ማቶሳ 21
21
የሱሳ ግታ ቦንቾር የሩሳላመ ገሌዛ
(ማር. 11:1-11፤ ሉቃ. 19:28-40፤ ዋን. 12:12-19)
1የሱሳራ ኤ ታማርታይራ የሩሳላመ ኡኪ፥ ደብረ ዛይተ አምባል አፋ የዝ ቤተፋገ ግዝ ሄራ ሄልታር፥ የሱሳ ፋ ታማርታይፕ ናምእታ ፓፕ ቲና ኪቴዛ፦ 2«ይ ቲና የዝ ሄራ Ꮊንጎይታ። ኤዛይድ ፐቲ ሀረ አቻ የዛኖ እ ናአይራ ይ ኤልሲ ደማዳ። ኡንታን ብሊ Ꮊና ኤኪ የኦይታ። 3ኦንካ ይንታን ኦይጭኮ፥ ‹ጎዳይ ኡንታን ኮይዛ› ዬጎይታ። ኤ ኡንታን ኤልሲ ዳኮዳ» ዬጌዛ። 4ናባይ፥
5«ጽዮነ ካታማ፥
‹ይኬ፥ ነ ካታይ አሽከ ማቂ፥ ሀረል አፋኔ
ሀረ ናአል አፋ በቲ፥ ኔኮ ይእዛ› ዬጎይታ»
ዬጊ ጻፌዛይ ፖልንቶድ ጋርክ የይ ሀኔዛ።#ዛክ. 9:9
6ኤ ታማርታይ Ꮊንጊ የሱሳ ኡንታን አዛዜዛይ ጋርክ ኦዛ። 7ሀርቶኔ ሀረ ናአ ክኢ አፋር ማኤዝ ፋ አፍላ ኡ ዞካይል ኦሌዛ። የሱሳ አፍላይል አፋ በቴዛ። 8ዎያይ ፋ አፍላ ኦገል ሂጼዛ። Ꮊንክታይ ሀራታ ሻቂ ኦገል ኦሌዛ። 9የሱሳፕ ቲናር የዝታይኔ ኤዛፕ ጉየር ካልዛ ዎይታይ፥
«ሆሳና!#21:9 ሆሳና፦ እብራይስጸ ዶናር ሆሳና ጉሳይ «ኑና አሾባ ጉሲ።» ማ አሳይ ጾስ ጋላቶዳይስ ማድንትዛ ቃላ። ዳዉተ ናአይ ጋላትንቶ!
ጎዳይ ሱንር ይእዛይ አንጅንቴዛያ!
ቦንቾ ኡባፕ ቃ ሳሎ ጾሳይስ ማቆ!»
ዬጊ ኡኬዛ።#ማዝ. 118:25
10የሱሳ የሩሳላመ ካታማ ገሌዝ ዎደ የ ካታማ የዝ አስ ኡቢታይ፥ «Ꮊይ ኦኖ?» ዬጊ ሻርክሻርኬዛ።
11አሳይ፥ «Ꮊይ ጋልላ ቢታ የዝ ናዝረተ ካታማፕ የኤዝ ናበ የሱሳበ» ዬጌዛ።
የሱሳ ጾስ ኬ ገሌዛ
(ማር. 11:15-19፤ ሉቃ. 19:45-48፤ ዋን. 2:13-22)
12የሱሳ ጾስ ኬ ገሊ፥ ኤዛይድ ባይዝዝታኔ ዎንግዝታ ኡባ ባይኢ ባለ ከሴዛ። ሚሸ ላምዝታይ ጻርጴዝታኔ ሆልታ ባይዝዝታይ ኦይዲታ ሽሪ ኦሌዛ። 13ኤዝካ ኡንትኮ፥ «ጾስ ቃላይድ፥ ‹ታ ኬይ ጾስ ዎስዛ ኬ ግንትንቶዳ› ዬግንቲ ጻፍንቴዛ። ዝን ይ ፓንታይ ቆስንትዝ ኮምኦ ኡዴዛ» ዬጌዛ።#ኢሳ. 56:7፤ ኤርም. 7:11
14የሱሳ ጾስ ካራ ጋንጨ የዝን ቶእታይኔ ጉንዴዝታይ ኤዝኮ ይእን ኡንታን ፓዛ። 15ዝን ቄሰ ሀላቅታይኔ ህገ አስታማርታይ የሱሳ ኦዝ ማላትታ ብእዝታይኔ ጽቃ ናእታይ ጾስ ኬ ጋንጨ፥ «ዳዉተ ናአይ፥ ጋላትንቶ» ዬጊ ኡክዛና ስኢ ካጭንቴዛ። 16ኡ የሱሳኮ፥ «Ꮊይትታይ ግዛ ነ ስእኔ?» ዬጌዛ።
