ሉቃሳ 1
1
1ቦንቾ ተዎፍሎሳ፥ ኑ ግዳ ፎልንትደ ባዝስ ጋሙን፥ ፋስ ዳንዳእንትደ ጋር ጻፍዳ። 2ይና ታሪክቶ ኡን ጻፍዳና ቲኖፓ አይኪ ኣፈ ማርኩንን ቃላ ጻፊ ኑስ ኦህዳኖ። 3ታንን ታ ባጋራ ቲኖፓ ቆፒ ብእዳንፓ ሱባ ይና ታሪክታ Ꮉንዳኖ ሉልዚ ኔስ ተዎፍሎሳስ ጻፍዛና ታስ ሎኦ ማቂ በንትዳ። 4ይናን፥ ነ ታማርዳና ቱሮ ማቅዳኖ ኤርሶደስ።
ጻማቅዘ ዋሐንሳ የልንተ
5ይሁዳ ካት ሄሮድሳ ዎደ አብያ ባጋፓ ማቅደ ዛካርያሳ ጋዘ አይሁደ ካህነ የነ። ኤ ማችታን አሮና ኮቻፓ። እ ሱንታን ኤልሳቤጦ።#1 ዜና 24:10 6ላምኡንን ላ ዎጋን ኪቶ ኡባ ናጊ ቦረ ባይዝን ጾዘ ቲንተ ጽሎትራ የዝዳ። 7ይኦፕ አትን ኤልሳቤጣ ኦን ማቅደ ግሾ ኡንትስ ናአ ባያ። ላምኡንን ጭንግዳ።
8ፈቲ ዎደ ዛካርያሳ ፋ ታርቲ ወደ ጾዘ ቲኖ ካህነትራ ኦቻነ። 9ካህነት ዎጋራ ጾዘ ኬ ገሊ እጻነ ጩግሳደስ ኤዛ እጻ የልዳ። 10እጻነ ጩግዘ ዎደ አሱን ኡባ ባለ ዎሳነ።
11ላ ኪታንችዘ ዣርሾ ዣርሽዘ በስትፓ ምዛቅ ዛላራ ኤቂ በንትዳ። 12ዛካርያሳ ኤዛ ብእ ታኒ ጋማ ዣሽትዳ። 13የዝን ኪታንችዘ ኤጎ፥ «ዛካርያሳ ዣሽትፐ፤ ነ ዎስታ ስንትዳ። ነ ማችታ ኤልሳቤጣ ራ ናአ የሎዳ፥ ኤዛ ዋሐንሳ ጋእ ነ ሱንዳ። 14ኤ ኔስ ዋሎን ኡፋይስ ማቃዳ፤ ጋሙን ኤ የልንተ ኡፋይቶዳ። 15ላ ቲኖ ኤ ዳማ ማቃዳ፤ ዎይነ ኡሺ ማቅን መለ ማዘ ኡሺ ኡዣማ። ፋ እንቲ ሳዝተ የዛራ ጌሽ አያናራ ኩሞዳ።#ፋይዶ 6:3 16እስራኤለ አሱንፓ ጋሙንና ፋ ላ፥ ጾዘጎ ማሆዳ። 17አዱን ዎዝንቶ ናኡንጎ ማሆዳ፥ ኪትንቶሱንና ጽሎት ጭንጫትጎ ማሆደ ጋር፥ ላስ ኮሽዘ ዎርዣ ጊግሳደስ ኤልያሳ አያናራን ዎልቃራ ላ ቲንተ Ꮉማዳ» ያጋይዳ።#ሚል. 4:5-6
18ዛካርያሳ ኪታንችዘጎ፥ «ታ ይኖ አኮራ ኤሮደ? ታራን ታ ማችትራ ጭንግዳ» ጋይዳ።
19ኪታንችዘ ማህ፥ «ታኒ ጾዘ ቲንተ ኤቅዘ ጋብርኤለ። Ꮉና ምስራችቶ ኔስ ኦሆደስ ጾዛፓ ኪትንትዳ።#ዳነ. 8:16፤ 9:21 20ይኬ፥ ዎድቶ ናጊ ፎልንቶደ ታ ቃልቶ ነ አማናንጽ እጽደ ግሾ Ꮉና ፎልንቶደ ዎንስ ነ ዶንታ ሙመ ማቃዳ፥ ኦህንቶደስን ነ ዳንዳአማ» ያጋይዳ።
