Rōm 12
12
Anbōlna Dam
1 #
1Ko 6:20; 1Pe 2:5 Hasikhan unāi ngāi, Pathian riangvāimūna le hin na taksa u ngāi chu anbōlna adama, anthianga lē Pathian pomruona āndar ranga ka na mathēm u. Hiva hi na dorbōndom u na ngal kēng. 2#1Ti 5:4; 1Pe 1:14; 1Zn 2:15Hi maniapūr omdāna om u nō ro, tenchu na mandon u anthara anthūl u ro. Hankēng hong mo āsā, apomruo lē Pathian zōtdān satanzui chu nei thiarthāk thei u rang.
3 #
1Ko 15:10; Gal 2:9; Efe 3:7 Ka takchunga Pathian lungkhamna anpēk anga na lom u ranga kei na tī a ni u zei, nang nei ni rang tuk nēka ansānga na ninga andonna tūtē'n dōn nō rase. Tenchu Pathianin a kōma iamna ei pēk zotor anga a ninga andonna dik dōn rase. 4#1Ko 12:12; Efe 4:16Asik chu taksa pumkhata hin a bāksem tamtak a om a, tenchu hava ngāi a sinthō chu mun khat ni zit mak. 5#1Ko 6:15; Efe 2:16Havan tin ang han koini hi ātampā nā ni, tenchu Khristā-na pumkhat kēng nā ni. Angkhat angkhat aloma anzom kiar kēng. 6#1Ko 7:7; Efe 4:11; 1Pe 4:10Pathianin a lungkhamna ei na pēk anga phāmpēk atetei ei na pēk chip a ni. Hava phāmpēk ha deari chongrilna a ni ten, iamna nei dōn tuk le mang u rei. 7#Efe 4:11Hava ha hasōndom tianga a ni ten, hasōndoma mang u rei. Hatuka anchūna tianga a ni ten, anchūnāna mang u rei. 8#Kui 11:23; 2Ko 8:2Lungngam ansakpū'n, lungngam sak rase. Ii āpēkpū'n, anphal taka pēk rase. Āruoipū'n, taksatmara maruoi rase. Lungkhampū'n, rāisān taka lungkham mu rase.
Paruol Anditna
9 #
2Ko 6:6; 1Th 5:21-22; 1Ti 1:5 Anditna chu atak ni rase. Āsiat chu matīr ro. Āsā chu koptit ro. 10#Fil 2:3; 1Th 4:9; 1Pe 1:22Paruol anditna le han lungkham anmū ansiat u ro. Na ning nēka mītei lalchi thō ansiat u ro. 11#Kui 18:25Sin āsa thōna konga han andōk nō tānla ratha lama na āk mathui u ro, Puma hasō chu a dom u ro. 12#Heb 10:32Ansabeina nei dōna hin na rāi mansān u ro. Antaknāna hin diar zām u ro. Zār azonga om chian u ro. 13#1Ti 3:2; Heb 13:2; 1Pe 4:9Mi anthiang ngāi dangandāna neinun ansempui u ro. Khuol antung dorbōndom lama tepannēl u ro.
14 #
Mt 5:44
Pēngsōm anā thō ngāi chunga bōr pēk u ro. Bōr pēk u tānla, khomāk sam u nō ro. 15#Zōb 30:25Rāi asān ngāi chu rāi mansānpui u ro. Āchap ngāi chu chappui u ro. 16#Isa 5:21; Zer 45:5Mandon munkhat achōi ni chip u ro. Chongpākansal u nō tān, tenchu dingmun annuoi mi ngāi bila anlop u ro. Na ninga ahian anlō u nō ro. 17#Chn 20:22; 2Ko 8:21Tūtē'n āsiat chu āsiat dēn le thuon u nō rase. Mitin mitmūna āsā mandon rase. 18#Mk 9:50Athei ten, nangnī'n nei pha thei zotor u miring dōra le anngoia om ranga val u ro. 19#1Sa 26:10; Zer 51:36Kei madit ngāi, na ning una phubā lāk u nō ro, tenchu taksitna ranga mun pial u ro. Asik chu hintin hin anziak a, “Phubā lāk chu ka tā kēng. Koiin rathāthuon ka ting,” Pumā'n a ti. (Dān 32:35) 20#Ant 23:4; Mt 5:44; Lk 6:27Hasikhan, “Na rāldui anchām ten, nēksāk pēk ro, a tī anrāl ten, tī pēk ro. Havan tin han na thō ten, a lusīpa moiraēk an-al buk na ti.” (Chn 25:21-22) 21Asa nōkin nangni ngāi na mandōk u nō rase tenchu asa le han asa nōk chu mandōk u ro.
Bible in Ranglong, © Bibles International, the Bible society of Baptist Mid-Missions, 2024.