የሱሳ፥ «ኤ ስእዛ፥ ጾስ ቃላይድ፥ ‹ዱደ ናእታይ ዶናኔ ንግዝ ናእታይ ዶና ጋላታ ኩንዛ› ዬግንቲ ጻፍንቴዛና ይ ናባበካሳ?» ዬጌዛ። 17ኡንታን እዘ አሺ ብታና ካታማ Ꮊንጊ አቄዛ።
ጎዳይ ባዴዝ ባላሰ ምቶ
(ማር. 11:12-14፥ 20-24)
18የሱሳ ዎንታ ጉራ ካታማ ማቂ ይእታር ናይንቴዛ። 19ኦገ ጋጻ ፐቲ ባላሰ ምቶ ብኢ እዝኮ Ꮊንጌዛ። ዝን ሀየፕ አትን ሀራ አብካ ደንገካያ። የይ ግሾስ፥ እዞ፥ «Ꮊንፕ መናስ ኔፕ ኣፈ በንትፐ!» ዬጌዛ። የ ባላሰ ምታ እዝር መሌዛ።
20ኤ ታማርታይ የያ ብኢ፥ «Ꮊ ባላሳት ዋይዚ ኤልሲ መላረ?» ዬጊ ማላባዝ ጌዛ።
21የሱሳ ማሂ፥ «ታኒ ይንትስ ቱማ ኦድዛ፤ ይንትስ አማኖ ዬዛኮ፥ ማ ይ ስምጽኮ ባላሰል አፋ ታኒ ኦዛን ጋርክ ኣዳ ኦሚ፥ ዝን ‹Ꮊ አምባ ሾድንቲ አባ ጋንጨ ዎባ› ዬግኮ ይንትስ ሀኖዳ።#ማቶ. 17:20፤ 1ቆሮ. 13:2 22አማኒ ይ ዎስዛ ባዝ አባባዝ ማቅኮካ ይ ኤኮዳ» ዬጌዛ።
የሱሳ ማዉታይ ኦይጭንቴዛ
(ማር. 11:27-33፤ ሉቃ. 20:1-8)
23የሱሳ ጾሳ ኬ ገሊ ታማርሶዳር፥ ቄሰ ሀላቅታይኔ አይሁደ ጭምታይ ኤዝኮ ይኢ፥ «ኔኒ Ꮊያ ኡባ አባ ማዉተር ኦ? ኔስ Ꮊ ማዉታ እንጌዛይ ኦኖ?» ዬጊ ኦይጬዛ።
24የሱሳ ኡንትኮ፥ «ታንካ ይንታን ፐትባዝ ኦይጭዛ፤ ይ ታስ እዞ ማህኮ፥ ታኒ አባ ማዉተር ኦዛኮ ይንትስ ኦዶዳ። 25ዋንሳ ጻማቆድ ጋርክ ማዉታይ አናፕ እንግንቴኔ? ጾሳፐኔ አሳፔ?» ዬጌዛ።
ኡንቲ ዎል ጋንጨ ቶቢ፥ «ኑኒ፥ ‹ጾሳፕ› ጊኮ፥ ኤ ኑና፥ ‹የዝን አብስ አማነካሳ?› ጎዳ። 26ኑኒ፥ ‹አሳፔ› ጊኮ፥ አሲ ኡባይ ዋንሳና ናበ ኡዲ ብእዛ ግሾስ ዎያይ ኑና ያሽዛ» ዬጌዛ። 27የይ ግሾስ፥ «ኑኒ ኤሮያ» ዬጊ ማሄዛ።
ኤዝካ፥ «ይኬ፥ ታንካ Ꮊያ አባ ማዉተር ኦዛኮ ይንትስ ኦዳሚ» ዬጌዛ።
ናምኢ ናእታይ ኣዝሶ
28«የሱሳ ማቅካ Ꮊይ ጋርክ ዬጌዛ፦ ፐቲ አይስ ናምኢ ራ ናእታይ የዛ። የ አይ ባይራ ናአይኮ Ꮊንጊ፥ ‹ታ ናአዮ፥ Ꮊይኖ ዎይነ ጋንጨ Ꮊንጊ Ꮊንቶባ› ዬጌዛ። 29ናአይ ማሂ፥ ‹ኢእኖ Ꮊንጋሚ› ዬጌዛ። ዝን ጉየፐ ፋ ዎዝናር ቆፒ ኤኪ Ꮊንቶዳይስ ቅቴዛ። 30አዳይ ፋ ጉየ ናአይኮ Ꮊንጊ፥ ፋ ባይራ ናአይኮ ጌዛይ ጋርክ አዛዜዛ። ኤዝካ፥ ‹ኤሮ፥ ታ አዳዮ› ዬጌዛ። ዝን Ꮊንገካያ። 31Ꮊ ናምኢ ናእታይፕ ፋ አዳይስ አዛዝንቴዛይ ኣያ?» ዬጌዛ።
ኡንትካ፥ «ባይራ» ዬጌዛ።