21የ ዎደ ዛካርያሳ ጾዘ ኬተ ገሊ ጋምእደ ግሾ አኮ ይእዶ ጋእ አሱን ባለ ናግተራ ጋምእዳ። 22ኤ ባለ ኬዚ ኡንታና ኦህሳደስ ዳንዳእካያ። ማላ ኩሸራ ቤዛንፕ አትን ኦህንቶደስ ዳንዳኦሳኖ ብእደ ዎደ ቆንጭ ብእዳኖ ኤርዳ።
23ዛካርያሳ ኦቻ ዎድቶ ፎሊ ፋ ካራ ማቅዳ። 24ይንፓ ሱባ፥ ኤ ማችታ ኤልሳቤጣ ዎዳጽዳ። እችን አግና ኩሙ ፋና ጌን አስስ በንትካይዛራ ጋምእዳ። 25እዛ፥ «ላ ፋ ማሮትተ ታ ቶችቶ አስ ግዳፓ Ꮉሶደስ ብእ Ꮉና ዎድተ Ꮉኖ ታስ ኦችዳ» ያጋይዳ።
የሱሳ የልንቶዳና ቲን ኦህንትዳ
26ኤልሳቤጣ ዎዳጽዳንፓ እዝፑን አግንተ፥ ጾዚ ኪታንቾ ጋብርኤለ ጋልላ ጋደ የዘ ናዝረተ ካታማ ኪትዳ። 27ኤዝን ዮሰፋ ጋዘ ካት ዳዉተ ኮቻፓ ማቅደ አስ ኦጭንትደ ዉዱርትጎ ኪትንትዳ። ይና ዉዱርታ ማይራሞ ጋእንታነ።#ማቶ. 1:18 28ኪታንቾ ኢጎ Ꮉንግ፥ «ጋማ ካንትዳነ፥ ሳሮ ኔስ ማቀ፥ ጾዚ ኔራ የነ» ያጋይዳ።
29ማይራማ ኤ ኦህተ ጋማ ታኒ፥ «Ꮉና አኮ ሳር» ጋእ ቆፕዳ። 30ኪታንችዘ ማህ፥ «ማይራመ፥ ዣሽትፐ፤ ነ ጾዘ ቲንተ ናሾ ደንግዳ። 31ይኬ ነ ዎዳጾዳ ራ ናአ የሎዳ፥ ኤ ሱንቶን የሱሳ ጋእ ሱንዳ።#ማቶ. 1:21 32ኤ ዳማ ማቃዳ፥ ኡባፓ ካታራ ጾዘ ናአ ጋእንት ጼግንቶዳ። ላ ጾዘ ኤ አዳይ ዳዉተ አራታ ኤስ እንጎዳ።#2 ሳመ. 7:12-13፥ 16፤ ኢሳ. 9:7 33ኤ ያይቆባ ኮቻላ አፋ መዽና ካእቶዳ፤ ኤ ካእቱምትስ Ꮉልኤ ባያ» ያጋይዳ።
34ማይራማ ኪታንችዘጎ፥ «ይና ዋይዝ Ꮉኖደ? ታ ራራ የልንትካያ» ያጋይዳ።
35ኪታንችዘ ማህ፥ «ጌሽ አያና ኔላ አፋ ዎዳ፥ ኡባፓ ካታራ ጾዘ ዎልቅታ ኔላ አፋ ሸምፖዳ። ይኒ ግሾ፥ የልንትደ ጌሽ ናአይ ጾዘ ናአ ጋእንቶዳ። 36ይኬ፥ ነ እግንታ ኤልሳቤጣ ፋ ጭማት ላይተ ራ ናአ ዎዳጽዳ። እዛ ን ጋእንትዳኖ፥ የዝን Ꮉተ እዝፑን አግና አይክዳ። 37ጾዛ ጋምዘባዝ ባያ»#መ 18:14 ያጋይዳ።
