Rōm 13
13
Sorkār Thuoia Anbetōkna
1 #
Zn 19:11; Tit 3:1; 1Pe 2:3, 14 Mī tūkareng hi ningneina dingmuna āom ngāi thuoia om chip u rase. Asik chu Pathianin ei phun nōk ningneina dōn atei tūtē ei phun om mak. Ningneina dingmuna āom ngāi hi Pathian phun a ni u na. 2#Ant 16:8Hasikhan tūkareng ningneina dingmuna āom ngāi ādui chu Pathian chongpēk ādui kēng. Havan tina ādui tak chu a ninga rang ruirilna ānkuoi a ni. 3#1Pe 2:14Ruirilpū ngāi hi om āsa thō ngāi rang ni mak tenchu om āsa nōk athō ngāi ranga kēng anchina ei om. Ningneina dingmuna āom ngāi makunga anchina buia om rang mo nā zōt? Hanōkten om āsa thō ro, hatuka amāni kōm ātā anpākna chong man na ti. 4#1Th 4:6Asik chu satna ranga na rathūla Pathian hasōndom kēng. Tenchu asa nōk lam na thō ten āchi ro, asik chu amā'n akoronga khendāi sūr mak. Ama chu Pathian hasōndom a ni, asa nōk athō ngāi dōra chunga Pathian taksitna sika ama chu rathā āthuonpū a ni. 5#Chn 24:21Hasikhan taksitna anchi duoia ni mak, tenchu sia le sa riatna nei dōn sikā'm ningneina dingmuna āom ngāi thuoia a om a nāng. 6#Mt 22:17Hiva sik tak hin nangnī'n siachōi nei pēk u chachak. Asik chu ningneina dingmuna āom ngāi chu hava sin athō rang piala Pathian hasōndom u a ni. A hun u ngāi dōra chu hava ranga anpēk u a ni. 7#Mt 17:25; 22:17, 21; Lk 23:2Mi tinin ei man rang chang-āi tuk chu pēk ro. Siachōi apēk anāng chu siachōi pēk u ro. Ōt achōi anāng chu ōt chōi u ro. Anchī anāng chu āchi u ro. Aton anāng chu ton u ro.
Inkōlmī Anditna
8 #
Mt 5:43; Zn 13:34; Kol 3:14 Anditna anmū ansiat rong nōk ten tūtē kōma ītē antāng u nō ro. Asik chu mītei āndit tak chu dān āzui kēng a ni zei. 9#Mt 5:43; 7:12Asik chu chongpēk ngāi chu, “Uirē nō ro, Mī that nō ro. Marūsā nō ro, Milaka āriatpuipū chang nō ro, Mī tā ningōl nō ro,” (Ant 20:13-15, 17; Dān 5:17-19, 21) a ni. Hanūk chu atei chongpēk ngal om sā sela, hanum ni rase hiva ngāi dōra ei kipna chu, “Na ninga nei āndit anga na inkōlmī ādit ro,” (Lev 19:18) a ni. 10Anditnā'n a inkōlmī ranga asa nōk thō mak, hasikhan dān ei hekna chu anditna rong kēng.
Nikhuo Anāi zei
11 #
1Ko 7:29-31; Efe 5:14; Zak 5:8; 1Pe 4:7; 1Zn 2:18 Hiva hi thō ro, atunlāi hun hi na riat u na, atun hin āin ātā anthui hun a ni zei. Asik chu na iam mānsa lāi nēka atun hin na sandamna chu ānāi kēng a ni zei. 12#1Th 5:8; Heb 10:25; 1Zn 2:8Zān āhek rang a ni zei, khuo āvār rang a ni zei. Hasikhan, azīng sinthō ngāi a māk a, raāng rālthuom chu a tiang u rei. 13#Lk 21:34; Gal 5:20; Efe 5:18; 1Pe 4:3Sūna om anga asadima kal chōi u rei. Huihōk ansaka lē anrīanhāia, andit anzūr lē hurna ngalnāna, ansuol ankhal lē khāmareta ni mak nei om rang. 14#Gal 3:27; 5:24; Efe 4:24; Kol 3:10Hava ngāi nēk ten, Puma Isuo Khristā chu raliang anga makhop u ro. Na taksā una āsia ningōlna ānkhip ranga ītē mandon u nō ro.
Bible in Ranglong, © Bibles International, the Bible society of Baptist Mid-Missions, 2024.