغولموش حیوانلارین اَتئندن و قاندان اوزاق ساخلاسینلار. 21چونکی قدئم نسئللردن بری موسا پیغمبرئن هر شهرده آداملاری وار کی، اونون بارهسئنده وعظ الهیئرلر و هر موقدّس شنبه گونی اونون یازیلاری عئبادتگاهلاردا اوخونور.»
شورانین نامه سی قیری یهودئلره
22او زامان حوارئلره، آغساقّاللارا و بوتون کئلئسایا یاخشی بو گؤروندی کی، اؤز آرالاریندان آداملار سچئب، اولاری پولوس و بارنابا ائنن انطاکئیهیه گؤندَرسئنلر. اولار بارساباس چاغیریلان یهودا و سئلاسی کی، قارداشلار آراسیندا رهبرلئک الهیئردئلر، سچدئلر. 23و اولارین اَلی ائنن بو نامهنی گؤندَردئلر:
«حوارئلر و قارداشلار اولان آغساقّاللاردان،
انطاکئیه، سورئیه و قئلئقئیهده اولان قیرییهودی قارداشلارا،
سالام.
24اِشئتمئشئک کی، بئزئم آرامیزدان بعضئلر چیخیب اؤز سؤزلری ائنن سئزی پرئشان الهیئب، جانلاریزی دا ائضطئرابا سالیبلار. حال بو کی، بئز اولارا بله بئر شی تعلئم ورمهمئشئک. 25اونا گؤره بئز بئر فئکئر ائنن بله مصلحت گؤردوک کی، آداملار سچئب، سودئیئمئز پولوس و بارنابا ائنن برابر سئزئن یانیزا گؤندَرَک 26کی، اؤز جانلارینی ربّئمئز عئسا مسئحئن آدی یولوندا قویوبلار. 27بله ده، بئز یهودا و سئلاسی گؤندَردئک کی، اولار اؤزلری همن بو شیلری شفاهی سئزه بیان الئیهجکلر. 28چونکی تارینین موقدّس روحونا و بئزه یاخشی او گؤروندی کی، واجئب اولان بو قایدالاردان باشقا، سئزئن اوستوزه آرتیق یوک قویمایاق. 29بو کی، اؤزوزی بوتلره تقدئم اولونموشلاردان، قاندان، بوغولموش حیوانلارین اَتئندن و عئفّتسئزلئکدن اوزاق ساخلایاسیز. اگر بو زادلاردان اؤزوزی اوزاق ساخلایاسیز، یاخشی الهیئرسئز. سالامات اولون.»
30بله ده اولار یولا سالیناندان سورا، انطاکئیه شهرئنه گتدئلر و جاماعاتی بئر یره ییغیب نامهنی تقدئم الهدئلر. 31و اولار بونی اوخویاندان سورا، اوندا اولان تشوئقدن سوئندئلر. 32یهودا و سئلاس اؤزلری ده پیغمبر اولدوقلاریندان، چوخ سؤزلر ائنن قارداشلاری تشوئق الهیئب قووّتلَندئردئلر. 33پس اوردا بئر مودّت قالاندان سورا، قارداشلار اولاری سالاماتلیق ائنان، اولاری گؤندَرَنلرئن یانینا قایتاردیلار. 34آمّا پولوس و بارنابا انطاکئیه ده قالدیلار. 35و آیری بئر چوخلاری ائنن برابر ربّئن کلامینی تعلئم ورئب اعلان الهیئردئلر.
پولوس و بارنابا آراسیندا اولان بحث
36بئر نچه گوندن سورا، پولوس بارنابایا ددی: «گل دؤنوب، ربّئن کلامینی اعلان الهدئیئمئز هر شهرده قارداشلارین گؤروشویونه گدک و گؤرک نجهدئرلر.» 37بارنابا چوخ ائستهیئردی کی، یوحنّا چاغیریلان مرقوسی دا اؤزلری ائنن آپارسینلار. 38آمّا پولوس مصلحت گؤرموردی کی، پامفئلئیهده اولاردان آیریلان و اولار ائنان ائشه گتمهین بئر آدامی اؤزلری ائنن آپارسینلار. 39و آرالاریندا اله ائتی بئر بحث دوشدی کی، بئربئرلرئندن آیریلدیلار و بارنابا مرقوسی اؤزی ائنن گؤتوروب گمی ائنن قئبرئسه گتدی؛ 40آمّا پولوس سئلاسی سچدی و قارداشلار طرفئندن ربّئن فیضئنه تاپشیریلیب یولا دوشدی. 41او سورئیه و قئلئقئیه ائچئندن سفر الهیئب، کئلئسالاری قووّتلَندئرئردی.