38ማይራማ፥ «ዬዛኮ፥ ታኒ ላ አርትስ፥ ነ ቃልት ጋር ታስ ይኦ» ያጋይዳ። ይንፓ ሱባ፥ ኪታንችዘ ኢፓ ሻክንትዳ።
39ማይራማ ይና ሳምንተ ደንዲ ይሁዳ ሳአ የዘ ፈቲ አለ ካታማ ቅትዳ። 40ዛካርያሳ ካራ ገሊ ኤልሳቤጦ ሳሮዳ። 41ኤልሳቤጣ ማይራማ ሳሮዛኖ ስእዘ ዎደ እ ሳዝተ የዘ ናአይ ኡፋይሳራ ዶልዳ። ኤልሳቤጣ ጌሽ አያናራ ኩሚ፥ 42ፋ ቃልቶ ቅ ዪዚ፥ «ኔኒ ማቹንፓ አንጅንትዳኖ፥ ነ ዎዳጽደ ናአይን አንጅንትዳያ። 43ይኦ የዝን፥ ታ ላ እንተ፥ ኔኒ ታጎ የኦደ ጋር ታ ኦደ? 44ይኬ ነ ሳሮትቶ ታ ስእዘ ዎደ ታ ሳዝተ የዘ ናአይ ኡፋይሳፓ ዶልዳ። 45ላ ፎሎዳ ጋእ እንግደ ቃልቶ አማንዳና፥ እዛ አንጅንትዳኖ» ያጋይዳ።
ማይራም ማዝሙረ
46ማይራማ Ꮉኒ ጋራ ያጋይዳ፦
«ታ ሸምፕታ ላ ቦንቻነ፥#1 ሳመ. 2:1-10
47ታ አያንዘ ጋላ ጾዘላ ኡፋይታነ።
48ኤ ፋ አርቲ ቶችቶ ብእዳ።
Ꮉይኖፓ አይኪ የለት ኡባ ታና አንጅንትዳኖ ጋኦዳ።#1 ሳመ. 1:11
49ዎልቃማ ማቅደ ኤ፥ ታስ ዳማ ባዝ ኦችዳ።
ኤ ሱንታ ጌሽ።
50ኤዛ ቦንችዙንላ አፋ፥
ኤ ማሮትታ መናፓ መዽና የሎደስ።
51ፋ ቀስተ ምን ባዝ ኦችዳ፥
ፋ ዎዝንተ ኡቱርትዙንና ላልዳ።
52ዳማ ካቱንና አራትዘፓ ዎዝዳ፤
ፋ ኦምቶ ቶችዙንና ቦንችዳ።#ኢዮ. 5:11፤ 12:19
53ናይዱንና ሎኦ ባዛራ ምሽዳ፥
የዝን ዱሩንና ካሎ ኩሸ ዳክዳ።
54ፋ ማሮትቶ ቆፒ፥
ፋ አርዛ እስራኤለ ማድዳ።
55ይናን ኑ አዱንስ ኦህደ ቃላ፥
አብራሃማስን ኤ ዛርትስ ጋእዳኖ መናስ ፎሎደስ»#1 ሳመ. 2:1-10#መ 17:7
ያጋይዳ።
56ማይራማ ኤልሳቤጥ ካለ Ꮉይ አግና ጋር ጋምእ ፋ ካራ ማቅዳ።
ጻማቅዘ ዋሐንሳ የልንተ