የሱሳ ኡንትኮ፥ «ታ ይንትስ ቱማ ኦድዛ፤ ቃራጸ ጋችሽዝታይኔ ላምዝታይ ይንትፕ ቲናቲ ጾስ ካተት ገሎዳ። 32ጻማቅዛ ዋንሳ ሉሎ ኦገ ታማርስታር ይእን ኤ ግዛና ይ አማነካያ። ዝን ቃራጸ ጋችስዝታይኔ ላምዝታይ አማኔዛ። ይ ሀራ አቶዝን፥ ኡንታን ብእካ ይ ናጋራይፕ ማቂ አማነካያ» ዬጌዛ።#ሉቃ. 3:12፤ 7:29-30
ዎይነ ቱኪዝ አስታይ ኣዝሶ
(ማር. 12:1-12፤ ሉቃ. 20:9-19)
33ማካ የሱሳ Ꮊይ ጋርክ ዬጌዛ፤ «ሀራ ኣዝሶ ስኦይታ፥ ዎይነ ቱኬዝ ፐቲ አይ የዛ። የ ዎይነ ጋጻና ጋሴዛ። ዎይነ ቡልዝ ኦላካ ቦኬዛ። ዎይና ናጎዳይስ ሻኮካ ኮቼዛ። የይፕ ጉየ፥ ጋዳ ማታየ እንጊ ሀራ ጋደ ቅቴዛ።#ኢሳ. 5:1-2 34ዎይነ አፋ ማጽዛ ዎደ ሄልን ፋና ሄልዛ ባጋ ኤኪ የኦድ ጋርክ ፋ አይልታ ኡንትኮ ዳኬዛ። 35ማታየ ኤኬዝታይ ኤ አይልታ አይኪ ፐታ Ꮊዛ፥ Ꮊንካ ዎዛ ማ አቴዛና ሹቻር ሾጬዛ። 36ዎይነ አታክልተ ጎዳይ ካሴስታይፕ ጋመ ሀራ አይልታ ኪቴዛ። ማታየ ኤኬዝታይ ኡንታል ጉጅካ Ꮊንክታይል አፋ ኦዛይ ጋርክ ኦዛ። 37ዉርስል ኤ፥ ‹ታ ናአ ኡ ቦንቾዳ!› ዬጊ ፋ ናአ ኡንትኮ ኪቴዛ።
38«ዝን ማታየ ኤኬዝታይ ናአ ብኢ ዎል ጋንጨ ‹ጋዳ ላቶዳይ Ꮊያ፥ ኤዛ ዎ ጋዳ ኑኒ ኤኮዳ!› ዬጌዛ። 39ናአ አይኪ ዎይነ ጋንጨፐ ጋጻ ከሲ ዎዛ።
40«ይኬ፥ ዎይነ አታክልተ ጎዳይ ይኢ የ ማታየ ኤኬዝታ ዋይሳዴ?» ዬጊ ኦይጬዛ።
41ኡ ማሂ፥ «ኤ የ ኢታ አሳ ኢታ ዎ ዎ፥ ዎይናይ ካእዝ ዎደ ኤዛ ሄልዝ ባጋ ዎደር ዎደር እንግዛ ሀራ አስስ እማዳ» ዬጌዛ።
42የሱሳ ማሂ ኡንትኮ፥ ጾሳ ቃላይ፥
«‹ግምቢዝታይ ቦሪ እጼዝ ሹቻይ፥
ኬ ሙመር ቶክዛ ክርክሮ ጋርክ፥
ኡባፕ ኣዝ ሹች ማቄዛ።
Ꮊይ ጎዳይ ኦዝ ባዝ፤
ኑ ኣፋይስካ ማላ ባዝ›
ዬግንቲ ጻፍንቴዛና ይ ናባበካሳ?#ማዝ. 118:22
43«የይ ግሾስ፥ ታ ይንትስ ኦድዛ፤ ጾሳ ካተትይ ይንትፕ ኤክንቲ ሎኦ ኣፈ ኣፍዝ አስታይስ እንግንቶዳ። 44[Ꮊ ሹቻይል አፋ ዎዝ ኡቢታይ መቅቶዳ። ማ የ ሹቻይ ኤዛል አፋ ዎዝ አይካ ጋጭንቶዳ]»#21:44 ፐቲ ፐቲ ብኒ ማጻፍታይ ታይቦ 44 ጉጅዛ (ሉቃ። 20:18) ቦኦይታ። ዬጌዛ።
45ቄሰ ሀላቅታይኔ ፈርሳውታይ የሱሳ ኦዴዝ ኣዝሶ ፋና ኦዴዛና ኤሬዛ። 46ኡ የሱሳ አይኮዳይስ ኮዬዛ፥ ዝን አሳይ የሱሳ ናበ ኡዲ ብእዛ ግሾስ አሳይስ ያሽቴዛ።
اکنون انتخاب شده:
ማቶሳ 21: MeloNTEth
هایلایت
به اشتراک گذاشتن
مقایسه
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
The Word for the World Ethiopia