اکنون انتخاب شده:
حوارئلرئن ائشلری 15: CAB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company
حوارئلرئن ائشلری 15
15
اورشلئم شوراسی
1یهودئیهدن بعضی آداملار گلئب قارداشلارا تعلئم ورئردئلر کی، «اگر موسا پیغمبردن قالان رسمه گؤره ختنه اولمایاسیز، نئجات تاپا بئلمزسئز.» 2پولوس و بارنابا اولار ائنان چوخ چکئشئب بحث الهیندن سورا، بو قرار ورئلدی کی، پولوس و بارنابا و بئر نچه آیری آدام، بو مسله اوچون اورشلئمه، حوارئلرئن و آغساقّاللارین یانینا گتسئنلر. 3بله ده، کئلئسا طرفئندن گؤندَرئلئب، فئنئقئیه و سامئره منطقهلرئندن کچنده قیرییهودئلرئن ائمان گتئرمکلرئنی نقل الهدئلر و قارداشلارا بؤیوک شادلیق وردئلر. 4اورشلئمه چاتدیقلاری زامان، کئلئسا، حوارئلر و آغساقّاللار طرفئندن قبول اولوندولار و تارینین اولارین واسئطهسی ائنن الهدئیی بوتون شیلری خبر وردئلر. 5آمّا فرئسی فئرقهسئندن اولان بعضی ائمانلیلار قالخیب ددئلر: «بو اولارا لازیمدیر کی، ختنه اولسونلار و تاپشیریلسینلار کی، موسانین شرئعتئنی رئعایت الهسئنلر.»
6حوارئلر و آغساقّاللار بئر یره ییغیلدیلار کی، بو مسلهیه یِتئشسئنلر. 7و چوخ بحث الهیندن سورا، پطروس آیاغا قالخیب اولارا ددی: «قارداشلار! سئز بئلئرسئز کی، اوّلکی گونلردن، تاری منی سچدی کی، قیرییهودئلر ائنجئلئن خوش خبرئنی منئم آغزیمدان اشئدئب ائمان گتئرسئنلر. 8و اورَکلری بئلن تاری، بئزه وردئیی کئمی، اولارا دا موقدّس روحونی ورمک ائنن گؤرستدی کی، اولاری قبول الهیئب. 9تاری بئز ائنن اولارین آراسیندا هچ بئر فرق قویمادی، بلکی اولارین اورَکلرئنی ده ائمان واسئطهسی ائنن تمئزلهدی. 10ائندی نئیه تارینی ائمتاحانا چکئب، او یوغی شاگئردلرئن بوینونا قویورسوز کی، نه آتالاریمیز، نه ده اؤزوموز اونی داشییا بئلئردئک؟! 11آمّا بئز ده اولار کئمی بونا ائنانیریق کی، رب عئسانین فیضی ائنن نئجات تاپیریق.»
12بوتون جاماعات ساکئت اولدولار و بارنابا و پولوسا قولاق آسدیلار. اولار نقل الهیئردئلر کی، تاری اولارین واسئطهسی ائنن قیرییهودئلر آراسیندا نه علامتلر و عجایئبلر الهیئب. 13اولار دانیشماقدان دایاناندان سورا، یعقوب جاواب ورئب ددی: «قارداشلار! منه قولاق آسین. 14شمعون نقل الهدی کی، نجه تاری اوّلده قیرییهودئلره مرحمت گؤرستدی کی، اولارین آراسیندان اؤز آدی اوچون بئر خالق تشکئل ورسئن. 15پیغمبرلرئن سؤزلری بونی تصدئق الهیئر، نجه کی، یازیلیب:
16«”بوندان سورا، دؤنهجهیم
و داوودون ییخیلمیش چادیرینی تزهدن قوراجاغام؛
وئرانهلرئنی تزهدن بئنا الئیهجهیم
و اونی گئنه تعمئر الئیهجهیم
17اله کی قالان ائنسانلار ربّی آختارسینلار،
حتّا بوتون او قیرییهودئلر ده کی، منئم آدیم اولارین اوستوندهدئر.
بولاری رب دیئر،
18او کی، بو شیلری ازلدن بئلدئرئر.“
19«بونا گؤره، من بله مصلحت گؤرورَم کی، تارییا دؤنَن قیرییهودئلره زحمت ورمهیک. 20آمّا اولارا یازاق کی، اؤزلرئنی بوتلره تقدئم اولونان نجئس اولموش شیلردن، عئفّتسئزلئکدن، بوغولموش حیوانلارین اَتئندن و قاندان اوزاق ساخلاسینلار. 21چونکی قدئم نسئللردن بری موسا پیغمبرئن هر شهرده آداملاری وار کی، اونون بارهسئنده وعظ الهیئرلر و هر موقدّس شنبه گونی اونون یازیلاری عئبادتگاهلاردا اوخونور.»