57ኤልሳቤጥስ የሎ ቃማ የልን ራ ናአ የልዳ። 58እ ዶንን እ እግኑን ላ ዳማ ማሮት ኦችዳኖ ስእ፥ ኢራ ዎላ ኡፋይትዳ። 59ኦስፉን ቃምተ ዦጋ ናአያ ጋራዞደስ ይእዳ። ኤ አዳይ ሱንተ ዛካርያሳ ጋእ ሱንደስ ኮይዳ።#ሌዌ 12:3 60የዝን እንታ፥ «አደ፥ ዋሐንሳ ጋእንቶደስ ቤዛነ» ያጋይዳ። 61ኡንትን፥ «ነ እግኑፓ Ꮉይ ሱንራ ጼግንትደ ኦደን ባያ» ያጋይዳ። 62ኤ አዳይ ኦና ጋእ ሱንድ የዛኮ ኤሮደስ ኮይ ኤዛ ማላ ኦጭዳ። 63ኤ ጻፍዘባዝ ኦጪ ኤኪ፥ «ኤ ሱንታ ዋሐንሳ» ጋእ ጻፍዳ። ኡቡን ኤ ጻፍዳኖ ብእ ጋማ ቆፕዳ። 64ኢራ ዛካርያሳ እልአንታ ብልንትዳ፥ ጾዝ ጋላትተራ ኦህንተ አይክዳ። 65ዶን ኡባ ዣሽሞራ ኩምዳ። Ꮉና Ꮉንዳና አለ ይሁዳ ሳአ ኦህንትዳ። 66ይኖ ስኤዘ ኡቡን፥ «Ꮉይ ናአይ አኮ ይአድ የሳ?» ጋእ ፋ ግዳ ኦህንትዳ። ላ ኩሽታ ኤራ የነ።
ዛካርያሳ ትንቢተ
67ዋሐንሳ አዳይ ዛካርያሳ ጌሽ አያናራ ኩሚ Ꮉኒ ጋራ ያጋእ ትንቢተ ኦህዳ።
68«እስራኤለ ላ ጾዘ ጋላትንቶ፥
ይእ ፋ አሱንና ዎዝዳ።
69ፋ አርዘ ዳዉተ ኬ
አቶት ዎልቃ ደንዳ።
70ይናን ዛጋ ዎደ ጌሽ ናቡን ዶንተ ኦህንትዳን ፋና፥
71ኤ አሽታ ኑ ሞርኩንፓን
ኑራ ኦልንትዘ ኡቡን ኩሽትፓ።
72ይኖ ኤ ኦችዳና ኑ አዱንስ ፋ ማሮትቶ ቤሳደስን፥
ፋ ጌሽ ጫቅቶ ናጎደስ።
73ኑ አዳይ አብራሃማስ ጫቂደ
ጫቅቶ ቆፖደስን
74ኑ ሞርኩን ኩሽትፓ ኬሲ
ዣሽሞ ባይ ኤዛ ኪትንቶደ ፋና።
75ኑ በርተ ኡባነ ጌሻትራን ጽሎትራ
ፋ ቲንተ ኑና ኤሶደስ።
76ታ ናአዮ፥ ኔኒ ኡባፓ ካታራ ጾዘ ናበ ጋእንቶዳ።#ሚል. 3:1
ላ ኦግቶ ሎይደስ ነ ኤ ቲንተ Ꮉንጎዳ።
77ኡን ናጋርታ ኡጭንትን፥
ኡን አቶት ኤራ ደንጎዳኖ ነ ላ ዎርዥትስ ኦሆዳ።
78ኑ ጾዘ ሎኦ ማሮትትፓ ደንዲ
ዎንታ ጻልቀ ኑስ ሳሎፓ ከዝዳ።
79ይናን ማ ግዳን፥
Ꮉይቆ ዳሾ ኦሞ የዙንስ ፎእሳደስ፥
ኑ ቶህቶን ሳሮ ኦገጎ ማሆደስ»
ያጋይዳ።#ኢሳ. 9:2
80ናአይ ድጭዳ፥ አያናራ ምንግዳ፥ እስራኤለ አሱንስ በንቶደ ዎንስ አኮ ባይዘ ጋናሳ የዝዳ።
اکنون انتخاب شده:
ሉቃሳ 1: OydaNTE
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Word for the World Ethiopia
