نامَه فیلیپی کلیسا را 3
3
مسیح ایمانی راه کا صالح بِه
1اَی چمن برا اِن آخِریکا، خداوندی دِلَکا خَش بِبَه! گردِ اَ چییِنی کن شِمَرا بنوشتیم مِرا زمَتی نِدارِ بَسکَم شِمَه اَمنییَتیرا یَه. 2اَ عِسبَه اونکا رَت آبَه! اَ گناخکارونکا رَت آبَه! اَیِنی کن سِنَت کردِ را جندَکی دَنَّبیرد، رَت آبَه! 3چون اَیِنی کن سِنَت آبَه اینَه اَمه ایمون کن خدا روح دِلَکا پرستش بَکَمون، و چَمَه ایفتخار مسیح عیسا اَ و اینسانیَه ایفتخارون تَکیَه نِکَرَم 4هَر چَنَه اَز اِشتَن جندَکی تَکیَه کَردِ را دلیل بَداشتیم.
اَگَم کَسی فکر بَکَیَه کن جَندَکی سرتَکیَه کَردِرا دلیل بداشتی، اَز ویشتَر بداشتیمَه: 5هَشتومَه روجیکا سِنَت آبیمَه، اسرائیلی قامیکا، بِنیامینی نَتاجیکا، عِبرانیَه خِردَن، عِبرانیَه نَنَه و دَدَ کا؛ شَریعَتی طبق فَریسی؛ 6غَیرَتی طبق کِلیسا اَیذَت آزار اَکَر؛ صالِح بِه ایی کن شرَیعَتی کا آ، طبق، بی عَیب. 7ولی هر چیی کن مِرا بَرَ ایی داری، اَی مَسیح خونِه ضَرَر بَحیساب وَردِم. 8حَییقَت کن اَز گِردِ چییون چمن خداوند مَسیح عیسی آزنِستِه کا کن هَمه چیکا کفاترَ، ضَرَر بَموستیم. چَی خونِه گِردِ چییون از دَست آدوعَمَه و اِمون گِردی هیچ بَحیساب بوعَردیم، تا چمن منفعت مسیح ببو. 9و چَی دِلَکا پَیدا آبوم، نِه اِشتَن صالح گیری نَه کن شَریعَتیکا آ، بَلکَم اَ صالح بِه ایی نَه کن مَسیح ایمانی راه کا بَدَست آ، هه صالح بِه ایی کن خدا کارَ و ایمانی طِبقَه. 10تا مسیح و چَی زندَ آبِه اینجاری آزنِم و چَی عَذابونکا شَریک آبوم، چَی مَرگی دلَکا، هنته چَی شیوار آبوم، 11تاهَر جوری کن بَبی مَردَ اون دِلَکا زندَ آبِه، بَدَست بوعَم.
هَدَفی آرَستِرا تقلا کردِ
12نِمَه وات هِم ایسَه اَوون بَدَست وَردَمَه یا کامیل آبَه ایمَه، بَسکم بَشتَن نَرا بَبَمه تا اَیی بَدَست بوعَم، اِمی خونه کن مَسیح عیسی بَمِنِش اِشتَنرا بَدَست وردِش. 13برا اِن، گَمون نِمَکَرد هَنوزَنی اَی بَدَست وَردَم ببو؛ اَمّا ایلَه کار بَکَم، و اَ اِمکن اَ چیی کن پِشتیکارَ یاد بَمَکَرد و اَ چیی ایی خونه تقلا بَکمَه کن نَکارَ، 14هدفی آرَستِه را تَقلا بَکَم، تا جاییزَ ایی بَدَست بوعَم کن، خدا چَی خونِه بَمن مَسیح عیسی دِلَکا کَفا را خِلِه کَردَشَه.
15اَیِنی کن چَمه دلَکا یالَه شخصینَه، پی اِنتَرَ فِکر بکَن؛ و اَگَم موضوعی خونِه دییَر فِکر بَکَرون، اِمی نی خدا شِمَرا دیار آرَکَرد. 16اَمه پی هر چیی ایی بَدَستِمون وَردیَه، هنته چَی شیوار رَفتار بِکَرم.
17اَی برا اِن، یَندِنَه بَمِنکا سَرمشق بیگِرَ، و شمَه چَم کَسِنی طَرَف ببو، کن هَتَه کن اَمَکا سورَغِرونَه، رفتار بَکَنَه. 18چون چَن کَرَ بَشِمَه چَوون خونه واتِم وحتی ایسَه نی اِشتَن اَسِرگینَه جیگیر بَکَم، خَیلیِن هِنتَه مسیح صَلیبی غَنیم، رَفتار بَکَنَه. 19اِنتَرَ آدَمون آخیر نیفلَه آبِه یَه. چَوون خدا چَوون لَوَیَه وشرم آوَرَ چییون طَرَف بَشین، و اَیِن زمینییَه چییون خونه فکر بکنَه. 20ایسَه اِمکن اَمه آستامونی شِنیمون و خداوند عیسای مسیح اینتظاریکامون کن ایلَه نیجات اَدَرَ. 21اَ، اَ خِنَرینَه کن بَی زبق آرَدا تا گردِ چییون اِشتَن فِرمون آکَرِ، کن چَمَه ذلیلَه تَنی، عَوَض آرَکَرد تا هنته چَی شکوه و جلال گَتَه تَنی شیوار آبَم.
اکنون انتخاب شده:
نامَه فیلیپی کلیسا را 3: CTB
هایلایت
کپی
مقایسه
به اشتراک گذاشتن
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
@ 2024 Korpu Company