شورانین نامه سی قیری یهودئلره
22او زامان حوارئلره، آغساقّاللارا و بوتون کئلئسایا یاخشی بو گؤروندی کی، اؤز آرالاریندان آداملار سچئب، اولاری پولوس و بارنابا ائنن انطاکئیهیه گؤندَرسئنلر. اولار بارساباس چاغیریلان یهودا و سئلاسی کی، قارداشلار آراسیندا رهبرلئک الهیئردئلر، سچدئلر. 23و اولارین اَلی ائنن بو نامهنی گؤندَردئلر:
«حوارئلر و قارداشلار اولان آغساقّاللاردان،
انطاکئیه، سورئیه و قئلئقئیهده اولان قیرییهودی قارداشلارا،
سالام.
24اِشئتمئشئک کی، بئزئم آرامیزدان بعضئلر چیخیب اؤز سؤزلری ائنن سئزی پرئشان الهیئب، جانلاریزی دا ائضطئرابا سالیبلار. حال بو کی، بئز اولارا بله بئر شی تعلئم ورمهمئشئک. 25اونا گؤره بئز بئر فئکئر ائنن بله مصلحت گؤردوک کی، آداملار سچئب، سودئیئمئز پولوس و بارنابا ائنن برابر سئزئن یانیزا گؤندَرَک 26کی، اؤز جانلارینی ربّئمئز عئسا مسئحئن آدی یولوندا قویوبلار. 27بله ده، بئز یهودا و سئلاسی گؤندَردئک کی، اولار اؤزلری همن بو شیلری شفاهی سئزه بیان الئیهجکلر. 28چونکی تارینین موقدّس روحونا و بئزه یاخشی او گؤروندی کی، واجئب اولان بو قایدالاردان باشقا، سئزئن اوستوزه آرتیق یوک قویمایاق. 29بو کی، اؤزوزی بوتلره تقدئم اولونموشلاردان، قاندان، بوغولموش حیوانلارین اَتئندن و عئفّتسئزلئکدن اوزاق ساخلایاسیز. اگر بو زادلاردان اؤزوزی اوزاق ساخلایاسیز، یاخشی الهیئرسئز. سالامات اولون.»
30بله ده اولار یولا سالیناندان سورا، انطاکئیه شهرئنه گتدئلر و جاماعاتی بئر یره ییغیب نامهنی تقدئم الهدئلر. 31و اولار بونی اوخویاندان سورا، اوندا اولان تشوئقدن سوئندئلر. 32یهودا و سئلاس اؤزلری ده پیغمبر اولدوقلاریندان، چوخ سؤزلر ائنن قارداشلاری تشوئق الهیئب قووّتلَندئردئلر. 33پس اوردا بئر مودّت قالاندان سورا، قارداشلار اولاری سالاماتلیق ائنان، اولاری گؤندَرَنلرئن یانینا قایتاردیلار. 34آمّا پولوس و بارنابا انطاکئیه ده قالدیلار. 35و آیری بئر چوخلاری ائنن برابر ربّئن کلامینی تعلئم ورئب اعلان الهیئردئلر.
پولوس و بارنابا آراسیندا اولان بحث
36بئر نچه گوندن سورا، پولوس بارنابایا ددی: «گل دؤنوب، ربّئن کلامینی اعلان الهدئیئمئز هر شهرده قارداشلارین گؤروشویونه گدک و گؤرک نجهدئرلر.» 37بارنابا چوخ ائستهیئردی کی، یوحنّا چاغیریلان مرقوسی دا اؤزلری ائنن آپارسینلار. 38آمّا پولوس مصلحت گؤرموردی کی، پامفئلئیهده اولاردان آیریلان و اولار ائنان ائشه گتمهین بئر آدامی اؤزلری ائنن آپارسینلار. 39و آرالاریندا اله ائتی بئر بحث دوشدی کی، بئربئرلرئندن آیریلدیلار و بارنابا مرقوسی اؤزی ائنن گؤتوروب گمی ائنن قئبرئسه گتدی؛ 40آمّا پولوس سئلاسی سچدی و قارداشلار طرفئندن ربّئن فیضئنه تاپشیریلیب یولا دوشدی. 41او سورئیه و قئلئقئیه ائچئندن سفر الهیئب، کئلئسالاری قووّتلَندئرئردی.
اکنون انتخاب شده:
:
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company